其實冇乜嘢害咗佢,柱只係一個名銜,除咗需要開會,另一項工作就係將重大任務交俾佢哋,但炭仔已經經歷過好多次重大任務,包括打下弦五、下弦一、上弦六、上弦四,佢嘅任務除時仲危險過啲柱
鬼殺隊機制本身就好多Bugs,例如成為隊員要喺深山七日唔死,好似義勇暈咗咁完全唔使死,好似村田運氣好好,又或者好似善逸咁避足七日就可以過關
成為柱嘅條件係要殺50隻鬼或者打贏12鬼月其中一位成員,50隻根本從來冇講過強弱,即係話如果夠醒目殺50隻廢嘅已經可以成為柱,炭仔曾經打贏過前下弦六響凱,按照呢個水平已經好接近柱
我見好多人提出過單殺論,但係呢個理論已經唔成立,例如風柱同佢好兄弟匡近一齊做任務殺死前下弦一姑獲鳥,匡近死咗但風柱照樣有得升,所以單殺論根本唔成立,真正要睇係主公嘅心情
仲記唔記得墮姬同妓夫太郎曾經講過自己殺死22個柱,如果係咁炭仔、善逸、伊之助咪已經勁過呢22個柱?佢哋唔使死仲要有份斬殺喎!仲話乜嘢二百幾年冇換過位,下弦一、上弦六、上弦四,三隻炭仔都親自斬,所以佢已經係Pass咗個條件,柱自己打上弦都未必打得贏
更何況論貢獻度炭仔一定係最大
如果完成埋岩柱訓練,動畫原創返劇情升炭做日柱就好,佢拒絕一回事,明明付出咁多結果連成為柱嘅資格都冇,同埋搵炭仔幫手教吓啲隊員咪仲好,佢遇得最多12鬼月,連無慘都遇過