賣糕我覺得係偏向文藝片果邊多啲,組樂隊只係一種故事背景同角色動機。同gbc呢種有啲現實成份又好搖滾嘅樂隊番係唔同。神唔神都係睇個人喜好,每個人睇嘅感受都唔同。
賣糕編劇功力好強,可以當懸疑片咁睇,由開始到結束都有好多未公開觀眾知道嘅事件,但又可以勾到觀眾好奇繼續追落去。
群戲黎開都係好出色。每集都冇多餘劇情,每個角色之間嘅對話都可以令觀眾更理解佢地性格同各自目的。每個人都各懷鬼胎,為達到自己目的而互相利用。由第八、九集開始互揭瘡疤,見到每個人都有自私嘅一面,樂隊面臨解散。到第十集燈神靠音樂獨力挽救返個樂隊真係好感動,由其係燈神嘅角色成長真係好偉大。到最後一集都未有明確講祥子點解退團,留懸念吸引觀眾睇第二季。成個storytelling係滿分,同以前成班女嘅廢萌番感覺唔同,賣糕係一種文藝感好強嘅樂隊番。而且名對白同名場面好多,比到好大嘅二創空間
賣糕音樂(聲優)實力方面真係同劇情一樣
屬於興趣愛好,同gbc成班以職業為目標嘅實力差好遠。利申兩套啲歌同歌詞都係好鍾意,不過音樂實力肯定係gbc呢邊強好多。