師兄你其實講得幾啱,不過唔知點解咁多腐皮
小弟做緊假同埋積木錶,暫時真係未有一隻
可以做到完美
即使係clean廠 VS廠 APS廠 3K廠
外觀係做得唔錯嘅 不過一放大睇細節
就會有好多瑕疵,雖然機芯都照複製埋
但只係外觀 大致上複製 零件擺位唔同
同埋要確保出貨快 冇可能用靚嘅螺絲批去扭螺絲
機心有好多油漬 螺絲崩花
就算玩都好 唔好買貴金屬
有色差,重量做唔到咁重 例如地通拿膠帶 淨係得100克
因為唔夠重 所以啲廠用咗另一種金屬
叫鎢合金,佢同真金接近一樣重
vs aps 狗廠都有做配重
例如地通拿 余文樂 重量可以做到140克
不過呢種金屬好硬,大陸嘅機床搞唔掂
所以啲拉絲位唔掂,同埋做唔到錶扣
錶帶 呢啲細節嘢
仲有個致命缺點係 鎢合金 要包一種材料
先可以上電鍍 如果輕微撞到 塗層都會甩
搞到皮膚敏感 甚至乎有機會會中毒
所以唔好搞
如果用真金方案嘅話真係要幾萬蚊
見到有師兄留言畀人笑,其實真係要咁貴
CNC去做 用原廠嘅數據
淨係金價都幾百蚊一克
不過我覺得唔值
不過幾千蚊隻
做到咁已經好好,但真係唔好諗住 可以呃到啲當舖
或者錶舖
雖然我係做呢行,但我想講 唔好神化呢幾間廠
例如b站/youtube 好多賣錶嘅
會吹到呢啲廠天花龍鳳 乜嘢過到專櫃 上到行
係冇可能嘅
不過都要小心啲有心人,喺facebook 或者旋轉搵食
搵隻clean 買埋盒 整埋假嘅Nfc卡
喺冇對比嘅情況下 真係好容易奶嘢
我下面會講下佢哋嘅缺點
外觀部分: 指針有花痕,盤面有塵埃,條釘有花痕
內影刻字有瑕疵,陶瓷圈甩色,盤面色差
下面附上客人投訴😂
clean 116610 客人投訴對唔正😂😂😂
clean 116610對唔正
clean 116500 計時針對唔準
機芯部分:
兩大機芯廠 孔雀丹東/上海靖和
呢兩間廠都有做 勞力士/AP/沛納海/Omega嘅機芯
去供應畀clean廠 VS廠 APS廠 3K廠
成本問題,只能大致上還原 其實有好多位都可以分到
孔雀丹東
勞力士3135水鬼機芯,3235水鬼機芯
3285GMT機芯 ,4130地通拿機芯
以上嗰幾款同原廠有95%似,大程度抄原廠機芯
上鏈手感差唔多
有經驗嘅一眼就睇得出 例如3135機芯
丹東3135,有卡度
零件精度 同埋打磨 都冇瑞士咁好
隻錶有機會會行快咗,或者慢咗
有卡度可以方便師傅 用簡單嘅工具
調教快慢 呢個係假嘅勞力士最易分嘅鑑別點
同埋機芯嘅刻字 好粗糙
原廠3135,無卡度,打磨靚
如果要較快慢 要用特別嘅器材
地通拿機芯4130,可以睇明表玩樂
佢有做clean 廠4130同原廠嘅對比
Omega 8800機芯,外觀睇落都好似
不過結構同原廠唔同,加咗個夾板遮住咗後面
沛納海p9000機芯
pp324機芯
上面嗰兩隻可以google 睇分別
關鍵詞 丹東p9000 丹東324
上海靖和
勞力士3135,3235
丹東嘅做工會更好,靖和既3235唔係原廠開模
係用3135改結構,睇落個樣係似嘅
不過評價麻麻,佢哋係用隱藏卡度
其實都唔算好隱藏,只係將佢擺咗喺下面
靖和仲有做ap/pp嘅機芯
例如ap3120/4302 pp複雜功能嘅240
都可以google打關鍵字
最後講積木錶:
用一啲大廠clean廠 VS廠 APS廠 3K廠
再加埋原廠件 去砌一隻錶出嚟
例如 常見嘅改 盤 圈 針
早期啲錶平,啲人玩厭會攞去改石圈
改水晶透明,換盤
啲客改完啲件唔要,賣埋畀師傅
又或者師父偷客件 所以市場好多呢啲件
分享一隻aps廠 15400改原廠面同日曆
搵埋朋友原廠嘅26240對比錶帶嘅質感
aps出廠 未改嘅 字體印得麻麻地
原廠面 係靚啲嘅 不過其實唔放大睇都差唔多
冇必要嘥錢,倒米都咁話
隻錶送咗去上海雲魚鑑證,鑑證咗面同埋日曆
如果有師兄 玩積木錶 可以去 雲魚 華測
或者中天徐步天
呢啲都係大陸出名嘅鑑證平台 可以參考下
朋友原廠嘅26240,錶帶質感睇落差唔多
但係放大睇就差好遠
APS廠錶帶
不過梗係唔建議咁樣積木,因為差距真係唔大
打咗成晚,希望可以多啲人了解
歡迎交流,隨便問
zy_waxxx
xxx自己諗 有緣就交流下啦