32歲張天允不敵癌魔離世！曾作客ViuTV《對不起幫緊你》 早前確診子宮頸癌放棄化療

祝巴打以後健健康康
我都有個呀叔早成廿年前鼻咽癌
鼻咽癌好似算係易醫
但係電療電到門牙都無晒
過程有幾辛苦外人唔會知
之後佢都健康作息打蔬果汁飲（蘆筍）
而家都無復發

呢度嘅人不斷judge一個死人做錯決定好無謂
癌症呢家野無包單，有啲人末期都醫到存活多過十年，有啲人初期做完手術感染都可以係咁先，基因都決定咗擴散速度同易唔易醫

我有做腫瘤研究嘅朋友都話，癌症療程比癌症本身更辛苦，做唔做係個人決定，當然身邊嘅人應該要鼓勵病人積極參與治療，但係如果病人只係想精彩活埋淨低時間都應該要尊重

人哋judge佢其實都唔關你事, 由頭到尾你都講唔到延誤治療有咩好處(除咗得到你尊重)

你都識講80%, 唔係8%, 即係佢27歲即刻做傳統治療, 有80%而家好番結咗婚幸福生活緊, 唔係變咗條屍訓係棺材

即係明明有副好牌自己因為啲ON9 理由玩爛咗, 咁條命係佢, 又真係唔關其他人事, 咁我咪講句RIP囉

Tvb就抵死啦

偶然睇過佢D片。 終於可以解脫。 其實都係一件好事。
rip.

根治呢啲聽下就算啦
我朋友屋企人腸生cancer
即時開刀切腸
醫生話切走咗至少9成嘅癌細胞
剩低擴散咗出去嘅就靠化療, 叫大家唔使擔心
成家人聽到好開心覺得一天光晒
點知化療第三星期就走咗

除非親身經歴過，或身邊有人經歷過
否則你唔會知cancer有幾可怕
積極治療有時可能仲衰過唔治療, 啲副作用唔係講笑
聽唔少例子係啲人唔做化療, 選擇開開心心過埋剩低嘅日子
反而仲長命

電化療都係治標不治本
只不過modern medication當道，搞到病人好似冇乜得揀
個啲乜乜80%90%好返都係呃人，係呀電完個下冇咗
但之後又返發
醫生永遠唔會搵個根源，你問佢點解會咁佢會答你唔到
Modern medication只係頭痛醫頭，腳痛醫腳
所以只係好下病下好下又病下咁

我有個fd個中同又係廿幾走，仲要運動健將

感覺流？

咁咩方法先至可以更治本

標靶或者免疫治療係咪都係治標不治本?

部分同意，但現今治癌既方法 包括手術切割 化電療都無法確定100%完全根治 即所謂完全治本。切割只能割咗眼睇到既癌瘤，部分癌細胞有可能已經浸潤到附近正常細胞而睇唔見係會切漏，更不要說有啲癌細胞係生長於某些重要或隱蔽部位係切除唔到既，至於化療又會有抗藥性情況，所以點解咁多病人明明已經積極治療 仍然會有復發或轉移情況，即係現今醫學依然未做到完全根治癌症 只能提出所謂5年存活率數字

rip

所以嘢講theory都好容易
但實際操作呢？
切左癌症 - 好，開完刀切完話冇事喇，三個月後同你講又返發，咁係冇切乾淨定係一早擴散咗唔知，定係又有新嘅癌症呢？
到時係咪可以拎住啲大型研究報告屌柒醫生？

好簡單, 如果你屋企人有cancer, 你係咪可以咁100%信晒啲報告然後醫生話做乜就做乜先

唔信醫生可以點？
真係放手去中醫定自然療法？
定係求神希望上天憐憫

身邊都有朋友家人有癌症
話搵到咩神醫中醫
到頭來只係遇到個神棍

RIP
我喺大概年幾前follow佢
每次見到佢出片都覺得好欣慰
冇諗到佢竟然咁快走咗

唯一唔係好理解就係一開始唔接受放化療
而係走去做alternative therapy
而且我有D懷疑佢話醫生同佢講二期同三期個存活率只係差5%
因為同一期嘅a、b期有時都唔止差5%
如果佢一發現就即刻接受放化療
或許就可以執返條命仔
咁後生就過身真係好可惜

RIP

其實你有無睇人地D訪問
佢呀媽叫佢自己條命自己選擇 同埋完全尊重佢
人地又無話後悔D乜 加上人已走
咁撚樣都可以屌到人 關你咩事姐
做完D化電療 情況有幾差 你D冷氣師 點會知
剩係識得話人on9唔醫 佢27 個年 醫生都話佢就算醫都唔會過到 兩年
但最後佢都32 先走 我都好鄧佢開心

自己人生自己負責 佢已經做到
你係邊位 憑咩用你把口去話人

睇timeline啦傻閪

你睇左佢d訪,但係你講關於佢d嘢都多啱
佢最初發現係stage 2b, 點會有醫生講得兩年命
同你點知佢有無後悔? 你知唔知其實佢講左唔做西醫治療之後做左幾多? 呢個post有時間線你搵黎睇吓

估唔到27歲 stage 2B cancer應唔應該即刻醫都有咁大嘅討論空間…
當然人走左 而家話佢錯係無乜意思
話人哋家人朋友唔阻止佢更加無意思
但係呢個post好多巴絲正視聽
等大家唔好以為自然療法可以根治cancer
呢個討論都係有意義嘅