32歲張天允不敵癌魔離世！曾作客ViuTV《對不起幫緊你》 早前確診子宮頸癌放棄化療

中醫自然療法果啲，問心，經得起科學驗證嘅一早已經吸納入西醫體系，多數都係呃錢，就死嘅人嘅錢都呃，佢哋良心過意得去，都係市場行為

然而癌症病人唔會特別蠢/特別醒，最後都係睇佢哋本身個智商，如果係都中個頭埋去，呢個都係佢哋選擇，干預又有乜用

同意，只要佢選擇就要尊重

死傻仔

想知佢係美國醫用幾多錢

果一年生活質素等同正常人，試自然療法，之後接受治療冇效過身

諗多咗 佢自己ig話啲症狀越嚟越差 會痛到入醫院


同埋你望下佢最後期去美國做化療電療嗰陣 佢都仲有keep住周圍去旅行
治療嗰下冇錯係有副作用係辛苦 但唔係365日都好似廢人咁

「佢地選擇，干預有乜用」
作為一個外人當然可以講得咁輕鬆
但如果出事個個係最好既朋友/家人/另一伴
但有幾多人可以向作佢出事之後講得出依句，而唔係後悔當初無去干預佢既決定，令佢早d接受治療

點解要有條件？印象中大學個時年年黎promo
幾千蚊到打齊3枝，政府應該資助人免費打

不過記得有日本學生打到癱左，同埋講到愈細個打愈好，無性經驗前打又剩

應該唔多錢啦，如果真係有錢每月幾萬既標靶藥或者免疫治療藥點會話貴

唔係話每個人老到一個位始終都會有癌細胞嘅出現，差在會唔會即刻殺死你，有啲老人家成90歲先有皮膚癌，唔搞佢就96走，其實癌症比我哋想像中普遍，好多都無確診同搞唔到個人生活就無去治療

就係多得佢呢啲人成日宣揚
而家好多人寧願比人呃錢買supplements

會唔會係以前無留意呢啲新聞
後生嗰時真係好少睇呢啲嘢玩都唔夠時間

點解無性經驗打會好啲
駛唔駛補打？

咁後生有癌已經好唔正常，過到五年生存期都唔代表真係醫好醫生同佢夠無估到一年就擴散得咁快喇

台灣有個明星後代腸癌過左五年生存期，之後陀b最尾生左先做body check，法國復發走埋上嗰肺到，聽聞最尾醫到生不如死，老豆老母阿哥好唔捨得，都要見閻羅王

眾說紛紜, 講愈早愈好既係話9歲就打得
有D又話9歲未發育好, 有M先打
總之大部分都係話有性經驗前打最好
應該係因為枝針唔係藥, 只可以預防, 而HPV病毒可以潛伏成10年
如果已經中咗再打都無用

好似無講過要補打

諗起生癌完全都可以好返哂又美滿人生
係kick ass主角個老婆
廿幾年前生腸癌末期，醫好隔幾年又復發上乳腺變乳癌，為左保留生育能力用左d好痛苦的療程，之後再醫返好，點知老公同佢離婚
隔左十幾年都45歲識左個17歲靚仔
同個靚仔結婚，個後生仔話欣賞個女人的生命力先咁愛佢
婚後以近50歲高齡生多2件
而家差唔多60歲，又冇復發仲好地地

跟據2B staging 應該chemoRT 唔會得一年

makes sense

呢個又係好慘 陀住第二胎先復發 結果生完再化療已經太遲
老豆老母又怪佢老公搞到佢有第二胎 唔係就唔會遲左化療
最尾藥石無靈但老豆老母又唔肯放手 真係好淒涼

其實有頭髮邊個想做熾哥 佢都唔想死 但成副偈已經無得救走到周身係 呢個時候叫佢唔好死 叫佢諗下對仔女其實好殘忍

我阿公臨終果時我同佢講 我唔捨得你 但唔想你咁痛苦 如果你攰就休息啦
結果過兩日阿公就走左了
我同老母講 就算阿公百二歲先走我都係會唔捨得 既然係咁 我反而希望佢唔洗再受病痛折磨

講開呀咩, 有感而發...

呀咩都走咗差唔多廿二年, 當年我係睇roadshow 介紹先知, 嗰陣呀咩情況已經好差, 幾個禮拜後就過咗身, 廿歲都未夠... 後來佢喪禮, 我都有去

如果佢仲在生, 而家應該嫁咗兼做埋老母, 仔女應該讀緊中學...

佢個網站而家仲運作緊, 但唔好期望有咩update, 就算有update, 都唔係出自呀咩手筆, 已經冇咗個味道. 佢媽都算勁, 咁嘅年紀仲學得掂flash, 我都自愧不如

佢個網站, 如果平常人去睇, 會覺得呀咩好樂觀好有毅力, 充滿正能量, 但如果病人去睇, 可能會有反效果, 始終呀咩個結局唔係happy ending, 個病人可能會諗: "我最後係咪都會好似佢咁呢......?"

呢幾年一定活得最充實