[多圖遊記] 西藏 - 天上人間之山水、珠峰下的星空

live bar黎，你話呢

live半個鐘就消失咗個d?

係，通常一晚唱三四part,唔唱果時都會播音樂囉

之前都講過呢度啲bar兩點就清場，唔經唔覺已經嚟到呢個時間真的要走了

Day 10 再見西藏





朝早八點坐車嚟到拉薩貢嘎機場，離開呢片美麗嘅土地，酒店去機場車程都要大約一個鐘

今次坐國航，目的地：成都天府機場

陳小健你好

機場其實好細，而且係民用同埋軍用兩用，所以客機只能喺部份時段升降買咗包牦牛肉乾做手信，但食完之後發現硬到仆街




喺西藏嘅最後一餐係餃子

唔知係咪因為去四川，佢飛機餐個包裝設計又幾靚拉薩去成都大約90分鐘，但可能因為地勢問題，起飛之後嘅30分鐘係我搭過最chok嘅飛機

成都天府機場設計幾特別，冇分開入境同出境嘅人群因為我哋兩程機唔係同一間公司，所以要重新攞行李check-in，呢個時候就見識到監控嘅好處有個Mon影住佢點樣放行李上行李帶，所以你個篋絕對唔會爛




之後跟住指示由T2去T1，佢叫我哋坐APM諗咗幾分鐘都諗唔明佢英文全寫係咩，直至見到個指示牌… 原來係Automated People Mover

去返澳門航空嗰邊check in





當然唔少得熊貓主題嘅Starbucks & souvenir





呢度Starbucks 都唔平喎

暈就一定既

牦牛肉係拎嚟妹或者送粥

牦牛肉乾又乾又硬，咁仲有咩手信好買

Po頭講過澳門航空出名delay今日原定1550嘅機，1600先見到佢降落喺成都

食物真係冇乜，有人會買檀香

西藏之旅，完





最後delay 90分鐘到澳門，再經港珠澳返香港

完
遲到我去應該會live 不過唔知冬天多唔多團join。

冬天冇野玩 唔建議

例如呢？我都好糾結

空姐正唔正?

後記：

成個旅程最記得嘅有幾個moment，第一個係上西藏鐵路嗰下，個感覺係：我真係要去西藏了。嗰陣有唔少人ig見到就問我去西藏會唔會好危險 / 準備咗幾耐，但其實由決定去同真係出發之間，只係大約三個禮拜可能大家都太多嘢諗，以為去呢個地方要簽生死狀咁，要好多錢好多時間，但其實要求真係冇大家想像中咁高。2019年社會動盪之際，其實拉薩航空仲有開直航來回香港同拉薩，機票唔使3000，不過當時應該冇人會返大陸。

第二個moment係去到羊湖觀景台嘅一刻，如果你有聽過《剎那的烏托邦》呢首歌，就會明嗰一刻自己同天堂有幾接近。

第三個moment係喺珠峰大本營入黑之後望上天，我從來冇見過咁多星星。大家生活喺香港呢個咁多光污染嘅地方，好難有機會接觸天上繁星，但係嚟到西藏，終於發現原來啲星座唔係虛構，你係真係見到獵戶座同天狼星的。

最後去完西藏之後覺得，一世人點都要嚟一次。成個行程10日都不斷收到ig嘅朋友問我呢個trip啲嘢，我就知道其實起碼八成人，心入面都有去西藏呢個念頭。我今次只係玩咗10%都冇，係最入門玩西藏嘅行程，但係想同睇到呢度而又心郁郁嘅大家講，趁呢度仲有民族特色嘅時候好快啲嚟。喺拉薩一陣，已經足夠你睇到藏族文化逐漸逐漸咁消失，我唔知10年前係點，更加唔知10年後係點，所以睇緊post嘅你都唔好再猶豫啦。

仲有少少心態上嘅改變，可能係聽得多佛教？返到嚟之後覺得諗嘢睇嘢有啲唔同咗，更加明白活在當下嘅重要性。藏民俾我嘅感覺係大部份人都過住簡單，但係開心嘅生活，唔刻意追求啲咩物質，反而佢哋更加容易達到心靈嘅富足。離開一下香港呢個咁大壓力嘅地方，用10日時間遊山玩水，原來真係可以為自己注入一股能量。

下個comment一次過打埋呢個旅程嘅summary唔會開post 2了，多謝大家睇到呢度，我哋下個遊記再見

行程總結：

Day 0 深圳過夜
Day 1 深圳飛西寧，坐過夜嘅青藏鐵路去拉薩
Day 2 青藏鐵路，到埗拉薩
Day 3 西藏博物館
Day 4 大昭寺 布達拉宮
Day 5 羊卓雍措 卡若拉冰川 白居寺
Day 6 珠峰大本營
Day 7 珠峰大本營 —> 日喀則，扎什倫布寺
Day 8 日喀則 —> 拉薩，西藏醫學院
Day 9 納木措
Day 10 拉薩 —> 成都 —> 澳門 —> 香港

Join 咗夢迴西藏嘅團，Day 4-9 係跟團玩，Day 2 同10就負責火車站同機場嘅接送

西藏鐵路火車飛喺出發日14日前12306 / ctrip買，每日6班去拉薩，盡量買有床舖嘅位。飛機就暫時香港拉薩冇直航，成都係最熱門嘅中轉站。

關於高原反應，建議出發之前48小時開始食海拔適，可以喺藥房買，總之去到西藏所有嘢都放慢就OK，如果有Apple Watch或者運動手錶嘅就更加好，可以隨時望吓自己心跳&血液含氧量。有少少唔舒服好正常，即係頭痛/喉嚨痛/攰攰地咁，但係如果嚴重嘅記得立即求助。

西藏空氣好乾燥，所以你個鼻未適應好正常，會有鼻敏感/鼻涕出血等等。飲食方面以川菜為主，亦都比較多油同多味精

最後如果你係有暈車浪嘅記得帶定暈浪丸，因為唔少景點都要攀山越嶺，9曲13彎係基本

暫時諗到咁多希望不久嘅將來見到其他巴打嘅西藏遊記

想問下成個trip 淨計當地團費+自費項目有冇大概用左幾多錢倒可以參考下🙏

團費RMB 5200，total HKD 14K

Starbucks全世界都咁貴