我竟然同左一個陌生男仔去歐遊..（2）

Cd rom 唔留言姐

起碼佢都仲睇緊

追到live

樓主加油呀
我覺得寫得越黎越好喎

仆你個街啦
邊度少人睇啊
不知幾多人睇啊
仲好似越來越多人睇添
所以啊
你出少啲文唔緊要
唔係唔好放棄個故就得啦
樓主加油唔好放棄呀屌你

推

能成為密友大概總帶著愛

大把人支持你 等你出文嫁

輕輕一推




順便留個名

終於Live左

加油，其實我由一開始到依加都會特登返工前，午飯時，休息時，放工時，搭車時，等人時，瞓前，都會成日mon實個post 狂f5等文。希望你可以繼續比多啲動力自己。無論在故事上嘅女主，定係現實生活中嘅樓主都要有多啲正能量比多啲推動力自己係現今呢個社會生存。不要頹廢。希望你出完呢個遊記，都可以分享出喺現實生活中嘅負能量以寫故事方式發洩，帶出一啲意義性反思，咁網絡上人都可以互相鼓勵。因為我見你好似現實生活都好似唔係幾抖很到氣咁。。。。。

我地搵左間Café坐低，Josie或多或少都有少少「港女」既特質，就係鍾意所有包裝得好華麗，同粉色系既事物，所以佢都係因為嗰度華而不實既裝飾，先被吸引左入去。

人生入面總會遇上一種人，你同佢唔係青梅竹馬，識左十幾年既老朋友，但係初相識，已經可以無所不談。

可能正正就係因為對方唔認識過去既你，所以佢無法用你既過去黎評論現在既你，更加唔會聽到：「你變左」，「我識你嗰陣唔係咁」，之類既說話。

我同Josie，就係呢種關係。即使一開始只係因為一份group project而相識，但拜另外兩位free riders所賜，我地要約出黎見面傾野既次數就越黎越多。

久而久之，我都變得好相信佢，嗰陣我正值同前度分手既過渡期，非常難挨，但Josie以旁觀者既角度，不加任何偏見地同我分析左好多事。

佢曾經講過：「一段感情裏面，雙方都必定有對錯，如果太執著對方既錯誤而忿忿不平，換個角度黎睇，只係用別人既過錯黎懲罰緊自己，又何必呢？」

被傷害得太徹底既我，有一段時間都好抗拒身邊所有男性，覺得自己已經唔再需要向佢地乞求被愛既感覺。

而Josie對我既慰藉，令我開始意會到，女性永遠都係最懂女性既人，我有一刻甚至認為，同性比起異性更能互相吸引，聽說這世上，沒有人是絕對百分百的異性戀。

不過都係以前既事，或者只係頭腦一時被沖昏，我諗。

無論如何，太美好既人同事，我大概都不配亦不會擁有。

回憶在腦海裏繞一圈後，我一口喝下半杯Black Coffee，任由苦澀味道支配我既味覺，我最享受苦後帶出既嗰股咖啡香。

我如實地將我同Nick由初相識到依家既經歷，一五一十咁講曬比Josie知，連喺荷蘭「死而復生」嗰一晚，都毫無保留地講左出黎。


好似亦係我第一次講呢件事比第二個人知。不過面前既人係Josie，所以我唔介意，因為我知道佢唔會對我既行為諸多批評。


「你地根本就係Before Sunrise真人版！好羨慕啊！」佢聽得雙眼發光，可惜事情並唔係好似電影中如此浪漫。


「唔係啦。現實又點同電影，電影呃人架咋。」我牽強一笑。


我不停用匙羹攪動杯中剩餘既咖啡，其實裏面並冇任何砂糖需要被溶解，只係一個習慣性既動作，令我可以看到杯中既漩渦，然後慢慢失去焦點。


「不如你諗清楚，你係咪真係鐘意佢？」Josie認真地問我，睇黎佢冇再沉醉於電影中既虛構情節。


「姐係咩意思？」我從放空狀態中回復過來。


「即係…..你對佢既感覺可能只係錯覺，同埋你講到佢對你咁好，我覺得好有可疑，我好驚你比人呃。」Josie緊握我既雙手，我卻有想縮開既意欲。


「其實係咪錯覺都唔會有太大分別，我諗佢都係放唔低佢以前個女朋友。」


「放低都需要時間，你唔諗下你用左幾耐時間先get over到你以前個仆街Ex？」


平時溫文爾雅既佢，雖然只係講左一個平凡既粗鄙詞語，但都足以教我驚訝。


放唔低係一回事，但我更怕既其他事。


「我覺得我會輸。」


「嗯？」Josie不解我話中意思。


「邊個坦白先，咪邊個輸。」


「你仲係咁執著輸贏，同你講左幾多次，感情冇得計較呢啲野。」


眼前既黑咖啡只剩下最後一口，我卻喝不下去，被放置得太耐既咖啡，會由香醇慢慢變成酸澀得難以下嚥；或許感情亦如是，沉澱得太耐，剩下既只有心酸。


我諗我由一開始已經輸左比自己。


佛典有云：旗未動，風也未吹，是人的心自己在動。


待續


寫文佔用我既時間太多，同埋硬係覺得越黎越少人睇，有少少頹了，希望兩個星期內寫完，放心唔會草草收尾

哇大佬無睇幾日就咁頹唔好啦
我呢幾日會追返貼啲架啦 啱啱已經live返 加油呀

人在此
最新個篇好sad 不過好好睇
好容易代入左jess

我們曾相愛 想到就心酸

輕輕一推

推

一直都追緊架
樓主加油

我都有睇架！

繼續留名

起碼佢都仲睇緊

加油，其實我由一開始到依加都會特登返工前，午飯時，休息時，放工時，搭車時，等人時，瞓前，都會成日mon實個post 狂f5等文。希望你可以繼續比多啲動力自己。無論在故事上嘅女主，定係現實生活中嘅樓主都要有多啲正能量比多啲推動力自己係現今呢個社會生存。不要頹廢。希望你出完呢個遊記，都可以分享出喺現實生活中嘅負能量以寫故事方式發洩，帶出一啲意義性反思，咁網絡上人都可以互相鼓勵。因為我見你好似現實生活都好似唔係幾抖很到氣咁。。。。。

多謝你一長篇的鼓勵！

起碼佢都仲睇緊

等風聲無咁緊再話你聽

推

最新個篇寫得好好, 加油

推推推