如果咁講,Youtube同IG都係垃圾,youtube又ELSA GATE又剩,IG只係免費版嘅ONLYFANS,成日好多「擦邊」影片。
個平台本身係中性,關鍵係個用家自己點用。我唔知你有無用開抖音,我自己其實每日都睇嘅時間累積都有半個鐘,有啲概念可能要更正下:
1.影片碎片化:好多人都話抖音片得十幾秒,睇嘅人慢慢培育成專注力不足,其實抖音派俾我堆Feed係最少30秒至18分鐘不等,平均每條片長度係兩分幾鐘,同你睇YOUTUBE差唔多,真係得10秒8秒嘅片好少,50條先有一條,因為得15秒表達嘅內容根本唔足夠引起你興趣。
2.大數據紀錄:同YOUTUBE一樣,抖音都會收集你LIKE過乜關注過乜,然後派返啲類似相關影片俾你,所以你係睇開啲鳩片,不論係Youtube同抖音,都係派返一樣嘅片俾你。我自己睇開電影電視劇濃縮片、修復片(老gameboy維修之類)、遊戲片,當然仲有女女跳舞片。
抖音其實真係大世界趨勢,個種普遍程度係歐美都接受左,所以美國政府先日日抽秤tiktok,實際上怕佢威脅到google同meta地位。我有小小開始明白上一代點解成日話我地沉迷互聯網唔好(但事實上90後都係互聯網長大一代,依然過得好好),我睇到呢個Post好多人用老屁股心態去睇抖音,樓主話可悲個陣,其實自己有無認真用過抖音。
我都可以搵到一大堆研究講電視點樣影響青少年大腦發展,但個現實話俾我地聽電視已經係生活一部分。