越幫啲10後補習 就越覺得啲小學生真係係好可悲

已經唔講佢哋細細個已經有自己一部電話
掛住玩電話都唔會去搵其他嘢玩

望住佢哋撳電話
10個有9個都喺度睇抖音或者reels
問佢哋有冇鍾意睇啲咩卡通片通常都答唔出
抖音嗰啲15秒一條片
睇完就碌落去 呢個動作係咁重複
睇完一個鐘之後 問佢哋記唔記得睇咗啲咩
佢哋就完全答唔出
成個小學生涯有嘅娛樂就係睇抖音啲垃圾片
內容係咩完全唔會記得
你問啲00後細個睇過啲咩卡通片肯定都仲答到
但啲10後大過之後
問返佢哋細個有咩娛樂真係唔知佢哋點答

然後佢哋食零食
通常都係食大陸嗰隻魔芋爽
食零食已經唔健康 仲要食大陸嘢

不過呢個都唔係佢哋嘅錯嚟
係時代嘅錯

利申00後 當年啲90後可能都係咁屌我哋

00後其實同90後都係差唔多

但宜家10後咁搞法真係等收皮
吸收既野完全係負健康

一代屌一代

唔係時代既錯
只係你睇唔慣

假設你同樣係00後
其實好大機會你都係一樣

抖音一響，父母白養，啲生番咪由佢睇到飽

越大先越發覺自己對住啲後生過自己嘅
好難唔老屎忽tone

差好多啦 起碼90後細個仲會出街去下公園玩下跑下啦 無手機睇

80-00 後打機睇電視大，發現我哋其實諗嘢學嘢幾快，雖然唔知有幾大關係
但上抖陰睇短片就唔知有乜好處

零食就算啦
我地細個咪又係拎住媽咪麵包粉成個道友咁隊
幾時有o靚仔會食得健康架

一蟹不如一蟹

呢代跳樓好似多過以前喎

00後

跳樓真係唔識講
唔知佢哋呢代實際經歷緊啲咩

好似容易啲受到網絡暴力

關你撚事咩

幫小朋友補習 永遠只會擔心
因為只係真係唔係好掂既先會補

我90後 當年小學雞果陣
冇乜邊個入band 1頭中學係要補習

咁係你悲觀

但睇抖音同reels真係0得著
以前00/90後點樣on9法都可以話收獲左熱血青春/快樂

睇抖音真係0收獲，好睇又唔係，睇完更呆滯，唔係話10後有問題，而係話睇抖音有問題

每代有各自難處，不過睇唔開去錯地方圍爐就好易出事，畢竟上網太方便，唔開心時睇到正面思想都唔會入腦

過多幾年你見到佢點樣屈你機之後仲可悲

70後淨係屌80後淨係識去機舖
80後淨係屌90後淨係識去網吧
90後淨係屌00後淨係識玩抖音
等睇00後淨係屌10後屌乜

其實我地啲廢老日日碌連登都係差唔多

我反而覺得而家10後會knowledge上叻好多
起碼讀書上係,因為父母通常有返咁上下先會生仔
會放好多資源同埋軍備競賽
只係待人接物上唔肯定會點
當然窮人生仔就另一件事

我覺得佢哋社交說話能力可能會低咗
佢哋dse唔使再考說話 學校唔再同佢哋練
平時就摺埋自己睇電話

呢個我都同意 時代不斷進步
佢哋讀書嘅知識一定會多過我哋
但出到嚟社會做嘢佢哋都係要重新學習嘅

呢點 90後00後真係贏哂
我地成長係internet岩岩出現既年代
完全無王管，咩妖魔鬼怪都會出來開post戰鬥
d 留言板仲要無delete post 護航 bam人 反起底 呢d野，一開戰就戰到底
係生存過呢d弱肉強食既時代先會有千錘百鍊既我地
而家d人少少野就咩賴呢樣賴果樣咩咩風氣真係得啖笑