(半live) 躺平旅居生活，獨遊泰國曼谷四星期

好食嗎？本來我就係plan咗 copper，但價錢再貴啲，而且好遠一定要坐的士，有啲懶得去，所以最後跟咗親戚食goji

https://maps.app.goo.gl/Dv9wUmc88nKnLhMr7

呢度？同芭堤雅有好一段距離


隊冧咁癲 搶劫都算，仲要直接隊冧人，真係驚驚哋，泰國始終治安都唔算特別好

去到suan luang rama 9站，本身我就想直接入去西康商場，但親戚就帶咗我去隔離嗰個paradise Park，比較冷清嘅一個商場，但行行下，原來裏面收埋咗一個幾熱鬧嘅food court，我呢啲第一日嚟嘅一定搵唔到呢度



好多呢啲兩餸飯，但我想食啲即炒嘅炒粉麵






65thb，唔錯，炒粉同湯都ok，係唔知嗰度啲燈光奇奇怪怪，搞到張相咁嘅色



另外係飲品舖隨便指一支嘢飲，似奶茶，但唔係泰式奶茶嗰種味

copper真心一般
你去泰國討論區睇就知好多人食完都係咁諗

躺平生活，少不了行下公園

食完飯之後，親戚有其他嘢做走先，我自己一個就諗住去行下公園。我見去公園只係一點幾公里，一條直路，你見我畫咗條箭咀。 咁就挑戰下call電單車，學你哋話齋，試一試。



電單車後座冇扶手，淨係喺座椅下面，有個凹位畀你渣住，但其實唔係太借到力，
(你冇理由攬住個司機㗎)，如果突然嚟個大轉彎嘅話，我應該會飛咗出去


坐完係淆淆地，因為就咁一條直路，司機就開行馬力向前爆衝，都幾危險，但同時又真係幾爽同埋平一半，有啲掙扎




嚟到Suan Luang Rama IX，原來要門票，十蚊



啱啱入到公園，而家週圍探索下

行過一座睇落幾試正嘅溫室





入面雖然唔大，但係乾淨企理，而且出奇地唔算熱，幾舒服




進擊的泰國田雞




估計就係呢座公園嘅地標建築，喺一片花海之下，湖嘅一旁嘅建築，眼前呢個構圖好靚，即刻攞手機影低佢




行過去望下先

地面嗰層做緊講座，我就走咗上二樓睇下，基本上就係放咗好多拉馬九世所收嘅禮物





喺二樓望返落去一樓，唔知個講座搞咩呢，都幾大規模




再出湖邊行下，見到有得踩水上單車，斷估應該係60銖，平就真係幾平，但我自己一支公，就唔玩呢啲嘢了

Plan左幾時落club

週圍咁乾淨舒服，都係多得呢班花王勤力打理，佢哋嘅數量非常之多，差唔多隨便行下，都可見到一兩個修葺緊花草




回一回血





下一站去西康廣場，我喺google map見基本上一條直路，就諗住慳下錢行過去算，沿途係獨立屋有錢區



好快開始後悔了，路程比我想像中長，中間仲要必須行過一段私家路，雖然我問咗途人我可以行入去借路，但嗰度有好多隻野狗盤踞住，圍住我喺度吠


單程路又冇得唔行過呢度，只好急急腳走佬諗返起當年喺屯門圍村比狗追嘅悲慘經歷



終於行到西康廣場

毒撚冇plan落club呀
順其自然啦

電單車真心爽，坐完就明點解D人揸電單車

真係要講到周街神佛先吸引到泰國人架，我去泰國探親戚，佢地帶我地觀光，全日都係睇廟睇佛，之後佢地黎香港玩，都淨係想去黃大仙車公廟搭360睇大佛

Seacon Square，算係熱鬧同埋有少少設計嘅商場，但未滿足到我，同市區個批仍有一段距離



好攰，嗌咗個black chocolate，坐喺度打下文，hea咗好耐



頭先食雪糕hea咗太耐，本身諗住坐一個bts站去healthland按摩下，依家就趕唔切了，火車夜市都即將開門


呢張按摩椅頂住檔先，20 thb 10 minutes ，幾抵玩，忍唔住加多咗十分鐘 坐完20分鐘都係9 hkd左右

起身之後舒服唔少，連成個人都輕鬆咗，跟住再隨便行下個商場，興致都返咗嚟

行過戲院望一望




行過壽司郎，攞張飛玩下，竟然要等十個，不了




呢啲機一睇就成浸中國味，喺中國啲商場見唔少，果然睇佢水牌，得簡體中文同英文，連泰文都冇




入去書局兜個圈，行書局打下書釘都係我興趣之一



如我所料，係冇香港嘅旅遊書，冇人想去遺址



睇落好似啲facebook啲詐騙手機game廣告

lm

離開Seacon Square，好快就搵到火車夜市招牌




雖然有啲距離，但一條大直路，跟住人又向前行就到，都幾方便，而且週圍除咗遊客之外，都唔少本地人，特別係學生，泰國啲校服好搶眼




開始熱鬧了




又掛香港個朵出嚟，唔知店主實際上有冇去過香港呀




呢間幾好食 牛雞串燒都ok，只係記得叫佢烘一烘先，如果唔係佢就咁畀個凍嘅你。

我又真係仆街咗啲嘅 一開始冇留意佢過halal標誌，走咗去問佢有冇豬肉串燒，好彩佢冇嬲

幾抵玩，我本passport又真係冇任何保護，純粹用過三文治袋袋住






佢有得釘一個襟章，再刻字，感覺有誠意好多，似係業餘工藝師既手作品，非曬命




整咗一個畀自己，再買多一個畀個friend 因為刻咗名會直接自爆，就唔影我作品上來了


如果有現實識我嘅朋友有興趣，可以直接話我知，我下次過嚟再幫你整個

火車夜市呢度，掃街嘅攤檔數量唔夠多，最後搵唔到咩食，都係正正經經坐低食個餐




菊花茶，20thb，我嗌啲嘢食都熱氣，靠佢救返我



炸豬肉香腸，70 thb，唔好食，又熱氣



豬肉碎煎蛋飯，50 thb，我本身google translate完，以為係打拋豬飯嗰啲 味道都係普通，好油，但又冇咩豬肉味




豬肉串燒x10 ， 70 thb，冇比較就冇傷害，上個月我喺吉隆坡食嘅好食好多

埋單210左右，雖然唔貴，但質素就幾普通下

80咁平得唔得㗎，仲話25%
市中心啲鋪頭要600-800 1g