(半live) 躺平旅居生活，獨遊泰國曼谷四星期

Oj

冇嗰兩個囡囡浮潛由下影上嘅相睇吓嘅

好

冇圖，真係冇喺手

琴日唔記得覆你，順便講埋，點解我仲會有幾張浮潛嘅相，係因為當時個浮潛領隊，會揸住部防水相機，幫每個人影幾張相留念，之後會即刻send返畀你。


咁我開始用後備電話之後，contact返佢哋，叫佢哋再send一次啲相畀我，所以結論就係keep到幾張相，不幸之中嘅大幸

太好了

人間有愛

謝謝回覆

感恩有領隊send 番相做back up

辛苦樓主了 我都有過濕疹
夜晚瞓覺真係好辛苦 個人又灰
真係好難令人保持正面

我身邊都有識嘅人全身生濕疹
成日見佢爛肉咁
佢最近上個月都開始打枝每個月要比$8000嘅針
(唔知同你講嗰枝係咪一樣)
依家佢皮膚靚哂
希望樓主都可以有改善

又嚟到新嘅一日，今日會去一間我期待已久嘅哥基cafe。

點解我拖到依家先去？其實係因為佢要早一日預約，但我又成日都係瞓醒先諗今日做乜嘢好，所以成日都唔想整booking，搞到拖到而家



喺哥基cafe附近食個早餐，嗌咗碟蟹肉炒飯，普普通通，反而碗湯飲得幾舒服，所有嘢加埋只需95銖。



嚟到呢一間 little zoo cafe
https://maps.app.goo.gl/FHugnzZxBSMvZnJY7





只收現金，準備入場了



順便幫佢買下廣告，我就揀咗package C。佢除咗呢一間little zoo cafe，仲有另一間姊妹店little zoo Garden，都係距離幾分鐘腳程，我今日就一次過去曬佢兩間。

無論係前幾日嘅電話事件，定係我嘅健康、事業、家庭等等嘅各大問題，只要望住啲狗好純真咁望住你嗰個樣，就會暫時覺得，其實所有嘢都唔係好重要，喺狗嘅世界眼中，以上所有嘅煩惱都係冇必要嘅。



一大堆肥美嘅哥基等緊我




呢隻衰妹，一啲矜持都冇 一見到我就瞓落我隻腳度，想點先



三條白麵包




另外仲有啲其他動物嘅，有隻未瞓醒過嘅浣熊



唔知乜嘢品種嘅狐狸



貓

我主要就係嚟睇哥基，唔好同我講咁多其他動物，繼續up圖

你令我諗番起當年 年少無知 膽粗粗 係越南call grab

又係事後先識驚

留名

唔叫雞 去嚟做乜 包條女心兩日睇睇啦

快樂的時間過得特別快，限時個半鐘左右，好快就過。

臨走之前，向啲職員請教一下附近有咩好食，
佢哋就話冇乜，但同對面間拉麵店做緊合作，平15%。




伏咗 個拉麵好廢，都廢事影。呢一個係黑松露醬炸丸子，味道都ok，但係有啲貴。




下一站，行到去佢嘅姊妹店，little zoo garden

今次我目的依然都只係哥基，但都同其他動物逢場作戲一下啦



水獺？




當年比奈良啲鹿集體欺凌過 依加見到類似品種都敬而遠之，大家河水不犯井水好冇




好好摸




陸龜都好得意，但咬合力真係好恐怖。




冇乜見過嘅雞品種，餵佢哋都唔理我

係水豚

入面有間小哥基房，今場重點



一入到去咁樣，雖然冇頭先嗰間咁大，哥基都冇咁多隻，但好處係無限時，同埋大家玩得close啲




一打開門，就會比所有哥基圍住 會係咁圍住你聞，聞完先可以放行






啲staff 仲玩得開心過啲顧客 好多時動物cafe啲職員都係企埋一邊玩電話，當打份工，但睇得出佢哋唔止係打份工，係有心照顧佢哋。

始終狗嘅數量冇咁多，所以每隻狗先可以同啲staff 熟啲。

是

話咁快，就係我留喺曼谷嘅最後幾日喇

噚氣講多句，任何好嘢推介可以都話我知，對我嚟講係最後機會啦

繼續曬corgi圖


因為佢冇限時，淨係間唔中有個餵食時間，餵完嘢食之後又可以繼續入去，咁我加加埋埋，應該係呢間房仔裏面坐咗兩三個鐘

每次想起身離開哥基cafe嘅時候，哥基都會趴住喺度望住我，搞到我唔識得走 坐咗好幾個鐘先至甩難


下一站，鼎鼎大名嘅喬德夜市


同我一年前嚟到相比，規模又大咗好多。另外，可能有啲人已經知道，呢度前一排先火燭，近日先重開返，但睇落完全冇災害嘅痕跡。只係，週圍都係太熱鬧太多人，唔係好啱我




不能理解點解有人會夠膽食




著名嘅水果西施，其實只係一場營銷上的悲劇，全場淨係得班大陸佬喺度圍住佢影相，多人到要有個保安企喺度望實。每次同顧客講嘢都係要講普通話，連個商標都係普通話，將自己中國夜經濟化


望住水果西施個厭世樣，真係戥佢可憐，賺錢不易呀






呢一檔好似特別少少，佢串藥材燒牛肉未見過，價錢都貴少少。事實上中大伏，好難食！三串100泰珠，咁就冇咗。

喬德夜市嘅兩大名物，隨處可見。


名物之一，火山排骨，佢嘅精髓就係份量多，堆到一座火山咁樣，所以我呢啲自己一個人嘅就注定食唔到㗎喇，份量太多。



名物之二，手抓海鮮。

明知會得罪人都要講㗎喇，喺個桶度倒啲海鮮落去你張枱，食客再用手執嚟食，好似喺垃圾桶倒啲廚餘出嚟食咁樣，不了






嗌返一份我鍾意食嘅泰式香蕉煎餅，香蕉加Nutella就係絕配




經歷上次吉隆坡之旅之後，學識咗 roti 呢樣嘢，原來呢啲泰式煎餅都係同樣叫做roti。




望住佢搣開一條蕉，切片之後放入我塊煎餅裏面，好治療，同時可以欺騙自己，眼前呢份嘢好健康，因為有新鮮生果




唔差，塊煎餅煎得幾脆口，但我嫌佢啲香蕉放得唔夠多，有好幾啖乜都咬唔到，但都算唔錯㗎喇

跟住幫襯咗一杯牛油果奶昔，我本身就係好鍾意牛油果嘅。


攞嘢飲嘅時候，店主問咗我一句where are you come from？咁我答hong kong，跟住佢就同我講，xie xie！


其實呢個情況我不嬲都預唔少，初時我會有啲唔開心，跟住認真同對方解釋，搞到氣氛有啲尷尬，所以漸漸我就放棄解釋喇，對方都係一番好意，唔知大家又會點樣處理呢？



我無啦啦講呢個問題，係因為我見佢反正都冇乜客，幾得閒 佢一副想聊我傾幾句咁嘅樣，咁我就即管講下，其實hong kong係講「多謝」唔係 「xie xie」。我都費事做認真撚，輕鬆咁提一提就算。


點知對方好認真咁樣追問咗我幾次，喺真係想知點樣講thank you，我幾欣賞佢求知精神，令我感受到自己嘅母語受到尊重







臨走前又搵咗一檔串燒，今次唔錯，只需10 thb一串，遊客區嚟講絕對係價錢公道