(半live) 躺平旅居生活，獨遊泰國曼谷四星期

呢間嘢係上咗netflix節目之後開始爆紅，之後又有傳言老闆就嚟退休，所以依家紅到要朝早六點幾去排隊攞位


咁就咪搞我喇，旅行期間冇乜嘢值得搞到我咁辛苦

同啲動物玩完，慢慢飲返杯咖啡，隔住塊玻璃再望下佢哋，再準備去下個地方




行下附近，竟然見到有間幻之手羽先，名古屋名物，尖沙咀都有間分店，但我老老實實，幾難食下 唔知喺曼谷又係咩質素呢？


但係就冇機會去試下喇，因為我要留肚，等陣去試下大名鼎鼎嘅copper，好多kol吹奏，又有好多人話唔好食，點都好，試一試啦






根據有巴打推介，試坐muvmi，等得有啲耐，但價錢的確係平同埋方便。


上車之後，先至發覺嚟咗泰國咁耐，好似未坐過tuk tuk，真係成何體統

去copper之前，仲有一個任務，就係要去附近嘅big C 買個乳膠枕，同埋手信。

行下之後發現，始終呢間big c並唔喺遊客區，冇諗住服侍旅客，所以其實買手信有啲唔方便，就唔喺度買了。





行行下，突然感受到一股暖意，一下子傳到全身



乳膠枕都淨係得一個咁大把，999 thb 一個，醫好咗我嘅選擇困難症，都冇需要逐個逐個試了，都冇得揀而且價錢上，比我上次喺siam paragon 睇嘅乳膠枕頭，差唔多平一半。


背住個sales偷偷地上網google下，midori呢個牌子係咩料，應該就係日本牌子，但係搵泰國工廠代工，咁我希望日本牌子有品質保證啦，買！





買完枕頭，再喺on nut附近週圍逛下，的確係一個非旅客嘅熱鬧社區。

眼瞓了，聽日瞓醒再update

去kk園未

仲未，去咗hk園

lm 買24U

係咩？我以為apple care全球包只係包macbook

好慘

咁就用iPhone 啦

ip7+ 用家路過

你都真係勁，其實電話都未必真係要用咁貴

我比較追求相機質素，倒咗好多錢落去

繼續遊記，上文講到逛完on nut，準備去著名嘅自助餐copper一探究竟



呢到交通都真係幾麻煩，bts 轉 mrt 再轉電單車，搞咗成個鐘以上先去到



好似真係好把炮咁，入場都要排曬隊




打卡




佢個模式都幾麻煩，好多嘢食要行出去個櫃檯度落單，但張menu淨係貼喺櫃檯，即係你出去排嗰陣先會見到，冇得諗定食乜嘢先落單。每個人落單嗰陣，都要先企喺menu度睇一陣，先落order，嘥咗唔少時間，點解唔用qr code落單呢？

copper 嘅收費模式係，嗌一兩個主菜再加自助任食，價錢就會根據你揀嘅主菜而有分別。但其實可以選擇，唔要主菜，直接食任食自助餐，反正啲主菜都係海鮮多，都唔關我事。


埋單1350 thb 左右，其實冇出面講到咁貴，除咗少咗個主菜，食嘅嘢都係一樣






外貌比較正常嘅天婦羅





copper 名物之一，忌廉蘑菇湯，真係唔錯




唔錯嘅，但我鍾意燒燶少少，嫌佢太生



carbonara，都係唔好食



呢一份正喎，encore咗兩次，個面汁就係用咗類似蘑菇湯個汁，舊帶子又煎得好ok

以擺盤嚟講，copper一定係最頂級，因為佢係完全冇嘢食要你自己夾 一係就係你去櫃檯落order，一係你行出去櫥窗，叫師傅夾畀你，所以個擺盤賣相，係真係靚嘅



另一copper名物，和牛船麵，聽講出名到copper 諗住另外開一間舖頭，專賣和牛船麵但老老實實，我就覺得普通



呢一份牛正，都encore咗幾次




跟住就唔逐個逐個講了，應該大部分食物都有影出嚟，大家可以自己望下，賣相就唔錯，食落去就有好又唔好啦

copper我覺得整體質素都唔錯，埋單計曬全部稅之後，都只係1350左右，其實唔算貴，而且佢個擺盤可以滿足視覺同埋打卡。我見如果揀主菜，即使揀最平嗰隻，最平都即刻上到2000，咁就唔同講法


但係我嫌佢交通太遠，權衡之下，我都係覺得goji係最好嘅曼谷自助餐



copper週圍嘅格局，大約就係咁樣




佢個招牌，竟然不斷有人排隊影相，想影張冇人嘅都唔得，佢個朵就真係幾勁

下一站，嚟到附近嘅飛機夜市，copper 向上一條直路就到，咁當然就係坐電單車衝上去




食完copper再嚟到呢度，已經差唔多十一點，你見都已經冇乜人流，舖頭都開始閂門，雖然感受唔到全盛嘅飛機夜市，但人少少慢慢行下都唔錯。






週圍逛一逛




飛機一架，兜咗一個圈，應該係冇得行入去飛機裏面的，睇嚟泰國好鍾意，將啲交通工具放喺夜市/市集裏面

行經一間夾公仔舖，覺得佢播啲音樂都幾好聽喎，而且似係live演奏出嚟 退後幾步先發現，原來佢左邊有條樓梯行上去，上層係間小酒吧嚟




叫sense sky，去會一會佢




上面都幾舒服，又唔多人，揀咗個欄桿位自摺一下，又可以見到飛機夜市四週景色









我就係比呢一位嘅歌聲吸引咗上嚟，佢都係唱啲流行搖滾嘅泰語歌，雖然唔知唱乜，但成個氣氛都唔錯，幾舒服的。

嗌咗一杯chang啤酒，泰國經典啤酒之一，但唔太啱我口味。


可能真係太平，我見佢只要120 thb，仲以為只係細細支，估唔到一上枱竟然係大支裝 仲要隔離畀咗個冰桶我自己夾，本身淨係諗住少少地飲一杯算，最尾都係冇飲到咁多



諗返起，今日都去咗唔少地方，今日都過得太熱鬧喇，而家終於有時間自己靜靜地一個坐下，依家夜晚嘅天氣又叫做舒服少少。


望住飛機底下嘅小販開始執嘢走人，逐漸變得冷清，人群離離合合，多數係一班friend企喺飛機底下吹多陣水，再解散各自返屋企。

hea咗大半個鐘，坐到間酒吧真係即將收舖喇，咁就買單走人，再週圍逛下收咗工嘅飛機夜市係點樣



一個倉庫咁樣嘅表演場地






又真係幾好行，週圍都整得幾靚，算係一個整得幾好嘅文創夜市




如果坐呢度，喺個機翼底下飲嘢，又會係另一番感受。

地鐵已經停咗，決定豪少少，直接call車返去屋企。呢度同我住嗰度都有好一段距離，車程都成三十幾公里，凌晨call車真係特別抵玩，估唔到淨係需要200頭泰珠，深夜call車真係比平時再抵好多




等緊架bolt期間，見到夜市入口附近嘅一間酒吧，比我頭先嗰度熱鬧上去多，仲要咁啱有人畀朋友篤出嚟話佢今日生日，跟住對band即場唱生日歌

即使我聽唔明泰文，都睇得出發生緊咩事




又真係幾抵 下次有機會嘅話，想嚟呢度坐下






上車後基本上冇乜等紅燈，全程都係直接衝，沿途見到好多唔同嘅景色，但好快就瞓著咗，起身已經到樓下了

今日，完

咁你鍾意Marriott 嘅goji 定copper 多啲呀