(半live) 躺平旅居生活，獨遊泰國曼谷四星期

臨近新年，好多地方賣緊利是



好大舊冰




行過見到一間關帝古廟，上個月喺吉隆坡唐人街都見過，但規模大啲





除咗關公，仲會拜周倉，我記得佢好似係關羽啲手下



企喺角落頭觀察咗幾分鐘，都係搞唔明白點樣拜祭，特別見到呢一位馬爺公，唔知點樣要買兜菜去拜佢？真係攞去燒畀佢定係點？

企多一陣之後就敗走了

之後行到嚟三聘市場，唔知呢個名嘅意思係咪，之後搵工嘅時候，可以連續畀人聘請三次？我相信你㗎






其實呢度幾普通，條街太窄，仲要成日有啲電單車行過，最大問題係，呢度八成以上嘅商店，都係女人街或者屋邨雜貨店嗰種淘寶味




間唔中有呢啲布料店舖，先有啲意思





冇咩好行，掃下街算，大大串魷魚肉，80銖





幾正，好少有機會大大嚿魷魚肉咁樣咬落口

唔知乜嘢魚嘅fish ball，只要30 銖



呢個價錢嚟講真係好大份，食完呢兜同埋頭先魷魚，竟然已經有少少飽


佢係真係有啲魚味，其實就有啲似魚片頭嗰種感覺最重要係佢有啲青瓜片，令到佢冇咁heavy，可惜佢啲泰式辣醬落得太多，蓋過咗浸魚味




頭先地鐵站個map提到呢一個位，Tang Toh Kang 陳焯剛，明明個map嗰度寫係啲乜嘢gold museum，但望入去就係一間普通嘅金舖，咁我就費事入去運吉了，遠觀一下呢個建築物就算





開始有啲熱，買杯龍眼冰回回氣



咁樣好似有少少唔衛生.... 但算啦，一場嚟到，冇得計較咁多





不好飲 冇咩龍眼味，啲果肉都係冇味嘅，唯一作用就係夠冰涼，我不如飲冰水算

行經附近一間屋邨商場，入去涼冷氣，條電梯落到一半突然間減到勁慢，好似得返20%速度咁樣，勁驚，等咗十秒又變返正常速度



小商場去廁所都要收錢，但其實我都支持嘅，少少錢換你一個乾淨啲嘅環境




坐低嗌咗杯thai tea latte，一邊打一打文，終於打到現在呢一刻。


send 出呢一條訊息之後，我就會拎住杯嘢飲，行去附近龍蓮寺睇下

聽人講越南食法國菜好似好正

平平地50銖食個pad thai 又一餐

冇錯，但通常應該飲唔住口，會嗌多啲小食，但都仲係幾平嘅


我目標係，今次旅程嘅生活費唔超過港紙一萬蚊，除返開大約每日可以用1500泰銖左右，睇下有冇機會做到

點會唔得 你旅居又唔係旅行 食撚死你都仲得

聽講肝腎眼角膜心臟都有價有市

龍蓮寺似乎閂咗門




過完馬路去睇真啲，見到附近有啲檔口喺度買啲祈福嘅嘢，一時間覺得冇乜所謂，就平平地買咗個「健康桶」，60 thb



咁嘅樣，但其實我完全唔知乜嘢嚟，唔知點樣參拜，點樣使用呢舊嘢，勢估唔到原來賣嘢個阿婆，中文同英文都係一隻字都唔識 100%溝通唔到，我手上拎住舊咁嘅嘢，扔咗佢又唔係，唔知點做


(明明呢度係華人寺廟，件product 個學名都係中文字，product 上面都係寫滿中文字，我expect 佢會識講幾句中文呀)





兜兜轉轉之下，問咗幾條友，轉入去原來有另一個入口入到去龍蓮寺




拎住呢件唔知用途嘅「健康桶」，成個人好唔自在，淨係想快快手處理咗佢，入到龍蓮寺都冇咩心機睇嘢

行到入面見到有個櫃檯，見到其他人嗰啲祈福嘢，放喺櫃檯上面，原來係要喺呢件嘢上面寫上姓名生肖同埋出生日期，咁我就即刻搵支筆補返上去先


我見其他人，會將呢啲祈福嘢放喺呢個櫃檯，職員會問你finish? 跟住職員會將佢壓扁，再收埋喺袋裏面。我唔知我miss咗啲乜嘢參拜步驟啦，但唔理得咁多喇，淨係想快啲處理咗佢算

處理咗舊健康筒之後，在週圍行下，見到好多人會喺門口用100銖買張紙，去「拜太歲」



但我完全睇唔明呢個表係乜嘢嚟



應該要睇完呢個表，先可以喺拜太歲張紙上面寫曬所有訊息 google完都搵唔到啲乜嘢參拜攻略，都係算啦，放棄

放鬆一下，唔理咁多週圍行下，其實幾靚，香火好旺，週圍掛住紅色燈籠，無論係肉眼睇定係影相，都幾靚




呢度應該就係主殿，三座大佛喺度畀人供奉




難得呢個我識玩喎 中外共通嘅習俗，點火上蠟燭，100 銖攞去啦



希望大家龍年平安




放上枱之前影多張相 (覺得呢張好似影得唔錯)

離開龍蓮寺週圍行下，我香港冇見過間咁嘅嘢喎



更加冇喺香港見過呢啲咁嘅嘢，攞香港個朵出嚟有咩用呢




行經一間廣東寺廟，聽到佢播住啲廣東話祈福歌，感覺幾熟悉





但入面一條友都冇影張相就走了



跟住又行過一個商場，商場名非常直白，就係叫做chinatown





但似乎淨係個外觀好潮，入到去都係普通屋邨商場feel，冇咩好睇

平靚正

好難用到一萬wo

準備使幾錢

下一個景點，嚟到金佛寺，供奉住世界最大嘅純金佛像(wiki)





喺四樓嘅重點golden Buddha雖然仲有開，但23樓就閂咗。我過嚟係想睇埋2 3樓個Chinatown 館，網上啲台仔話係講述泰國華人嘅發跡史，好值得一睇。


我問櫃檯，2 3樓 opening hours 係幾時？佢話係2-4 pm，開得兩個鐘.... 咁就算啦，我今次就先唔買飛了，下次一次過睇曬兩個地方




下次再上去4樓睇金佛寺，今次喺外面影下算，就咁喺出面睇，已經係足夠氣勢磅礡

身體咩事

正 樓主趁呢d迷失時間 享受下人生
去完一度又一度
到你洗到無錢 你就會搵到你既目標

有免費住宿真屈機

想知如果想好似樓主咁玩
但無親戚屋企
有無得租一個月 唔住酒店