(半live) 躺平旅居生活，獨遊泰國曼谷四星期

準備之後幾日去芭堤雅，而家先睇緊酒店，準備係ekkamai 坐大巴去，其他暫時都係一竅不通，等陣再自己做下research

有任何食玩買 歡迎分享下

落車，去到siam 站，週圍好多大大小小嘅商場



原來喺馬路十字路口位，上蓋起咗一個天橋平台，連接住週圍每個商場，好方便

第一集，去到曼谷市立藝術文化中心

入面大約係咁樣



由於時間唔夠，淨係隨便行咗幾層攝影展，下次有機會再嚟認真發掘下




所以，咪話因為你悲觀囉....




用簡體字寫呢句說話，又吹佢唔脹，難得係睇簡體字順眼啲



行呢啲風景攝影展，我成日覺得同自己影嘅旅行相唔係差好遠，可能係我唔識鑑賞啦，覺得有時攝影台影嘅相都仲靚啲。

下一站，嚟到湯普生博物館，途中突然落大雨，過咗一陣就停




呢個真係幾好，你買完飛之後，佢係會直接根據人流同國籍，幫所有人安排一個tour，唔係話嗰啲定點時間開始tour個種，可以確保每一個人都參與，而且更加彈性


另外，佢竟然提供五國語言嘅真人導賞真係少之又少展覽館可以做到，非常貼心嘅服務



出面仲落緊雨，咁大家就喺locker個一邊等，我嗰團15分鐘後就開始



大家有興趣可以望下先，我就唔講廢話介紹呢度，反正如果我講嘅話，都係根據張紙講

唔使等發達啦，儲下假直接過嚟啦

廢到笑

好難講，我親戚就話從來冇擔心過嘅 我暫時感覺都幾安全，但都係留返個心眼好啲

例如清邁嗰邊就開始近緬甸，我就有啲淆底唔敢去嗰邊

隻蝦個賣相笑撚到我

導賞員集合之後，原來呢個時間嘅普通話團總共得三個人，相反隔離法文團有成十四五個

導賞員係泰國人，但普通話都係母語程度，叻過我了 (但有啲明顯嘅泰國口音，將一句說話最尾幾隻字拉長嚟讀，十分易認)




首先，可以見到，呢啲紅色木屋，會用好多條柱插喺地面，令到佢距離地面有一定距離，咁樣目的係為咗減低水浸嘅禍害。




呢張枱嚟自廣州十三行，所以特登喺上面畫咗十三行上去



迷之石像，已經有好多百年歷史，已經追溯唔到原本係乜嘢。



我不嬲非常鍾意呢啲實木色設計


呢個建築群係Thompson嘅私人住宅，所以喺比較近代嘅建築，我我認為只要選用咗呢一種實木，個顏色同質感，都會變得好有歷史感，屋主都係好有心機，参考而泰式建築為主體所建造。







周圍太多都係東南亞嘅文物，睇得出屋主真係好愛泰國文化同藝術，自己間房都要放咁多文化藝術品，但值得一睇係，始終當時係打緊南北戰爭，屋主作為美國人，所以都要放少少同美國相關嘅嘢

真理寺值得去睇吓
夜市推介去呢個，要call grab
唔好太夜去，啲人賣哂就收工
旁邊有啲outlet鋪可以早啲去睇吓有冇嘢啱買
https://maps.app.goo.gl/TP1JNsEqmJyq5qze9?g_st=ic

導賞員繼續帶我哋週圍行，我覺得呢度計另一個優勢，係佢個人流管制做得好好，首先買飛嘅時候，大家會自動被歸類去一個導賞團裏面啦，然後團同團之間嘅時間間隔做得好好，即係我嗰團走嘅路線，基本上係冇撞過其他團，全程都好似係包場行咁樣，而且又唔會聽到陌生嘅語言







重申一次，我真係好鍾意呢種木色，望落去好古色古香，但同時因為佢係有錢佬嘅私人住宅，實際上其實好新淨企理，唔會有好殘舊嘅感覺



大廳，有趣嘅地方係，其實泰國傳統文化係冇大廳邊個概念，但呢個美國有錢佬就加咗上去，所以可以見到，呢度係用咗少許現代西方嘅建築概念，去起一個泰國傳統建築，對外國人嚟講係特別容易入口同理解




泰國人做好多嘢，都要去算一個吉日出嚟，呢點同中國文化幾似。


導賞員話，有次算咗出嚟話，屋主會係61歲有重大變故，但屋主唔撚信照出咗去玩，結果就失蹤咗，到而家都未搵返，上圖就係算到佢61歲會出事嗰張紙

屋主用咗一啲現代嘅建築方法，令到佢畀泰國嘅傳統房屋高，個樓底高好多，所以就會通風啲，冇咁熱，唔知係咪錯覺，感覺上真係咁樣。

另外都見到佢安裝咗啲西方燈，始終呢啲燈光有用啲。



佢屋企個大廳望住條河，原來之前河嘅對面，就係屋主嘅絲綢廠，平時起身之後就坐船去對面視察下

啲員工都慘，日日畀老細坐喺河對面嘅豪宅嗰度，望實你做嘢



泰國傳統上，亦都冇喺屋裏面起樓梯嘅做法，通常會起喺出面，或者用嗰啲可以收得埋嘅雲梯




屋主都真係一個旅遊家嚟，上個世紀就決定隻身搬過嚟泰國，最後都係喺馬來西亞旅行時失蹤，死喺旅途上，呢種生活幾浪漫

行完大宅之後，走廊出面有一間小咖啡店，環境又真係嘅chill，又冇乜人



可以望到下面



感受一下前屋主，坐喺度欣賞佢棟古風豪宅嘅氣魄


但我睇google map評價，呢間嘢都係伏伏地，所以簡單嗌咗杯嘢飲算，唔算好飲，但埋單都130 thb。



原來前屋主嘅絲綢廠，已經形成一個品牌，所以唔怪得知要活化佢個住宅，仲要做埋多國語言導賞



佢有啲嘢都幾靚，但價錢就當然唔係泰國本地物價，靠近歐美價錢多啲，我都係慳下錢算啦

bye 湯普生博物館，我覺得呢度都唔錯，我見華文世界比較少提起呢度，同大家推介下




湯普生博物館 隔離，又有一個 The Jim Thompson Art Center，呢個建築就唔係湯普生本人起嘅，純粹係借佢個名，咁就入去行下



文青蒲點，週圍都幾好，可惜間cafe半個鐘之後就閂門，如果唔係都想坐一陣



圖書館

再上一層，上面有個臨時展覽館，有少少眼瞓所以冇認真睇，入到去先知，原來係講中東嘅，基本上同湯普生或者東南亞冇任何關係



呢個咪傳說中，美國整嘢恐怖分子啤牌，畀啲軍人邊玩邊點相，呢招真係高





其他一時間唔認得，但地圖中嘅呢一角，相信大家都即刻認到喺邊度嚟

再上多一層，仲有一個天台，睇落好似，我半年前去日本四國(遊記廣告)，所見到嘅安藤忠雄 水泥風建築




望一望遠嘢，個人都舒服啲，同時亦都係一個smoke 位





跟住就準備行去siam附近一條幾熱鬧嘅街，我唔知嗰條街叫咩名，但我見近大學，條街上面好多食肆都有人講，應該係幾熱鬧嘅位

我好鍾意食串燒，一早已經mark低咗兩間串燒店，都係呢條街上面，第一間嚟到民記沙嗲，完全冇我想像中嘅老店feel，咁新淨嘅



你睇下背景，一個客都冇，就知道我仆街了 唔好食，肉質太韌太柴，但起碼冇咩雪藏味嘅



再而衰，三而竭。下一站嚟到Pork Satay Nai Song，一嚟到，見到排曬隊，要等籌，今次應該唔錯掛？



我坐緊喺門口嘅膠櫈嗰度等籌，等到下一個就到我嗰陣，隔離左右突然起哄，全部企曬起身，撞到我


抬頭睇下搞乜鬼，原來有隻好大隻嘅老鼠沿住等籌啲櫈，跑咗入去廚房裏面，仲要撞到我對鞋一下，嗰個撞擊感真係難以忘記


下一個就到我了，依家先走人好似好唔抵，我唯有發自內心，衷心希望今次係個別事件

多謝曬你推介呀，會全部記住
另外，暫時諗住喺klook 報ko sak 嗰啲離島一日團，去玩下水上活動，玩下滑翔傘，如果有推薦歡迎分享下

ok

食店大把，留意下附近樹底好多老鼠洞

眼不見為淨
我住嗰帶就乾淨啲，冇見過老鼠

但是我見到 次次都嚇死我 我係好驚老鼠見到佢地會暴走大叫

夜晚係唔敢行後街 街市