(半live) 躺平旅居生活，獨遊泰國曼谷四星期

玩一個月？ 住所一定要bnb先得

on99租單車俾人passport
你俾多小佢tip就唔駛俾

泰國就係驚衛生
之前去成日肚屙

Asoke區Sukhumvit大街上面d舖確係咁貴, 我記得係600-800豬1g, roll到2 joint出來, 不過遊客區係咁

買買下衫就洗晒

皮包骨 係香港坐都不了

見啲泰仔飛馳緊嗰陣坐後座玩電話

有啲女嘅就坐單邊，真心想知轉個大彎嗰陣唔會向前跌咩?

琴晚遊記未寫完就瞓著咗，聽游live聽到太夜先開始打文

睇片聽講過和尚灑水係祝福嚟
泰國人奉獻完都會被灑水
另外都係宗教原因，唔好隨便摸人個頭
尤其小朋友，會被人鬧的

可能好彩 我又未試過畀人笑


以前喺西班牙落過幾次，上兩個月去吉隆坡 都畀個中東仔拉咗我落club (廣告：記載於上一篇遊記)，都冇話畀人啤住



雖然我外型同埋性格都係真毒，我諗我係能夠假扮一個相對yo小小嘅人格出嚟(同點解我改自己做面具男都有啲關係)。我又唔會話完全討厭落club，有開心嘅地方，但始終都係感覺唔自在，起碼我唔係會想主動落去嗰啲人

壽司嗰啲先癲，照樣擺喺常溫，真係唔知點解咁樣都食得落肚 你都講得啱，水果都應該小心啲，但我諗熟食都ok嘅，雖然可能佢擺咗好耐，但起碼會烘一烘再畀你



感謝祝福 願死後世界沒有濕疹

好彩有你哋呢啲識途老馬教路

遊客區mark up個價成3 4倍 都cls

本來我仲有啲驚食唔食好，多謝你分享

講返琴日，跟住bangkok tree house個路牌行，越行越入之後，見識到柳暗花明又一村，到達



我見唔少人都係踩單車或者電單車過嚟，其實條路都真係窄，兩邊又冇欄桿，有啲危險




呢間木屋，真係建造喺濕地上面




首先去outdoor 區域望下，都算舒服，但始終都係熱




入返去室內冷氣區，搵到一個超級靚位，一邊涼住冷氣，又有全落地玻璃，可以望住窗外個景




坐上枱之後，我嘅右邊就係上圖嘅落地玻璃景色，左邊就係望住店內室外設計嘅景，都係好靚，我好鍾意呢啲實木顏色，再加啲溫暖嘅橙光同埋落地玻璃，perfect






店內養咗兩隻貓 黑色比較親人，灰色嗰隻就冷漠啲，但兩隻都會主動靠近店員

週圍真係幾靚㗎，擊中我嘅審美觀





非常打卡able嘅食物，朱古力奶昔幾正，藍莓芝士蛋糕就普通，食落好似爭鮮嗰隻芝士蛋糕嘅味




店內平均都係坐咗三分之一顧客左右，對於討厭多人嘅我嚟講，係一個幾好嘅人數比例

慢慢望住窗外嘅日落，雖然冇直接見到夕陽，但都滿意了

六點左右開始天黑，準備埋單走人，呢度咁樣嘅環境，呢個價錢真係十分抵






週圍影下





其實佢另一邊仲有個住宿區，畀人租嚟住，價錢幾多就唔知，但我就走咗上去屋區嗰邊個屋頂，可以望到頭先咖啡廳嗰邊，喺森林裏面散發住溫暖橙光嘅小木屋，真係正



(雖然睇相好好，但其實屋頂呢度勁多蚊蟲，我企咗喺度唔過一分鐘，已經畀人咬咗兩啖

雖然我自細受濕疹訓練，唔太驚蚊咬嘅痕癢但都係驚登革熱嗰啲，都係小心為上，敗走屋頂)

離開了，入黑之後行呢條路出去，真係要再小心啲




開始行到返去民居區域，差唔多到碼頭了，沿途見到有隻狗望住我係咁fing條尾，喺同屋主眼神交流示意之後，撚咗佢幾嘢先走

好彩唔係好鬼惡嗰啲村屋門口狗





夜晚的碼頭




坐船沿路返回了

今日加埋都踩咗唔少公里，落船之後本身想買支寶礦力，結果買咗呢支嘢，超難飲，溝水嘅藥水味，飲咗三分一就抌咗入垃圾桶




距離目的地 bearing夜市大約3.5公里，聽你哋講得多，膽粗粗又call咗一次電單車，喺車同車之間穿梭，感覺係幾自由。


今次司機行時速45左右，其實都可以接受，可能只係因為琴日個司機衝得太快，肯定過45，所以先搞到我有啲淆底。


但係頭先我坐坐下嘅時候，突然聞到佢件衫好似有少少weed味 嗰下真係求神拜佛我聞錯




喺夜市掃咗幾樣嘢，然後坐低食，總額只要125 thb




有live band


坐低之後，有條啤酒妹走過嚟，但佢見到我唔識泰文之後，就開始有啲黑面 我又唔想飲酒，而且佢都貴，都係唔幫襯佢，本身我以為唔幫襯就冇得坐，但我同個啤酒妹溝通唔到，唔知係咪咁。

唔理了，最後厚臉皮啲，照坐




臨走前買咗盒蘋果返去食。


蘋果放係室溫太耐就會變色，所以我判斷佢應該唔係切咗好耐，照買咗返去食。但我睇返你哋講，都講得啱嘅，下次都係唔好喺夜市買呢啲室温生果


day 4，完！

早晨！




今日起身之後，就落咗樓下咖啡店坐，又買咗個7仔飛碟。寫咗成個鐘，終於補完琴日嘅文


live住出遊記實屬不易㗎，唔信你哋遲啲自己試下

睇相坐電單車時D車太逼，比我就唔敢

真係，雖然爽，我都有啲淆底

琴日你都有份吹奏電單車㗎，而家想笠水？！ (講笑)

我之前去曼谷獨遊都係call 電單車！正到癲！free到爆