(半live) 躺平旅居生活，獨遊泰國曼谷四星期

瞓醒覺先睇

原來我中咗伏，仲幫人數錢
但味道真係ok喎

經過grab call嘅車應該都算安全？你講私家車定電單車先 講起十年前都試過喺中國某城市亂咁上啲電單車，諗返起都危險



講起，我依家有少少習慣咗坐電單車了，除咗平之外，最重要係通常一兩分鐘就會有車，實在太便利了，忍唔住 依家我睇下路線先，如果係一條直路，冇咩多轉彎位，就call電單車算

如果係鹹水入水其實要用淡水沖乾淨等佢乾先開機因為鹹水會腐蝕底板

又學到野

太凍天氣電話要貼暖包

其實我依家部電話仲就咁放咗喺枱面，等緊返到香港先整。


咁其實我而家係由得佢畀海水腐蝕 但我三日後先返香港，請問呢段時間有冇話有咩可以做？定係算啦

Cute

其實咁耐已經冇乜嘢可以做到
我懷疑你開機嗰下已經搞到某個零件short circuit
如果喺香港要整到可以開返機俾你backup data要逐個逐個零件睇吓邊個燒咗再換來睇吓開唔開到機

好啦咁真係聽天由命 多謝電話大師教路

我都係諗住去samsung官方嗰度整咋，睇下佢有冇咁好心機，上次去朗豪坊嗰個維修中心，排隊都排咗幾個鐘

建議你唔好抱咁大期望
官方維修通常都唔會同你逐個逐個零件咁樣整，因為如果可以整到佢哋通常都係直接同你成塊底板換所有data會冇晒

試咗了，真係啲地區嘅精緻小店feel，我幾享受搵到呢種店舖嘅感覺，佢仲要行入一條社區嘅路入去，環境好舒服


食物我嗌咗兩樣好公廁嘅嘢，味道我覺得就正常，唔係特別出色，可能要特登嗌泰北菜先ok，點都好，多謝推介

有冇食過breakfast story早餐

冇喎，有咩來頭？

睇依張相幾普通

電單車啊

不過係爽爽子

當時ga我，無你諗到咁深思熟慮，諗到就call

後生嗰陣冇諗咁多嘢，先玩得開心
同埋嗰陣都未有咩kk園啦

離開之前再去行下Soi Cowboy





感覺同芭提雅步行街類似，但係條街短好多，都係一種濃厚嘅cyberpunk味道

返到去bearing ，行返屋企期間，突然有感而發。其實當初我開post嗰陣，都考慮咗一陣個標題，短短四星期就稱自己做「旅居」，似乎係有啲不自量力，我喺度留咗一段時間，都只係感覺自己係一個不熟悉嘅外地人。



但係出咗bts站之後，望住呢個每一日都見到嘅馬路，行住同一條路程，可能幫襯同一間小販，買同一杯咖啡，同同一個保安打招呼，突然發現自己開始唔使開住google map，就係好自然咁樣行完呢一條路。得到咗一種非旅行，而係居住嘅感覺。


雖然我對泰國嘅一切仍然係一知半解，但不知不覺中好似適應咗少少，了解多咗少少。

一日之晨，由一餐榮泰湯粉開始




今日坐船，去河對岸嘅鄭王廟




印象中嘅東南亞佛塔式建築，百聞不如一見。





可惜冇得再行上去，維修緊。

每一梯級都幾大，有啲難行。


另外有一點呢，係其實塔上面嘅空間好少，但又太多人喺度打卡，又迫。每一個角落，都係啲人排緊隊去影相，都係好影響觀賞體驗，冇咗一種去感受歷史嘅情懷。

咁當然，我都明嘅，呢度影相真係幾靚，如果我唔係自己一個嚟，可能都會叫同行嘅人幫我影下相，所以都真係好難取捨。





借朵花打下卡




鄭王廟，鄭信本人就係華人，所以呢個建築其實係會見到一啲中華文化嘅影子，例如見到呢啲碟，都好明顯。




如果認真行去睇下佢嘅外牆，放大去睇，其實感覺佢個工藝唔係特別出色，如果你退一步，成座塔咁樣睇，又會突然覺得成咗塔係鬼斧神工咁樣，喺用好多唔係特別出眾嘅工藝堆砌出嚟。

識啲嘢