(半live) 躺平旅居生活，獨遊泰國曼谷四星期

非曬命真係畫龍點睛

嘩！

條魚好正喎

性價比超值

隔住個mon 都流晒口水

我本身就係小食魚，真係驚喜，你話好似蒸魚咁滑都形容得好啱

我都plan緊過去泰國個FD度過日子
食宿佢攪掂
諗緊辭唔辭職過去

仲諗，快啲起

巴打今年諗住玩到幾時呀？

係喎

你未講買咗啲乜嘢手信番嚟喎

屋企人朋友鍾唔鍾意呀

到咗香港出飛機時有冇海關入境啲人係閘口check 乘客呀

可以encore 嗰包零食有冇買多幾包番嚟食呀

早晨，又係新嘅一日，今日諗住一次過去兩間哥基cafe，學樓上有巴打話齋，已經有少少沉船


第一間嚟到，Corgi Alley


佢間舖係一條巷仔裏面，週圍都係民居，而呢一間哥基cafe應該係用前舖後居嘅模式，即係其實佢間舖後面就係佢哋自己住宅，店主同埋嗰班哥基，應該都係住喺後面嘅住宅。





我最欣賞佢哋一點係，店主係會帶埋啲狗一齊去旅行。我知道香港唔少動物cafe，收工之後，都係將啲動物鎖喺舖頭裏面算

但佢哋唔單止將動物帶返屋企，仲會同佢哋一齊出去玩，咁一定要支持下啦




嚟到門口，其實有啲緊張，因為我冇book，希望walk in會有位啦

一打開門，仲未開口問職員有冇得walk in，就有隻哥基走過嚟睇下我咩料，係咁聞我




好彩有得walk in，跟住仲送咗一個哥基屎忽做紀念品




大家坐喺度等哥基進場，圖中呢一個係同哥基玩嘅空間，出面仲有一個坐低飲咖啡嘅空間。




過一陣之後，哥基逐隻跑入場，跑去對每一個客人聞嚟閒去


其實就總共淨係得六隻哥基，佢總數應該有九至十隻，今次就放咗六隻出嚟。雖然數量上，完全比唔上上次去嗰間little zoo cafe，但呢一度係sell溫情，人少啲大家玩得close啲，各有各好。

呢兩隻嘢最黐我





點解佢哋躺平趴喺度，乜嘢都唔做，都可以咁得意 上天真係唔公平，我都想躺平呀






再對住我笑，真係會沉船

唔鍾意狗嘅朋友，真係唔好意思喇，繼續都係一堆哥基


急急腳離開 Corgi Alley 之後，再次嚟到上次嘅little zoo cafe ，兩間嘢相距六七百米左右，可以直接行過去，一次過去曬兩間

樓主唔記得叫你試左上角個chicken burger
泰國7仔最強美食之一，50thb

啲哥基好得意

好黐你喎

佢最近先番老家執屋 清潔 買番D野
間屋好撚大 佢一個女人仔有排攪
同埋佢仲要番緊工bkk兩邊走
佢辭職後先番去長住
我仲有大把時間諗

唔努力d點賺錢買罐罐

皮肉錢好辛苦 對個個人都要比人摸身摸勢

可惜，一個burger 再冇食過

但我覺得曼谷都適合快閃，下次有機會再食嘅！

冇咩特別 大部分big c買 嗰包零食都有買多幾包



特別少少係買咗幾包jay fai辛辣麵，我就唔會晨咁早去佢間舖排隊，買包辛辣麵算數




機場買咗兩盒芒果糯米飯比屋企同一個一排冇見嘅朋友，聽佢哋講都唔錯，我自己唔鐘意芒果，與我無關

由於delay2個幾鐘 ，返到香港閘口已經12點左右，冇乜海關係度check了，好彩

真心多謝你 好多年前嘅遊記(應該18年？) 你都搵返嚟睇，唔駛擔心，之後係變咗南九州討論區，我啲遊記應該post 3就完


(sorry可能感性咗，所以隔咗一兩日先覆你)

我成日反思，點樣可以令一瞬即逝旅行時光，留下一啲所謂嘅「意義」。好多時去旅行就係食玩訓，過一陣就會忘記嘅旅程，好似好虛無。

當知道有人過咗4 、5年，都會睇返我當時嘅旅行經歷，就好似呢一段時光，不只係存在我腦海裏面，而係會比其他網絡嘅陌生人見證到，側面印證咗我的確係曾經去過呢個地方，做過一啲事

太好了

朋友鍾意就好

多謝你介紹jay fai

你唔講我都唔知呢間米芝蓮

明白

謝謝

隔咗咁耐，沙浴同瞓公園睇星，都仍然係我記憶比較深刻嘅位之一 祝大家過得逐來逐好