(半live) 躺平旅居生活，獨遊泰國曼谷四星期

竟然冇去六九九六

本來係預咗跌爛電話嗰日嘅夜晚去，都好可惜，結果冇心情去，費事搞咁多嘢

買返部手機未

btw早排比較忙冇睇 啱啱追咗半個鐘終於live返

5舊水，當跌左喇，d時間與其去落口供，不如去chill下

好彩舊錢唔大，你係將身上嘅錢分開幾個地方咁放？

泰國聽講都出名多黑警，今額唔算大，應該都係hea你？

我自己嘅話，就會睇下要嘥幾多時間，如果差館唔使等嘅話，去玩下落口供，試下旅遊保險claim唔claim得返，都好

題外話，我知道泰國枕頭都出名，唔知有冇人試過，有冇推薦？


我而家係直情唔用枕頭瞓的，瞓乜嘢枕頭都唔舒服

我都覺得揾個舒服嘅枕頭好難, 但唔用唔會更難受?

跟住就正式上咗格蘭島，tawaen沙灘，應該係島上面第二或者第三大嘅沙灘。



首先去咗玩香蕉船啦，呢個其實我就普普通通，純粹係個package包埋，順便玩，都淨係畀你玩五分鐘咁樣。




水上電單車，我係幾期待嘅，我一直以嚟都想試下但冇機會


真係好鬼爽，喺海上面你想揸去邊度揸去邊，冇咗陸路上嗰種束縛，而且當你不斷加快速度，就會不斷迎接住一波又一波嘅海浪，但當你比海浪拍打得越犀利，就反而要激起你繼續破浪前進嘅慾望



可惜又係玩得七八分鐘左右啦，係一片咁清澈嘅海上面玩，真係好鬼開心







跟住就揼低我哋喺沙灘上面，包咗一個沙灘椅畀你哋，然後自由活動兩三個鐘。其實我見其他團友，大家都冇咩做，始終出面太曬，大家都係吽喺沙灘椅下面過日神



我就抵住太陽，喺海灘下行咗一兩個鐘(影咗好多張相㗎)，呢度真係水清沙幼，唔係講笑，係我去過最靚嘅遊客沙灘之一，而且最難得嘅係佢幾乎冇一件垃圾，沙灘上面就係一層又一層畀浪拍打嘅痕跡。




另外好節墮嘅係，我坐喺沙灘椅上面我乜嘢做嗰陣，諗住檢查一下行李，估唔到竟然唔見咗個passport搵咗好耐都搵唔到，搞到全日都好唔自在，差啲要叫導遊陪我去差館報失，點知原來放咗喺喼裏面



當時我仲已經打定輸數，見到應該要去偉大祖國大使館申請報失，所以已經諗好咗遊記上面點樣講，「中華人民共和國駐泰王國大使館半日遊」 應該未有人寫過大使館遊記

因為我有腰痛問題，唔用枕頭嘅話，好似成個人會更加貼住床褥，條腰就會舒服啲


雖然咁樣會搞到我頸痛，但都係普通肌肉酸痛個種，舒緩我條腰重要啲，雖然我都知道咁樣非長久之計

玩完水上活動，返到酒店確認passport存在，長舒一口氣之後沖翻過靚涼洗走海水，跟住前往有巴打推介嘅Thepprasit Night Market




佢的個係一個唔錯嘅地方，食肆嗰邊除咗頭一兩行比較遊客之外，行入少少都係啲local啲嘅檔口，掃街掃得幾開心，啲位都坐得舒服


最記得嗌咗杯牛油果奶昔，70thb，店主好畀心機咁樣，逐塊逐將啲果肉疊上去杯面




另外喺賣嘢嗰邊，入鄉隨俗買咗條大象褲，雖然一著出街就知你係遊客

腰痛好似關床褥事多啲喎
我細個整親條腰，痛咗好多年
以前一直用開薄偏硬嘅床褥
前年換咗房屋台推嘅emma普通嗰款
正面用我覺得太淋
反面用硬返啲我覺得啱啱好，好貼身
街鋪冇得試，反正有100日試用咪試吓囉

shake shake 粉炸金菇同鹽燒魚好鬼正
要去呢種local啲嘅夜市先食到