(半live) 躺平旅居生活，獨遊泰國曼谷四星期

芭堤雅個沙灘同個海，其實好污糟
上次淨係喺沙灘上面批下腳皮算

認同，我都冇出芭堤雅個沙灘嗰個海

多好過冇晒啲相
我而家兩部電話全部都影完之後即刻自己sync
唔見咗部機/壞咗都唔使咁慌

係，我知錯了，我真係知錯了

多謝你


我自己其中最需要改善嘅一點，就係阻止唔到自己唔開心，明知冇必要，但都係諗埋一二邊，不斷自我懲罰，呢點我亦都係想透過獨遊，同自己相處耐啲，去解決嘅事，咁樣樂觀啲講，都係一種試煉


承你貴言啦！！

每人都有情緒的

每人也會不開心，也會嬲自己的

面具男神會我亦會

接受自己知道自己係有呢啲唔開心情緒

好好抒發出來

咁又認識自己多一點

下次諗番起呢件事

咪係獨遊泰國的點滴

滋味在心頭

感恩知道下次唔好再信街邊檔仔

又好彩有買旅遊保險，claim 到部分

提你24U已出係時候換機

我多謝你寫個trip 出嚟就真啦

第時去四國，吉隆坡，曼谷，跟住你做trip ,食啲乜嘢，去啲乜夜市商場，全部資料有哂

咁快換電話 太邪惡了

我知道啦多謝你
要承認自己有情緒，等佢慢慢過去

講返嗰個真理聖殿，正式入塔之前要帶安全頭盔，本身仲有少少緊張，其實係好hea，都冇乜人理，裏面雖然仲開搵工，但都幾安全




第一次見到有咁多粒舍利子





好明顯可以見到左右邊係唔同色，咁係因為由於係木材，好容易殘舊，所以要定期翻新，右邊就係開始翻新緊。


導遊同我哋講，呢度即使將來落成咗，仍然會不斷持續咁樣翻新，木材保養期短，一定要不斷咁轉，所以大家可以好好記住呢一刻，十年之後，20年之後，再一次睇下有咩地方唔同咗，佢咁樣講係令我幾深刻

(圖片取至網絡)


今晚去咗一個地方，Tappia Floating Cafe Pattaya，喺klook上買票，就係會送你去碼頭附近嘅一個海上餐廳，上面環境真係幾靚，又唔多人，啲職員都好nice，我覺得係幾推薦嘅地方





偷自klook官方圖片




坐喺度望住日落，真係幾chill





呢度係畀你玩chok墨魚，如果你成功，就會免費幫你烹調，仲可以坐喺呢啲網上面釣魚，其實坐得唔係幾舒服，但正在個feel好嘆咁樣。香港嗰啲夜chok墨魚嗰啲團，又貴，船又頹，真係冇得畀。




點解會借魚杆畀你，但係唔包括魚餌，要你姜太公咁樣釣魚，魚餌嘅話就要收100蚊。本人係釣魚垃圾，咁多年都未成功chok起一隻墨魚，今次都唔例外，即使我課咗金買魚餌，釣咗兩個鐘都係得個吉 反而係身邊有啲冇買魚餌嘅人，都釣到幾條



另外幾深刻嘅係，駐唱歌手係識好多國家語言，廣東話普通話都有，包括聽到李克勤嘅「月半小夜曲」以及大壯嘅「我們不一樣」，有時都係聽返自己熟悉嘅語言，先會更加享受到當下嘅環境。

(拍咗片，可惜睇唔到了)

坐車前往嗰間海上餐廳期間，見到沿途條街好似好旺好多嘢睇，所以去完海上餐廳之後，決定慢慢行返酒店，唔坐車了，沿路喺度行下 芭堤亞步行街 (就係google map標住「芭堤雅步行街」嗰個位置)







好可惜我淨係可以網上偷圖啦，我肉眼睇同埋我影出嚟嘅相，真係好似完全入咗去cyberpunk嘅世界，根本cyberpunk就係絕對參考呢度而整成，第一次睇感覺真係幾衝擊，遊戲世界就擺咗喺你眼前。



本身諗住隨便行下，之後因為某啲原因，經過咗同一間舖頭三次，喺一間成人show。每次門口個sales都mark住我，每次都減價，最後抵唔住好奇心，入咗去睇下係乜嘢嚟嘅。

講完