(半live) 躺平旅居生活，獨遊泰國曼谷四星期

一個人玩水上活動最慘係咁

之後自己一個未必玩水上活動了，玩到好論盡

依家啲相都冇曬，可能我遊記直接skip到而家呢一刻算啦

一陣唯有出超級簡略版嘅純文字版遊記啦 換一個角度諗，好彩我有上嚟寫遊記，先可以keep返部分嘅旅行相，將來都仲可以攞嚟回憶。

唔好整，買Galaxy S24 Ultra

同意，直接買新電話

我買左S24+，樓主一齊用情侶機

我有旅遊保險，雖然未認真睇保險條款，但應該起碼claim到八成，點都可以試下整先㗎喇

有d唔包
就算多嘅上限都係5-6k
要睇返你份保單

啱啱睇過，我嗰份上限得2000咋

而家我啱啱返咗去曼谷嘅samsung官方嗰度等緊，我主要睇下有冇辦法救返啲相先，如果救得返就點都整咗部機先㗎喇，救唔返嘅話就真係難搞

入咸水都係打定輸數啦

特登走到去曼谷，都係整唔到，叫我返香港整

多謝你

應該要說服自己忘記傷痛，喺曼谷玩埋佢，返香港再整！

(以下大部分圖片來自google)


第一日到步芭提雅，第一感覺係真係混亂好多，市容係真係典型嘅東南亞格局，同曼谷比有一段距離，眼見週圍全部都係劏遊客嘅地方，其實第一印象唔太好，心入面自然有種危機意識，要小心行李之類，嗰種感覺。


另外就係，大麻同埋成人舖頭嘅數量，真係畀我中更加之多，好誇張下，好似成個縱欲之城咁樣





第一日到步芭提雅，酒店附近全部都係啲湯遊客嘅餐廳，行咗一陣之後去到沙灘附近，有好多檔呢啲沙灘椅，裏面仲有menu可以嗌嘢食，咁我就坐低咗喺嗰度兩三個鐘，食咗碟炒飯，嗌多嚿椰子就梗係必須㗎啦


食食下先知道，原來坐沙灘椅要另外收100蚊，之後行過好多檔都係咁樣，睇嚟係公價。





如果我酒店附近嘅商場，central Pattaya，用香港角度睇，都係一個好普通嘅商場，我就冇入到去，反而係佢地下個小夜市幾舒服，要咗個泰式香蕉煎餅，跟住坐喺度睇下人唱歌，最記得係有個白人細路，喺台下面跟住個主唱喺度搖，主唱都玩得好開心




接下來，挑戰坐雙條車前往terminal 21 Pattaya，大致上玩法就係截的士咁樣，截停架車之後就上，要落車嘅時候再撳鐘，落車後畀司機十蚊，就可以瀟灑走人。


第一次我係出cheat嘅，我係mark定咗幾個鬼佬，跟喺佢哋後面，而且我判斷佢哋應該都係去terminal 21多，等佢哋截車，然後就跟尾狗跟埋上車 果不其然，佢哋都係去terminal 21，咁當然就係等佢哋幫我撳鐘啦



我整咗一個好粗略嘅示意圖，呢一帶就係所有遊客都會去嘅芭堤雅遊客區。

途中黑色畫住就係兩條大路，兩條大路都係一條直線。近海灘嗰條大路就會向住terminal 21嘅反方向走，入啲嗰條大路，就會向住terminal 21嘅方向。


所以話，你只要根據你要去嘅景點嘅行車方向，再去決定去邊一條大路上車，然後架雙條車就會一條直線咁樣行到尾，咁就實冇死。如果你見到佢突然轉線走人，咁就快啲撳鐘走先呀

terminal 21 Pattaya又係整咗架飛機，啲泰國人咁鍾意喺個夜市度，整個交通工具上去嘅，又火車有飛機咁樣




商場入面，同曼谷嗰個terminal 21一樣，都係每一層有唔同嘅國家主題，地下仲擺咗個巴黎鐵塔喺度，而商場入面都算係幾好行嘅。


但我最不滿嘅係，佢喺日本嗰一層，大大隻字整咗一間「中國超市」喺度，舖頭個名真係叫做中國超市




行過一間叫做 Arno's - Pattaya，美式牛扒屋，唔知點解第一日到部芭提雅，竟然係想食佢，但隨便啦，跟自己直覺行事。


嗌咗呢個熟成牛肉burger，買單250左右，講真，幾好食喎 塊牛肉真係有啲料，佢塊車打芝士都唔可以睇小，通常芝士都係陪襯，冇咩味道，但佢有浸好濃好蘇嘅芝士味，同牛肉嘅味相輔相成

早晨，第二日，嚟到真理聖殿，呢度複雜咗少少唔識坐雙條車喇，都係call的士算






真係好令人驚艷嘅一個建築，可能係我見過最宏偉嘅純木建築，真係好誇張下，根本係嗰啲歐洲一線大教堂或者啲大皇宮嘅級數，但係佢係用全部用木去整成嘅。



當然，因為呢座真理聖殿唔係咩歷史建築，係近年幾十年先至起，所以入面嘅藏品或者歷史價值，當然就係冇嗰啲咩歐洲大教堂咁多，但係唔係呢啲純粹睇座建築同埋雕刻，我覺得係絕對可以同佢哋相提並論，原來純木製嘅建築係可以做到咁嘅地步


入面樓底嘅風格都係好似教堂，但裏面又係放啲佛為主嘅嘢，另外仲有少少印度或者中國嘅宗教嘢，真係令我睇到另一種可能性，真係幾推薦去一睇嘅




去到先見到，原來佢係真係起喺海隔離，雖然咁樣就導致真理聖殿裏面好涼爽，仲有好多打卡位可以影到海，但我當下淨係諗緊，萬一海浪打上嚟，你頂唔頂得住㗎

點解呢度叫做真理聖殿呢？ 就係為咗解答真理。 呢座嘢裏面分咗六七個區，每一個展區，都係為咗解答一條人生上個終極問題，例如啲乜嘢 「我係邊個」，「我點解要存在」，「點樣搵到人生目標」，「死亡之後會去邊度」之類嘅哲學大問題。 我有時都會自己諗下呢啲冇意義嘅大問題，雖然明知道諗嚟冇用，但又好似唔諗唔得咁樣。



其實佢嘅解答方式，都係啲阿媽係女人嘅答案，以及好多常見嘅宗教角度去解釋，例如整啲死後世界畀你睇下，每個人都係由四大元素所產生，所以人人平等，一啲好常見嘅用宗教解釋哲學問題嘅玩法。但係始終佢用一啲咁宏偉嘅建築，一絲不苟嘅雕像，企圖用成個好宏偉好莊嚴嘅格局去說服你。



我見大部分人其實都係普通行下，我諗唔多人會嚟呢度思考「真理」，但我都係認為佢嘅立意係好嘅，因為佢唔係為咗滿足某個皇帝，或者崇拜某一個神明，而係為咗彰顯真理而建造出嚟

樓主做乜咁輪盡

玩水都整到部電話咁

做乜唔將啲相sync Google Photo

我之後會提到，我信錯咗啲街邊檔，買咗一個嗰啲掛頸嘅防水手機袋。


然後我出海浮潛嘅時候，嗰個垃圾手機袋條繩斷撚咗 眼白白望住個手機袋沉底 雖然幾分鐘後就已經潛落水執返佢，都係已經浸壞咗，開唔到機。

咁都冇計

信錯街邊檔

枉我吔班fans 當你係面具男神咁follow

咁宜家忘記背後，enjoy the remaining trip in Thailand!

唉，係我自己衰戇鳩。我自己有個壞習慣，就係會幾星期先同步一次啲相。



因為我一日會影好多相，同一個景可能有十幾幅重複㗎，咁就要揀最好嗰張出嚟啦，我又懶得即日去剷，所以就儲埋幾星期一次過清理，清理完之後，再將淨返完美嘅相，先至backup上google。



如果我隨時都開google photo backup，Google photo就會有一大堆重複嘅相