(半live) 躺平旅居生活，獨遊泰國曼谷四星期

你真係有去格蘭島
仲以為你整壞部電話就唔去添

間唔中都見到有，但我唔食榴槤的，唔關我事

咁點解有番玩浮潛嗰啲相嘅

部手機啲相唔係冇哂咩

「六個當完兵出嚟玩嘅韓仔，仲有兩對韓國情侶」

樓主你指兩對係hehe couple?

早知你唔好游開，黐住班韓仔玩，可能救得返

Sorry, 我打漏咗，指救得返部 Samsung 手機呀

你真係有去格蘭島
仲以為你整壞部電話就唔去添

係，其實我係喺格蘭島個沙灘坐咗幾個鐘之後，先至臨時決定上去格蘭島stay一晚先走，可惜人算不如天算，咁就蝕咗一晚房錢

樓主係傻鳩 已fc

上文講到，喺文青區ari閒逛，接下來去到BAY Aree，算係小有名氣。



舖面





裝修真係幾靚，仿古時泰國民居嘅建築風格，又加入咗好多現代元素。


另外我雖然我週末去，但驚訝地佢唔算好多人，最旺都係八成滿左右，我坐咗喺度兩個半鐘，都冇人理我


同埋唔係全部人都嚟打卡，有啲人係嚟用電腦做嘢，或者睇下書。我唔係太鍾意啲純網紅打卡地方，總之個氣氛係做自己嘢或者打卡都得，咁樣最舒服





藍莓芝士蛋糕，210 thb，味道一般。

全部蛋糕都差唔多價，以曼谷物價嚟講嘅話都幾貴，但無阻一眾打卡人士到訪。





(自己讚自己) 呢張好似影得唔錯

離開咖啡店之後，嚟到lay lao，門口就貼住好多張米芝蓮推薦標誌



第一道菜，醬燒魷魚，估佢唔到，認真幾好味

表皮煎到有啲脆口，但又唔韌，而且佢個燒汁好正有少少似日本嗰啲燒汁，相信係幾適合香港人口味。




但係，魷魚裏面嗰啲魷魚蛋，我就都係接受唔到，腥腥哋之外冇咩特別味道 我見到泰國好興食埋啲魷魚蛋，但真係唔啱我，我食啲魷魚肉就夠喇




第二道菜， pad thai，都係幾好食嘅，但好似冇乜鑊氣，懷疑係預先整定嘅，扣咗啲分




椰汁沙冰，甜度適中，面頭放咗幾塊真果肉



埋單，以佢好多年米芝蓮推介嘅資力嚟講，價錢都算合理啦，呢間餐廳係唔錯嘅

食飽之後，喺週圍逛多陣再返去，行入一條巷仔之後竟然別有洞天，有個小商店區，都幾試正




行返去bts站，又行過一條幾旺嘅街道。

今日呢一個ari 行程，基本上我係照抄網上啲台仔攻略，google一搵就搵到，整體感覺上就勉勉強強啦，好似我呢啲得閒啲嘅都可以一來，如果係玩幾日嗰啲，就冇必要過嚟喇。

今日，完。

眨下眼又過咗一日，今日全日都好頹，嗰陣仲未走出電話事件嘅陰霾，瞓到一兩點先起身，基本上趕唔切去景點了




出門口之後坐喺老地方，都係買個7仔飛碟同埋咖啡，研究下之後幾日嘅行程。



今日就頹廢啲，行下商場算，嚟到著名嘅siam paragon。



本身嘅計劃，喺想去商場底層嘅水族館，但去到售票處之後，唔知點解突然覺得唔對路，可能係有個人偏見，我覺得開喺商場裏面有水族館，就只係畀人攝時間或者應付下細路，而且又冇戶外空間。


再望多一次個價值不菲嘅門票，都係不了。








商場外面，搞緊一個賣農產品嘅展覽

food court，有一檔又係賣緊嗰啲泰北嘅酸腸，但唔係獨立一條，係好似啲德國香腸成卷咁樣。試咗少少，70 thb，都係一樣味啦，冇咩特別，係視覺上有趣咗。




喺網上見到有人講呢間嘢好食，我搵咗一陣先搵到，最主要係因為佢招牌冇英文名，我又認唔到泰文符號，所以搵咗一段時間。



最好笑係，佢收銀嗰度又貼咗好多張「美味的」 但你個招牌又冇商標又冇英文，真係好難搵呀




泰北雞腿咖哩麵，好食喎，舊雞髀煲到淋曬，一咬就咬得開，仲要只係110 thb，性價比極高。


唔知大家有冇食過北海道嘅名店，Suage+ 嘅湯咖哩 (依家朗豪坊都有分店)，我竟然覺得味道相似

跟住去siam paragon嘅imax戲院睇戲，之前睇imax巴嘅遊記，佢話呢度係全泰國最大嘅imax戲院，咁就去鑑賞一下。

其實我係想睇wanka，但可惜imax版本已經落咗畫，唯有照睇佢而家上緊映的beekeeper


我見佢好似淨係得一個imax戲院，所以imax電影嘅選擇同埋上映時間十分有限。另外我見佢imax戲院特別尊貴咁樣，imax戲院係自己另外佔一層，而且imax戲院外面仲有啲幾豪華嘅梳化位。




唔知點解，第一眼我將laser，睇咗做loser，好似想串鳩我，自己一個imax with loser


有一點幾有趣，第一次經歷嗰個所謂嘅站立禮。諗返起之前睇香港近代史，上一輩喺文革期間，喺戲院睇戲之前，都要先企起身唱個紅歌。


播完啲廣告之後，突然就播咗一條泰皇嘅片段，跟住叫你嚴肅站立咁樣去睇，兩三分鐘咁樣。我自己就幾討厭呢啲個人崇拜野，但起碼唔係強制性，唔係會捉你去批鬥。我目測大約有一半人有企喺身，而且企嘅大部分都係外國人



戲院唔算大，imax嘅整體感覺並無比香港特別優勝，但成個體驗都係舒服嘅。只係佢個凳背太過向後，對我呢啲腰痛人士唔友好。


另外題外話，beekeeper呢套戲真係唔ok 劇情太膠，同john wick, nobody 嗰啲嘅劇情完全重疊，冇嚟新意

fact checked

失咗方寸 當下淨係想不斷嘗試開機，睇下有冇奇蹟出現，冇諗清楚

依家諗返起，真係唔應該咁樣做。

唔係 另外兩對情侶系異性戀來的，兩男兩女

真係，嗰班軍隊韓仔分分鐘即刻幫我執返，可惜我自己遊咗去一二邊，性格使然


我會㗎喇！take it easy！

你呢一排係咪買咗部電話頂住檔先？
你點樣可以影咁多相/ 上咁多連登？

Oj

明白哂

我都想問面具男神點解

好呀
叻叻

咁係咪6個當完兵韓仔 + 2男2女couple + 樓主，一共11人去浮潛團呀

因為我一直有，獨遊嘅時候帶後備電話嘅習慣，養phone 千日，用在一時

一排冇見

是