(半live) 躺平旅居生活，獨遊泰國曼谷四星期

兩樣嘢冇食到添，但感覺真係local嘅，特別係我去嗰陣差唔多收工，跟住有好林收舖大特價，40蚊四兜pad thai之旅，唔使錢咁樣

去完夜市，就去支持下「九龍藥房」嘅老細，佢另外開咗一間 Kowloon massage ，賣點係可以一路按摩一路對草



https://maps.app.goo.gl/sNrvb4Z4mHtGqEDNA


揀咗個基本嘅Thai massage，250 thb 一小時，可能我好夜先去，其實冇乜人。由一位後生泰妹幫我按(冇圖)，佢竟然話一開始以為我係韓仔 好老實講，佢按摩技術其實就普普通通，可能經驗唔夠豐富，但係幾nice嘅，平時如果我去按摩剪頭髮之類嗰啲，我通常自摺多唔多講嘢，但今次閒聊都傾咗好耐







按完之後，喺樓下休息咗成個鐘。坐坐下，竟然撞到九龍藥房個老細過嚟睇舖，又傾咗幾句，用廣東話聽日計真係開心

早晨，今日仍然係報咗klook嘅團，去samaesan 嗰一邊浮潛，大約係呢個位左右，我相信應該係比較冷門嘅位置？
https://maps.app.goo.gl/XiLVF3ZxFN4AKg1j8


喺酒店pack up我哋之後，坐一個鐘左右去到嗰一邊，雖然我係報英文團，但成團人全部都係韓國人，六個當完兵出嚟玩嘅韓仔，仲有兩對韓國情侶，跟住就係本人





首先，送咗我哋去海灘附近嘅淺水區域練下，本身對自己冇咩信心，因為以前失敗過，好彩今次冇乜問題，可以自己遊。週圍仲靚過格蘭島。以前喺西班牙嗰陣，去過一個度假小島
Palma de Mallorca，嗰陣都去過浮潛，雖然嗰陣再靚少少，但整體感覺都係差唔多

emma普通款即係邊一款？


我都有研究個床褥，但係仲未搵到適合自己嘅，我就係試過街鋪既emma床褥，覺得唔太適合，佢冇擺出嚟嗰啲，又真係冇試過

叫original，街鋪有得試嗰隻叫黑鑽
嗰陣emma個post都有人話試完唔啱真係退到錢
我70幾kg用咗兩年幾仲未有凹陷情況

好，返去研究下thank you

電話沉咗落去之後，雖然我即刻大聲呼救，個教練幾分鐘之後都幫我執返，但係部電話已經開唔到


之後我自己一個上返船，不斷咁樣抹乾佢，以及係咁撳開關掣，當然都係徒勞無功。

出面返韓仔喺度好開心咁玩水，我自己就坐喺船上面乸住口面，形成咗一個可悲嘅對比

潛水團啲人都冇咩辦法，都係送我返酒店門口就算，司機送我落車嘅時候同我講，叫我去一個叫做tuk com嘅地方。


當下無手機用其實相當之徬徨，我之所以能夠成日獨遊，好多時都係靠手機嘅功能，依家我連google map都用唔到，甚至唔肯定自己嘅位置，grab 叫車又見唔到


好彩，我憑記憶認到條路，行咗去「九龍藥房」搵老細求救，佢畀咗佢私人電話我，跟住幫我call車，去一個整電話嘅地方，結果又係
「tuk com」。






入面嘅格局好似旺角先達咁樣，我聞到一種黑店嘅味道，但我別無選擇



隨便揀咗其中一間，店主同我講，我而家拆開你部機嚟睇，整唔返就收800，整得返收2000。咁我有啲唔放心，就全程企喺度啤住佢，驚佢偷換零件啦。


但個店家都算老實，冇乘機劏我一筆。拆開檢查完之後，同我講話建議我去samsung官方搞，因為個mon同埋電池都有問題，去搵官方搞會穩陣啲。





喺呢個商場入面，隨便入咗間舖頭食碗拉麵，拉麵都算係我嘅comfort food，唔使用腦之選，但好撚難食

(公道講句，嗰陣嘅心情都好難好食嘅)

本身今晚準備去睇6996成人show，但係都冇咩心情了，費事搞咁多嘢，返酒店hea下算。



今次呢間酒店冇洗衣機，咁就行咗出去附近嘅自助洗衣機洗衫，可能我連智商都一併受到打擊，撚咗好耐都唔知點玩，以為部機食咗我錢。

燥燥哋嗰陣，隔離幾個等緊收衫嘅當地人睇唔過眼，幫我操作一輪，搞掂咗






等緊洗衫嘅時候，再週圍散下步，唔知點解竟然想食印度嘢。嗌咗一碗雞肉香料飯，220 thb，其實都幾貴，同重慶大廈差唔多價錢，但味道都唔錯。

翌日，起身之後去沙灘嗰邊坐下，試圖改變下心情。



又去搵咗一間沙灘椅嗰度坐低。




普普通通的一個炒飯。



坐喺海邊，必須手揸一個椰子

本來我係book咗今晚去格蘭島住一晚，但我依家淨係想急切知道電話整唔整得返，一番掙扎之後，決定放棄行程，提早返回曼谷嘅samsung官方維修中心





一方面想對自己好啲，一方面驚維修中心會越夜越多人，所以決定豪啲，直接call的士去曼谷算，直接去到曼谷維修中心樓下落。



喺bolt叫咗架車，1150 thb。上車之後，司機竟然叫我cancel booking，話唔想分錢畀bolt。其實我就有啲擔心嘅，始終泰國都係有啲安全隱患，一直覺得如果用叫車apps，起碼會有個行車紀錄record，會有個保障。


但我依家已經騎虎難下，車就上咗，仲已經喺高速公路，唯有應承啦，跟住send咗個車牌畀朋友，做個backup 好彩最後都冇咩事，司機都好friendly，吹咗好多水。


最記得係佢話grab食水最深，收四分一傭金 雖然grab 叫車價錢係貴過同行，但咁樣並唔代表司機賺多咗錢，貴咗個差額，全部都係grab自己食咗





長途跋涉，終於嚟到曼谷嘅維修中心，估唔到其實冇乜人。



職員英文有限，要靠google translate，但有啲位都係講極都唔明，擾攘咗個半鐘，總之應該都係冇辦法了，唯有等返香港再搞。


我有兩個選擇，一，即刻返香港維修電話，二，照原定行程留喺曼谷。權衡一番之後，可能咁係因為我悲觀，我覺得部電話其實都係咁唔返㗎喇，唔急住整

無論日子如何，飯都要食嘅，跟住去咗少有名氣嘅食店，Inter Restaurants since 1981。



炒河粉，合格啦，唔算難食。




我本身就麻麻地冬陰功，只係我見到枱枱都有嗌，跟風試下，但我都係唔鍾意冬陰功嗰隻味道。




呢碟春捲，我都見唔少人嗌，但真係唔係好得




埋單，我相信會有更好嘅餐廳選擇。我覺得純粹係呢一頭啲餐廳太貴，所以呢間舖相對之下就變得抵食。

你都係咁早起身 工作辛苦了

下星期一去大阪，到時可以訓到自然醒

以及係咁撳開關掣

點解要咁做
正常都係擺幾日等裡面啲水亁曬先再諗

冇原因，就係當時我唔識

第一次手機入水，唔識點處理，週圍啲人又去曬遊水，得我自己一個坐喺船上面

又係新嘅一日，重新返回曼谷day 1。
上次試咗榮泰，今次試埋對面嘅榮泰(重)。



啲豬肉丸份量太多啦，而且味道一般，我一個人食唔曬



總結，真係榮泰好食啲，雖然質素冇話好大分別，但真係食得出有少少距離。

跟住就去俗稱文青區嘅Ari 一帶，係Google一search，就會見到好多台仔文章吹奏呢度，今日就過嚟一探究竟。



一出bts站，就見到隔離有個整得幾靚嘅小型商場，La Villa。

見到大大塊壽司郎嘅招牌咁就不如食返兩三件壽司，再週圍行下都唔遲。



雖然商場唔大，但係真係好似villa 咁嘅模式起出嚟，幾乎都係食肆。



壽司郎真係幾時都咁多人，受歡迎程度不亞與香港。

跟住去到ari區嘅一個著名打卡位，GUMP’s Ari Community Space



首先就係見到一個乾咗嘅水池




坦白講，完全唔覺得有咩特別，呢度應該係想扮美式風格？我去five guys 影相好似都仲似樣啲。

難聽啲講，就算我咁啱行過都未必會入嚟

儲左幾多身家資產去裸辭？

而家1-2月商場/食肆係咪無咩榴槤賣？
我嗰陣榴槤當季嘅時候去
甜嗰啲金枕頭一舊都差唔多80-90港紙