(半live) 躺平旅居生活，獨遊泰國曼谷四星期

goji

成個遊記一個泰妹都冇

好

知唔知goji eatigo 半價完係咪仲要比多17%稅

追post 睇到了
當我無問過

要畀稅，而且仲要畀正價嘅17%稅

早晨，今日喺屋企附近嘅小販買咗幾串，一路行一路食




今日要坐遠啲




唔經唔覺嚟到最後幾日，今日去返啲遊客必到之處打下卡，曼谷大皇宮

我坐mrt過嚟，行咗好一段路先搵到入口，應該坐船過嚟搭皇宮方便啲




前面一班祖國同胞，逐個逐個喺度用佢啲銀聯信用卡，睇下買唔買到票，佢哋又冇visa master，搞咗一大輪




準備進場了


入場嘅時候，週圍已經有好多自稱中文導遊企喺度拉客，我自己一個就唔搵導遊啦，本身諗住整個audio guide，點知大皇宮啲audio guide都好貴，最誇張仲要兩個鐘之內還返部機，行都唔夠行喎大佬





入口附近有兩幅畫，我見到唔少導遊都有企喺度介紹，應該係重要嘢嚟，可惜我又冇講解唔知發生咩事，望幾眼就行走咗

本身我就唔鍾意同人迫，再加上今日天氣又熱，又冇講解，其實週圍建築都係快快手行過，隨便週圍望下就算，而家諗返起即刻有啲可惜，但嗰陣狀態不佳，冇計，以下相片都係週圍影下。









呢度應該就係主殿，要除鞋入去，然後大家坐喺佛像面前，當然都係唔準影相的。


入咗去坐低之後，見到前面有張細牌，寫住話腳尖唔可以對住佛像，即係平時我盤腳坐咁樣就唔合格


偷偷望下週圍嘅泰國人，原來要好似日本人咁跪坐，坐到我腳都斷，好快就頂唔住離開了，大家都係亞洲人，生理結構係咪唔同㗎





有得做免費仔，我第一個衝過去

行到去下一個區域，開始完全冇瓦遮頭，大家都熱到傻，我見大部份人都係快快手行走算





近代泰王所起嘅建築，特別係當年，西化係一種先進嘅表現，不難理解點解要咁樣起。呢一類建築真係幾吸引我，西式建築再加返泰式皇宮嘅屋頂，泰體西用




行完建築群之後，去到玉佛寺博物館，入面唔畀影相，裏面就係展示返大皇宮入面啲古建築嘅真跡或者其他零件，相比起依家所見到嘅出面建築群嘅冠冕堂皇，入面呢度嗰啲零碎嘅真跡，更加感受到歲月嘅洗禮。


話須如此，最主要都係因為，呢度有冷氣！包括我在內，遊客一車車咁沖曬入嚟避暑



其實附近仲有一個 詩麗吉王后泰絲博物館，但可惜皇家劇院嘅最後一場孔劇即將上映，趕唔切了，思前想後之後唯有放棄呢個博物館，可能下次有機會再嚟嘅

曼谷大皇宮嘅出口，就會停住一架前往皇家劇院嘅shuttle bus，大大個khon嘅標誌，一眼就睇到



趕上咗最後一班車之後，車上幾個中國大媽又喺度嘈，話佢有幾個朋友出緊嚟，可唔可以等埋佢哋，最尾等咗五六分鐘，全車人就等緊佢哋

我都唔好意思埋一份，個孔劇15分鐘之後就要開始喇



落車，好彩趕得切





佢話啲咩皇家劇院，但冇我想像中咁氣派喎，難聽講句，除咗買咗大皇宮套票嘅人，我諗佢冇乜其他顧客



準備開場了

開場，首先有一堆傳統嘅歌舞表演




之後就係一個有故事劇情嘅表演，戴頭套條友名為 Hanuman哈努曼，佢個外型同埋演繹方式，感覺都有啲似孫悟空咁樣，相信都係啲馬騮神之類嘅存在，話唔定兩者系同源。


雖然我唔了解劇情，但內容就係佢追住條女跑嚟跑去，之後仲跑埋落去觀眾席，有啲似睇緊舞台劇咁樣





右邊亦都有班人即場演奏緊音樂，唔好睇佢哋人少少，其實音樂做得幾好




完場之後，知道咗劇院外面個雕像係咩名堂了

好informative

喺門口應該有好多導遊拉客？

有導遊真係差好多，上次揀咗泰國華僑嘅一邊行一邊講歷史，壁畫嗰啲真係幾有意思，雖然我已經唔記得咗佢講過咩

多謝你咁撐場就真

冇錯，沿途已經好多，好多直接揸住張紙牌，用簡體字寫住中文導遊，直覺覺得會畀人劏，所以都係唔搞咁多嘢

我嗰個300，好多人分，我覺得好抵比

哈哈 嗰陣我都係咁
中途熱到傻搞到走馬看花咁
尾聲又係去博物館順便嘆冷氣
但博物館其實OK好睇
二樓嗰層有好多貢品同王家嘅嘢睇

而家先追post 見到呢個空氣淨化室即刻google下 原來都起好無耐

你指港幣？
冇計，但我估應該萬頭

我曼谷住親戚嗰度㗎，慳咗唔少酒店錢，講明先