(半live) 躺平旅居生活，獨遊泰國曼谷四星期

goji，賣單大約1150左右，比原價1500平，其實食物基本上冇差異，冇話有啲咩去到八點半就冇得食，只係有小部分菜可能凍咗，同時氣氛冇咁熱鬧。


我諗如果係過嚟泰國幾日，淨係食呢次嘅話，就應該體驗熱鬧下，如果好似我呢啲，其實夜啲食都夠做


day 7，完

我上網睇貴好多喎
你係dinner ?

dinner buffet, eatigo book

早晨，今日又落樓下cafe打一打文先 (雖然進度都係已經落後咗) 今日扮健康，食咗個蘋果

泰國或者日本咁樣，如果連鎖便利店有得買切好嘅生果，我應該會日日食




隨便喺屋企附近揀嗰間街坊餐廳，豬肉炒方便麵，普通



本身嗌咗呢個crispy pork with garlic，諗住做餸，點知跟咗個飯，夾硬食埋佢但係個蒜汁幾正，啲豬肉好似係將燒味裏面啲燒肉，斬件之後再炸多次，邪惡之美味食品



食完嘢直接call grab去，去到The Erawan Museum，可以即時上klook 買，7折。




未入閘，已經見到呢個博物館嘅招牌

榮泰遲啲會去，thong lor係邊間？


我本身喺香港就好鍾意食泰式炒飯炒麵，九龍城個堆都好正，但過到嚟曼谷，除咗打拋豬飯真係好食啲，其實都係搵唔到/唔同味

The Erawan Museum，係一個私人博物館，係一個有錢佬起出嚟嘅，所以佢唔係啲咩千年古蹟，只係近代整出嚟嘅，但係無阻佢嘅壯觀。


呢個粉紅大象建築，大致可分三層，你見我上圖好土法咁樣分咗三層其實佢係參考泰國佛教嘅經典 三界經 所興建，呢三層方便就係代表地下世界、人間及天國。行入呢棟建築，就走入咗人類嘅終極框架。




行到入粉紅大象建築底下，要除鞋入去，首先入去地下世界(地牢地牢)嗰一層，冇乜嘢特別好睇，就係普通嘅一個地下室，放咗一啲泰國古代與他國交易嘅藝術品。





去到真正嘅入口，人間世界，一入去嘅第一反應真係感到驚嘆，好壯觀，嗰種粉紅色好靚，睇audio guide講係一種泰國古代嘅建築特色






呢一層有四條大支柱，好似支撐住成個人間世界咁樣，而每一條柱就反應一個宗教，分別係大乘佛教，小乘佛教，印度教，基督教。

估唔到佢基督教都有包容到，上圖就係代表基督徒嗰條柱，該柱上嘅壁畫。

呢條係通往天國朝聖的階梯，左右各一條，通往樓上嘅平台



見到天花板了，都係十分之靚，雖然冇歷史感，但應用咗好多現代建築藝術，所以都係十分出色嘅彩繪玻璃，以前喺西班牙行過一個彩繪玻璃博物館，絕不遜色於個邊




再有一條旋轉樓梯，通往天國，旋轉樓梯嘅壁畫，就係模仿天空以及星座

由曼谷去KK園區揸車都要七個鐘

lm

終於上到天國，左右邊係真蹟，唔畀影，其實我要開廣角都係認到




係天國嘅大門前，仰望住全宇宙嘅最高點





穹頂畫滿咗藍天及星座，三界經所描述嘅天國，或者係宇宙，就係咁樣？突然升升下天，會去到呢個天國平台，然後抬頭發現，自己置身於繁星之中。

離開粉紅大象建築之後，週圍係一個小公園仔，放咗好多隻大象，以及其他宗教嘅神像複製品











冇認真行個公園，只係喺附近嗰張櫈坐低，然後再望下呢個建築

巴打要唔要相認下
同獨遊曼谷中

臨走前去睇下啲紀念品，有少少想買隻象仔返去做擺設，但好明顯我呢啲窮人買唔起



500，開始有少少心動



突然有隻非常廉價象仔嘅出現，只需要90泰珠，最好笑係你見到佢對象牙仲係可拆卸的 雖然有浸廉價味，但做個紀念都足夠了




搵咗一陣，先買到shuttle張飛，20 thb 車你去最近嘅bts站



坐呢啲車都幾爽，感受到類似電單車嘅快感，但又安全啲，要講唔好嘅就係會食曬啲廢氣囉

Somsak Claypot Crab一食再食
王春盛未試
另外嗰兩間
尤其plu，米芝連喎，伏撚到

行過7仔，見到一樣幾得意嘅嘢，似乎就係啲營養補充品，可以好似樽蓋咁樣扭一扭，所以溝入去飲料裏面




坐bts嚟到 ekkamai，放工時間好多地方都塞到傻，東南亞唔少地方啲交通都好恐怖




見到個唔錯嘅黃昏




今晚去食一間網紅店，一個幾出名嘅youtuber開嘅




價錢唔算平民，但對香港人嚟講都唔算貴，呢碟打拋豬飯要125，加多一隻蛋要再加25

好明顯可以見到，佢碟飯嘅賣點就係佢一隻煎鴨蛋，係正嘅，佢煎蛋煎到好似炸咁樣，劏開佢將啲蛋黃撈飯食，真係唔錯

再次嚟到Gateway Ekamai，今次有啲時間行下，其實成個場都係頹頹地，除咗地下嗰兩層，再往上行幾乎係冇人嘅，啲商戶都唔夠吸引



頹廢版冒險樂園



冇兒童嘅兒童遊樂場



真係冇咩嘢做，坐一陣按摩椅算

行行下，見到有個農場仔，一大班動物喺度集體鳩叫，遠處已經聽到，仲以為咩事





感覺都係有啲無厘頭，好似唔知有咩搞，隨便放啲動物喺度咁樣




都係嗰啲啦，有個位可以畀你玩蛇，個泰妹又要驚又要玩，望住佢係咁尖叫






雖然35一粒唔貴，但見到嗰個Thailand handmade ，得罪講句，係咪喺淘寶淘粒石，跟住自己裝個鎖匙扣上去，就當係handmade?

返去屋企附近個夜市，反正頭先餐網紅打拋豬飯都未夠喉，今次挑戰下拉麵 齋睇裝修同埋氣氛嘅話，係已經打贏咗香港唔少拉麵店





畀大家望下menu


另外有一點，喺泰國呢個咁熱嘅環境，佢都係冇提供冰水，呢點已經扣咗少少日式環境分

但其實我明嘅，我見泰國都冇serve免費水嘅習慣，通常係要自己嗌一支水咁樣，本身都已經同香港及日本唔同



豚骨拉麵，叉燒就唔係好得嘅，湯底雖然唔似係煲咗好多個鐘嗰啲，但又食唔出係咪沖粉，味道都唔差，食完都冇好口渴，代表佢冇乜味精





炸蝦天婦羅，佢上個炸粉我只可以畀零分，完全冇包住蝦肉，好似炸粉另上咁樣



完全標準嘅日式餃子味道，估計就係空運貨

如果突然發財有成百萬係手
我想請一個月假去泰國hea玩
慳d洗兩萬

隻蝦真係甩皮甩骨

推介樓主用muvmi呢個app
見到你原來未坐過篤篤，好啱短途用
有時啲景點唔近bts，唔想行又唔想call grab
用佢駁腳就啱，一般等十分鐘左右就有車
要用信用卡增值入app，youtube有教學

多謝巴打推薦，真係幾好食，15 thb only



今晚買盒柚食，幫我切好真係好方便

day 8，完

未計塞車呢

早晨，今日首先有少少野要買，去到samrong 個商場，就係我到埗第一晚去嗰到，都係頹頹地嘅屋企商場



food court 嗌咗份奄列，佢竟然煎出呢啲垃圾蛋比我，明明睇圖真係蛋包飯個啲 又唔滑又唔脆，最憎呢啲垃圾蛋




係香港買個張true數據卡，已經開始限速，親戚帶我嚟呢度整個上網plan
(成日up圖其實都好用數據)



揀咗最貴嘅399，真5g 真係極速，連登啲圖0.5秒就load好，唔駛再等佢upload


但懷疑實際上都有啲限速，或者係佢有啲地方收得差，有時又會慢返，好似我係香港用既4g咁