共產唔會比資本主義有更多自由wor
資本主義你都仲可以跟興趣揀職業, 唔係100%淨係睇錢, 例如之前咪有個9A由會計師走去揸巴士
但係共產之下你可以自由揀職業咩?
好似反而係於資本主義下 多數人有9A會做會計而唔係揸巴士 無論條友有幾鐘意揸巴士 亦即異化
共產主義就係想解決呢個問題 而共產好似亦無限制你從事嘅職業
咁邊個倒垃圾?
厭惡性行業邊個做?
從你呢兩句,我感到你的淺薄。
好多垃圾其實係不必然,資本主義下,商家同港府之流熱衷追求GDP嘅政府都樂見大眾多消費,甚至浪費。資源合理運用,又能夠有效回收的話,垃圾量其實可以大減。
倒垃圾被看低,本來就唔合理,明明就係好重要另嘅,對社會嘅重要性比d狗官同秒秒幾百萬上落嘅都要高,只係香港社會嚴重不公,好多人嘅價值觀好似只係識用錢去度人。
厭惡性行業點解會係咁厭惡呢,往往都係工作環境差、高度體力努動、工時過長咁,好大程度都同資本主義下利潤集中於資本家手中,而無充足資源去改善工作環境同工作條件。根本資本主義底下,工作往往都唔係以人為本,而係以資本家嘅利潤為本
即係共產社會的垃圾係唔臭既?咁死人化妝師、仵作呢?
我就唔信共產社會無厭惡性行業
假設有一個無親無故的人跌咗落海,搵返的時候屍體已經發脹發臭。你肯唔肯去撈返條屍返黎?我自己就膚淺d,一定唔肯啦。你解釋比我聽下共產社會點樣改善工作環境,令人肯去撈返條屍。
而家依d職業的工資高過其他職業都好難吸引人入行,在共產社會所有職業的回報都一樣,到時我們就等興趣係執屍體的人出現,咁先撈到條屍。咁真係會夠人用?
又或者其他高危職業都一樣。例如火災你就要等興趣係冒死衝入火場的人出現。