結咗婚生咗仔 人生就好似定格了

有冇人都有咁嘅感覺 結咗婚之後 每一日做嘅野就變到一成不變 返工 放工 返到屋企 見到老婆仔女 放假 見到老婆仔女 以前d朋友 未結婚嘅又冇話題 結咗婚未生嘅 又冇話題 結咗婚生咗嘅 又好少約出黎 以前曖昧嘅 知你結咗婚又唔會理你 新女同事 知你結咗婚 亦唔會約你出黎傾計飲野 同男同事 未結婚嘅 大把野玩唔會理你 結咗婚嘅 有家庭又唔會約出黎玩 到自己啦 想去邊到玩 第一時間都係要睇下帶唔帶到一家大細去 連同老婆敦倫 都驚仔女突然醒咗會喊 之前睇YouTube 有個短片話 生咗小朋友 個幸福指數就會跌 要去到仔女都大個離巢先會升返。但個陣我已經係阿伯 等死了

點解要生？
好多人用一生去探索
到知道答案時已經老去。

世界唔止你一個人係咁

未準備好做咩生
生左就無得諗架啦

你個仔會大架

你就想定格，愈來愈多野煩就真

曬命post
有女屌 有細佬玩 有穩定工作
得閒可以去下旅行

各有各開心，同家人每星期放假一齊玩一齊食，晚上同埋班朋友兄弟帶埋仔囡去食飯飲酒，都可以好開心


不過溝囡你就唔洗諗架啦

你未定落黎結婚生埋先黎諗呢d

我而加同居就係返工 放工做gym 放假繼續做gym 一個月會出次街食下好西其他都係譚仔兩餸飯
留喺屋企活動就係睇佢打機or 各自me time
但我好enjoy 啵 睇性格姐

我d朋友兄弟 真係去到小朋友出世之後就慢慢疏遠 唔係話特登咁做 可能咁啱去到人生交叉點個刻 好似去到十字路口 愈行愈遠

個陣飲大咗冇計到時間 條女想生 但我一直都唔想

咁未結婚未生仔係點

你唔會覺得好似得返愛情 冇哂友情咩
我一諗到 我呢一刻已經知道5年後 十年後 30年後嘅自己係點就好sad 仔女一到青春期 其實已經唔會理你 咁除咗老婆 人生真係咩都冇了

其實唔關事，畢業出嚟做嘢人生就已經定格

小左應酬係肯定，不過同老婆都幾享受見到個B慢慢長大

唔知下一刻自己會點 我鍾意可以唔做 gap year 我可以唔理任何人 只係計劃自己未來 我可以Ff 自己會唔會遇到一個明我諗咩嘅soulmate 唔需要交代 冇個種 一家大細都睇著自己嘅壓力

問題係要番工

咁你想點？呢d野唔係一早預咗既咩？你講到好似好surprise咁。

啱啱冇野做 睇返fb Ig WhatsApp d相 未結婚生仔頭個幾年 原來我好多gathering 旅行 睇返d video 原來個陣我笑得好開心

我知實俾人屌架 一陣又有個張meme 圖 但都係個句啦 意外懷孕

你宜家有小朋友陪你開唔開心？
有老婆攬住屌開唔開心？
日日穩定生活唔洗擔驚受怕
知道番屋企唔是得四面牆，有人會等你

老實講我幾羨慕你

唔覺 如果我有小朋友會每一日都好期待佢有咩成長

你依家就好似食自助餐咁，未食之前，滿心期待。好啦，依家日日比你食啦，就變左煩厭。

問題既核心你一開始就抱有錯誤既期待，同埋你預計唔到身在其中既煩厭。

我明 未結婚時個世界仲好熱鬧
結婚之後個世界靜左
得老婆仔女，無其他

見到佢地咁得意係會想錫佢 想保護佢 俾佢知道呢個世界幾污糟都好 老豆都有能力保護佢 但如果退一步諗返自己 原來我係鍾意每日都唔同嘅生活 我內心深處係鍾意以前同朋友飲酒傾計嘅日子 我就係唔想穩定生活 我就係鍾意擔驚受怕

對 就係太靜 靜到原來我就咁過咗幾年 我都以為前一日仲係單身嘅自己