冷氣討論 (10) 爆1001唔該開新post

Tkt · 2023-09-25T09:53:15+08:00

任何關於冷氣嘅嘢都可以隨便討論窗口機分體機變頻定頻都得 Q1. 點揀冷氣? A. 先決定買變頻還是定頻, 再決定冷暖還是淨冷, 再睇室外機尺寸限制, 再睇室內機尺寸限制, 最後睇各種功能. 各種有用的功能包括: 官方wifi app, 自動清洗, 防污塗層, 易拆洗設計, uv殺菌防霉, 空氣淨化, 天花板氣流, 左右獨立送風等等. Q2.人地話變頻好易壞, 應買? (限分體) A. 對生活體驗冇乜要求, 接受到定頻機體驗, 貴電費, 裝變頻會擔驚兼受怕, 就買定頻機. 活在當下, 追求舒適, 寧靜, 慳電, 就可以試下變頻機. Q3. 點解變頻只限分體? 一街都係窗口變頻啦, 又點睇? A. 窗口變頻體驗主觀好多, 送風角度有限，比較容易唔夠凍。另外每個人對聲音接受能力不一樣. 你可以多去FB裝修谷睇用後感, 有人話好正, 有人話好唔正, 客觀黎講, 變頻壓縮機係有機會出現各種高頻, 低頻運轉聲, 所以唔會主動推介. Q4. 啲人話冷暖機好易壞, 應買? A.有需要暖氣就買, 10個講呢句嘅人, 9個唔係用緊冷暖機. 構造上, 冷暖機只係多左一個叫四通閥嘅零件, 再由電腦控制倒轉運行, 四通閥係故障率極低嘅零件. 一般各牌子的高端機型, 都只有冷暖款. Q5. 裝分體機注意事項 1. 除珍寶368外, 其他分體機雪種喉長度最少3米或以上.另喉太長可能要加雪種 2. 新公/居屋裝冷氣台, 窗外室外段雪種喉盡量長, 可減少震動, 噪音 3. 必須抽真空, 抽真空需使用真空泵 4. 最好可包試漏, 可用番梘水試 5. 室內機必須水平, 或最好微斜向去水喉的一端, 盡量減少殘留積水 6. 安裝避震膠 7. 必須使用4芯電線, 及接地 8. 如安裝雪種喉膠冚, 必須封好, 以免熱氣傳入, 形成倒汗水 9. 去水喉如駁去廚廁去水, 需有隔氣, 冇隔氣會臭 10. 公家去水喉接駁位應封好, 封唔好打風時有機會卜卜卜聲附圖片版: https://lih.kg/AbAdCAX 抽真空set up圖: Q6. 冷氣唔夠凍, 咩問題? A. 首先判斷係咪機問題. 用2個溫度計量度出風口及入風口溫度, 如最大風量下溫差可以維持8度或以上, 代理就可以話冷氣製冷係正常. 如舊機, 檢查係咪污糟要洗, 空間有冇做好隔熱防曬措施. 如新機, 就可能匹數不足. 如溫差小於8度, 就多數機件出問題, 或者室外散熱不良. Q7. 室內機漏水, 咩事? A. 室內機漏水, 通常有2種情況. 一係大量滴水/漏水, 二係倒汗水. 大量滴水多數原因係室內機太污槽, 集水盤/去水喉塞左, 可靠洗機, 通去水喉解決, 記住先通再洗避免浸機. 少數情況可能機身膠有裂痕, 或coil變形, 移位引致漏水. 如屬倒汗水, 會出現極大量細小的露水滴, 通常原因為天氣濕度過高, 冷氣設定溫度太高, 風量太小, 風口吹死1個方向引起. 亦有可能是過牆窿冇封好, 熱源滲入引起. Q8. 冷氣冇官方wifi, 點可以用wifi控制冷氣? A. 安裝第3方wifi紅外遙控器, 有平有貴, 建議買有溫濕度款可以判斷有冇開機. https://lih.kg/AbAdvjX Q8. 成日叫人自己洗分體機, 有冇教學? A. Youtube有某啲機教學影片 https://lih.kg/AbAdCyX Q9. 成日講低頻，中頻，高頻係乜黎？點先睇到？ A. 講緊運行功率(watt,瓦數)，你可接上一個帶功率計嘅智能插座，睇到即時功率，24小時功率圖，電費度數等等。類似產品有tplink p110(13A三腳方插), 米家空調伴侶2(需改中國16A插)。只建議1.5匹以下機試玩，請自行評估diy能力，及承受風險能力。圖片版: https://lih.kg/AmrnhzX Q10. 室內機有怪聲, 噠噠聲, 咩問題 A. 細心分辦聲音來源, 通常左邊聲, 豬籠膠承軸座, 右邊聲, 豬籠摩打, 或者電線固定唔好造成拍打聲 https://lih.kg/AbAdCzX Q11. 坊間啲冷氣清潔噴劑其實有冇用？ A. 唔係好污糟嘅時候有啲用，因只噴到表面，使用後一定要用過水！水刀式效果比較好。參考 https://youtu.be/9sEfQefhp28 舊post (5) https://lih.kg/3351174 (4) https://lih.kg/3136892 (3) https://lih.kg/3062930 (2) https://lih.kg/2626773 (1) https://lih.kg/2540437

Tkt

1001 回覆

2 Like 0 Dislike

公屋王 2023-10-11 14:56:10

珍寶室內機每隔一段時間就有啲高音流水聲
係正常定係有嘢壞

淡淡定有錢剩 2023-10-11 17:05:39

新居書房想裝窗口式 1匹
諗緊格力GWF09DB定樂聲CW-HU90ZA
兩隻有咩大分別？

Thanks!

Tkt 2023-10-12 14:33:12

Record.

Tkt 2023-10-12 14:38:39

再來電機和大金分別

https://www.jdbbs.com/forum.php?mod=viewthread&tid=8659996&extra=page%3D1%26filter%3Dtypeid%26typeid%3D49&page=4

Tkt 2023-10-12 14:39:16

https://www.jdbbs.com/forum.php?mod=viewthread&tid=8659996&extra=page%3D1%26filter%3Dtypeid%26typeid%3D49&page=1

扮女人既絲打 2023-10-13 13:39:29

要求冷氣師傅用東芝，佢報左依3隻舊model 俾我，想問下有冇大問題？新同舊model 爭得遠唔遠？

Toshiba 東芝 RAS-22J2KV-HK 1 2.5匹分體式冷氣機 (變頻冷暖系列) $8060

Toshiba 東芝 RAS-13J2KCV-HK 1 1.5匹變頻淨冷掛牆分體式冷氣機 $4660

Toshiba 東芝 RAS-M10N3KCV(HK) X 2 1 1匹+1匹分體式冷氣機 (多聯式變頻淨冷系列) $8470

如果唔用東芝有冇其他選擇？一定要有部一拖二因為唔夠位擺多部壓縮機

係咪菱重無一拖二？

感謝解答