癌症/腫瘤/Cancer/照顧者/家人/Caregiver 圍爐區 (2)

我前3個星期睇完醫生都證實咗有鼻咽癌
算係不幸中之大幸
7月21做完第一次化療

頂住，我見張達明都係鼻咽癌醫好。

祝早日康復。

多謝你
而家香港醫鼻咽癌醫得好好
大部分做完治療之後都好返
我覺得最緊要個人放鬆啲樂觀啲
咁對個病有好大幫助
加上我有買保險，已經唔需要擔心醫療費用
令自己同屋企人負擔都輕好多好多
所以買保險真係好重要好重要

我係因為條頸突咗粒野岀黎先去睇醫生check
醫生一見到已經話要抽針同照超聲波驗
我知自己有買足保險，所以乜都冇問就照book同做
之後又要做好多檢查同抽血
淨係呢2個星期都用咗5萬蚊左右
成個過程除咗等2日報告都好順
所以先第3個星期做到化療
今日會去做第2次化療

媽咪子宮頸癌3期半年前完成哂25次電療同4次化療
康復得好好 但佢最近話屙尿有啲扯住同赤痛 仲話好攰又食少咗野 搞到我好驚復發
但下次公立覆診係9月 係咪應該即刻同佢返醫院？
定係我太大reaction ? 佢一病過 有少少事我都好焦慮

一係去急症
一係揾家庭醫生寫紙轉介去私家照

屙尿扯住同通有可能係電療後遺症，因為子宮頸同尿道都近，所以電有機會電傷埋，試吓去藥房買啲尿道炎藥食睇下有冇用，媽之前都試過食左藥幾次又好好多
好攰同食少左野會唔會係太熱出得汗多？煲啲消暑湯水睇下有冇用？
你如果ha即番醫院佢都多數唔理你，如果觀察多半個月都係咁可能去私家問問？

即係半年後都可以有後遺症？ 同埋會突然發炎？
仲記得幾個月前佢有次忍尿忍得好厲害 之後嗰一個月佢同我講屙尿都係痛痛地 但過一排又無事了

電療後遺症 我老豆前列腺電完都係咁
前排佢痾尿有血 入咗急症
醫生話有機會係後遺症 搵唔到原因
而家佢假唔中都有血 醫生話真係好多 有暈 先入院
唔係好多就觀察吓先
喺醫院check過都搵唔到原因
但佢個人就精神
而家佢同緊其他位置嘅癌細胞共存緊

我老豆年幾到 醫生話後遺症唔知幾時發出嚟
但係有出現過唔少呢啲case

會架，電化療好多後遺症都成半年9個月先出黎我媽正正就係隔咁耐先因為電所以腸出血，又試過尿道痛，腳痺痛所以屋企人都要不停處理Mon住
不過如果你有留意一排都冇乜改善可以去私家問下，加油！

你可以俾啲鐵丸你老頭食以防佢貧血，真係有用。同埋叫佢真係留意住流血情況，如果成個月日日都有血你地可以試下搵醫生辣左個流血位，因為唔係長久落去都實會貧血
我媽就係電完有放射性直腸炎，搞到貧血要入院輸血，之前去埋台灣做微創辣條腸，家下好好多

巴打你好。

請問你哋去台灣邊到搞？

我見台灣抗癌方面真係算先進，方法似乎比香港多。

我都研究緊去台灣醫

相信你好唔容易渡過 都要好好照顧自己

好方便架因為我哋係去高雄長庚醫院，佢直程有個部門係負責外國人去睇醫生，你email聯絡佢哋佢哋會幫你安排好晒

好方便架因為我哋係去高雄長庚醫院，佢直程有個部門係負責外國人去睇醫生，你email聯絡佢哋佢哋會幫你安排好晒
不過要睇你想搵嗰度邊個係醫生，因為係咁啱我上網搵到嗰邊有個醫生做呢類型微創辣腸手術做好多所以特登過去長庚醫院搵佢做

頂住