癌症/腫瘤/Cancer/照顧者/家人/Caregiver 圍爐區 (2)

我今日同婆婆去醫院復診 醫生同我講十有八九係胰臟癌 因為見到有野擴散到腹膜 問佢就話算比較後期咁，我婆婆一直都好健康精神，但2個月前就見唔舒服，一直消瘦直到今日先知咩事，我個人即刻好辛苦，真係好想喊，突然間覺得同婆婆既時間原來唔再同步咁

加油
曾經睇過話胰臟癌初期冇乜病徵
如果唔專登check 係唔會發現
所以好多時發現嘅時候已經係後期

點解人要咁化學

屋企人腸癌4期 聽完好多意見 有啲話唔做治療比佢無咁痛苦咁過埋淨低啲日子 有啲又話有機會醫得好 心情好忐忑

我覺得最主要係睇屋企人意願，因為治療通常都有手術，可能會有造口，呢個都係一個心理關口

真係視乎病人想唔想做 如果復發率高 佢做完仲辛苦 但明白乜野唔做睇住佢差 又係好難接受

病人自己點諗？

我屋企人有提過話唔想繼續醫
依家直頭落唔到床
醫生又無話無得醫，但感覺呢個過程真係好痛苦

多啲陪佢同鼓勵佢，家人支持好緊要。你哋要比信心佢堅持，患者要保持堅強意志。

祝你和家人平安。

啱啱知道男朋友肺癌第四期 佢早幾個月先開始咳 近呢個月先氣喘 佢又唔肯講係邊間醫院
好擔心又好傷心 佢仲叫我搵第二個
唉 其實係咪真係冇得醫?

咳到點？
一下就4期？

又唔係好誇張 由3月開始咳 係試過咳出血 跟住成日喘 行兩步就喘

佢血氧幾多？

如果長期血氧低過80會有生命危險。

同佢屋企人傾下，四期唔一定無藥醫

照咗PET CT先，再做氣管鏡抽組織驗基因突變

有突變就食鏢靶藥，無突變就考慮免疫治療同化療。

佢自己買咗個血氧計 成日都係70-80左右
佢擴散埋去腸

盡量陪佢多啲，有時候個人唔舒服會講說話重咗。
如果佢血氧咁低，佢屋企有無聞住氧氣？
佢而家最需要嘅係氧氣治療，其他檢測，治療方案，嘗試慢慢同佢講。

有冇煙酒？

佢連入咗邊間醫院都唔話我知
佢而家仲係醫院 我真係咩都做唔到

冇 不過二手煙都多