癌症/腫瘤/Cancer/照顧者/家人/Caregiver 圍爐區 (2)

應該要有封做檢查的轉介信，佢無比埋你？咁要去普通門診甚至急症再拿一次，可以平三成到一半

做了檢查再找私家專科，否則都是耍你照袋診金

生cancer又無買危疾係咪等死？無錢去私家做手術

唔係，你真係好窮的話有津貼基金俾你申請
例如 關愛基金

大把人睇公立仲生勾勾

前題係點都要使少少錢私家照咗ct/pet scan先

之後跟進就會快好多

如果仲後生又冇咩特別嘅 好似25歲起開始每年照下ct比較穩陣 有啲錢真係唔慳得

唔係錢唔錢嘅問題，係有冇預防心態。
屋企人出事先知原來疾病可以咁近，明明平時好醒神。

冇錯 同埋呢個post都見到有巴打3字頭都中招 身體有啲咩異樣個陣要去睇醫生 如果幸好冇咩事嘅話 都最好每年check一次

想知電療期間有無嘔，同發燒
擔心中

我情況比較好，電療期間沒有嘔同發燒，但係因為我第二階段係電化療一齊做，化療令我作嘔，唔想飲水，導致完成治療後腎功能得返一半

如果你都要電化療一齊做，又有嚴重嘔或作嘔，請緊記叫醫生開強效止嘔藥🥲

我個陣醫生開左呢隻Akynzeo 強力止嘔藥
食完全個療程都冇想嘔既感覺 不過係咁打c egg

想問吓去台灣醫嘅戰友去邊間睇？

問過幾間都冇覆。

要預幾多budget ?

未諗，只係多個方向都好。

祝你哋平安

爸爸舊年11月開始消瘦 帶佢去睇醫生
Check左好多次先知原來腎個到生左粒腫瘤 同擴散左去肝到
確診腎癌末期 粒野已經10cm大 冇得切 年紀大亦都做唔到化療 2月開始食鏢靶藥
一開始食瘦左好多 但都叫精神
上個月照片 發現而家呢隻藥冇乜用
粒野變到19cm大 轉食另一隻鏢靶藥
食咗半個月多啲 副作用大 完全食唔到嘢
前日入左急症 今日醫院打黎話要轉寧養病房 叫我地要有心理準備

前前後後咁原來已經一年 時間真係過得好快
寄語剛發現既時候真係有咩想做做哂佢 唔好留後悔

粒腫瘤10cm大都要check幾次先check到？

京東藥房可以直接買，但要有大陸地址

港大深圳我聽人講可以病人不用去咁配藥，你可以找佢地專科問下

其實可以不用等，直接上港大深圳看和配藥，那邊的腫瘤科醫生真心不差，好過公立五分鐘貨色，申請煩複資助到頭來都仲貴過深圳

要病人親自去先有藥，家人只可拎意見。

公立定私家醫院開