ptgf 賤男週記 (完結篇)

屌仲有冇條女d 相
唔想中伏

求ig

2021年留名
希望樓主已經好返晒
感情嘅嘢從來無話邊個啱，邊個錯
係 女主係後期係真係可以用貪錢臭雞四隻字嚟形容佢
但係無可否認 佢都真係鐘意過男主
至於rubbish有樣嘢係真係死罪
就係check人電話同wts
既然你自己應承咗人唔會去check
自己又唔信人 係呢一刻佢已無辦法再相信你
講返女主 18歲就要浪費咁多嘢我知係會好唔甘心
但係感情呢樣野 就係要大家密密耕耘 付出
從來唔可以係愛情計較太多
最後 祝兩個主角都平平安安 人無事就最好 都希望大家唔好搵大家了
P.S 啲圖無撚曬 想睇都無得睇
P.P.S毒撚一名 以上只是9up

2021年撳下撳下睇到，再用咗兩日時間追post，睇到芷純同你嗌交，自己都會諗返起自己同初戀嘅往事，睇到個心抽住抽住咁喊，雖然唔知道rubbish 會唔會睇到，但都想分享吓自己感受同睇法。

你地兩個都係好固執嘅人，兩個都唔成熟又冇乜拍拖經驗，其實係好唔了解對方，你哋由人生經歷，甚至家庭教育都影響到你哋價值觀，令你地太多嘢有分歧，你唔明佢點解可以寧願瞓覺都唔肯返去你屋企，而佢又唔會解釋瞓覺反而係可以令佢冷靜下左啖氣嘅方法；你唔明點解佢唔可以一開始就交代清楚同細佬.嘅往事，等你唔會亂諗嘢唔會誤會佢，佢唔明坦白係建立信任嘅根本，佢只會覺得你唔信佢，屈佢就唔會解釋。

芷純因為係孤兒身份俾而家屋企人收養，加上佢同爸爸感情唔深厚，但其實佢都有講過爸爸為佢俾你摑咗一把而追落街鞋都甩埋，我唔相信爸爸唔錫佢，如果唔係就唔會無端端同意收養個女返嚟，好多時人與人之間只係唔識得表達愛，唔識得愛，所以關係會差，而屋企冇俾零用錢佢，家庭教育同埋同屋企人嘅疏離，令佢戀愛大過天14歲離家出走跟男朋友同居，仲每個月有一萬蚊家用，佢將男朋友俾家用令佢唔使煩錢嘅呢一種安全感，睇成係照顧佢對佢好嘅表現，但係同時當佢男朋友打佢，佢又覺得男友打佢一定係十惡不赦所以要分手，佢個性格咁火爆又完全冇理智可言，男方出手打人雖然唔啱，但我都覺得女方唔係完全冇責任，想當初你都冇諗過你自己會出手摑佢。始終年紀太細就咁容易每個月有1萬，令佢對金錢嘅價值觀好扭曲，芷純覺得自己唔係貪錢嘅人，但係錢就令佢有最大嘅安全感，佢覺得要問你先比就冇意義，其他ptgf 需要錢你又會咁大方出手幫，加上佢細個幼稚鍾意比較就會覺得你當初比其他女人嘅錢比少一蚊佢都係你唔夠愛佢，都係代表佢嘅地位唔夠嗰啲女人重要，而你又覺得根本從來冇同佢計住計住，覺得俾佢話你係委屈，你哋諗嘅嘢同埋對對方嘅了解都真係好表面，你買嘅銀包，花錢帶佢平日買嘢食嘢去旅行，但係你俾佢嘅嘢並唔係佢需要嘅嘢。我好鍾意睇素黑嘅書，曾經有一年嘅書展去聽咗佢嘅分享會，素黑講過愛一個人要用對方需要嘅方式，對方想要飲一杯水，你夾硬俾一杯茶佢，之後不斷去說服佢茶都有水，即係你想要嘅成份，但係有更加多好處blah blah blah，但係杯茶真係唔係佢想要嘅嘢呀嘛，我一直覺得愛同埋耐性就好似關節入邊嘅軟組織，做得唔啱係會令佢磨蝕，到最後消失殆盡，行都行唔到就係段關係行唔到落去嘅時候。

我17歲去美國讀書之前，其實我係未同過朋友出夜街，未拍過拖好深閨，而我家姐升中一派學校派得唔好，未開學13歲就俾媽咪送咗去澳洲。所以就算係同親生家姐嘅成長環境、經歷同埋睇嘢嘅角度都可以好唔同，契爺契媽好free唔會管住，所以家姐細細個就會同鬼妹一齊去蒲去玩好自由，我就俾美國嘅親戚管得好嚴，21歲先為咗跟朋友去rave party 同媽咪嗌大交，大學畢業之後先初戀，讀書期間唔係冇人追，但係因為媽咪嘅教育潛移默化，女仔行差踏錯就一世係咁先，我連以前香港讀書着校服喺街見到另大班着校服嘅男仔迎面而來都會好驚，特登過馬路行另外一條路兜遠啲，總之就係家庭教育令到我好驚異性，覺得一次嘅疏忽，如果俾壞人沾污咗就係一世，而我媽咪永遠唔會知佢以為保護我嘅方式，其實同時係摧毁緊我面對世界嘅勇氣，「原來隨便錯手，可毁了人一世」，好似你直到睇返芷純嘅日記先至諗起原來你忘記咗曾經對佢造成嘅傷害，所有嘢都係會adds up，而當啲嘢儲埋儲埋積存落嚟再爆嘅時候，個影響係可以好大。

嗰時畢咗業之後留低做咗一年野，visa到期唔想同初戀分隔兩地，佢大我五年，有經濟能力搵到錢，當時初戀建議供我繼續讀書，但係由3歲幼稚園開始已經讀咗太多年書，我讀書一直都係死記好大壓力唔想為讀而讀，而初戀係英國人移民去咗美國好幾年啱啱入籍，佢唔想因為visa問題就夾硬同我結婚，因為婚姻對於佢係神聖嘅，而我媽咪知道我想留低喺美國發展都有話過可以賣其中一個物業，比啲錢我投資移民，又或者叫我同初戀搬返香港，媽咪可以出首期俾我哋搬出去買樓住，但係我唔想初戀覺得屋企人貼埋大床想我嫁佢咁唔矜貴，所以我從來都冇同佢講過媽咪俾過呢啲建議，初戀都有開聲講過如果我邀請佢一齊搬返香港佢係會考慮，但係我覺得呢個要求太沉重我唔敢講，初戀係做IT先至嚟美國做嘢，當時已經係做緊矽谷百大嘅公司，香港一步步比終共蠶食，我唔想佢真係跟咗我返香港之後做嘢唔開心會埋怨我，而香港嘅發展機會一定無矽谷咁多，我唔想我以愛佢之名阻擋佢嘅事業發展。畢咗業出嚟做嘢嗰一年，交租同生活費我都係自己負擔，冇再用屋企人嘅錢，所以當時初戀話可以同我去搵律師睇吓仲有冇其他方法可以幫我留低，我就大安旨意諗住等佢陪我去，因為初初出嚟做嘢交租同生活費已經用咗我大部份嘅人工，我根本就冇閑錢可以去律師樓諮詢，更加唔知應該從何入手，但係因為初戀有抑鬱同埋公司有個大危機，所以當時佢好忙，根本冇時間陪我去搵律師，佢叫我唔夠錢就同佢講，但係女仔角度，我又唔係貪佢啲錢，就算我有難題又點敢開聲問佢拎，我當時幼稚咁覺得如果佢真係想用錢搵律師幫我留低，就會預先俾定錢我去搵律師，而唔係叫我冇先問佢拎，佢冇咁做係咪覺得我留唔留喺佢身邊都唔重要？但之後我又諗返，其實佢都好多嘢煩緊，加上中西文化差異，如果我開聲問佢，佢可能就好直接咁會俾我，而唔係我個心唔開心又有咁多內心戲鑽牛角尖，覺得開口問個意義就唔一樣。想當年我考完車之後買嘅第一架車係10歲嘅二手車，因為屋企覺得我新手揸車會刮花晒，我搬返香港嘅時候都唔使煩賣出去會折舊，而我一開始識初戀嘅時候知道佢係揸電單車，我仲話我唔介意佢揸電單車，我可以去車佢嘛，點知原來佢係揸新車，因為鍾意電單車另外再買嚟玩車，有一次食完飯佢揸咗我架車，覺得太舊有安全嘅考量，就話想買另一架車俾我，佢有次經過dealer shop見到想買Honda俾我 ，但我又係因為幼稚，有一個傷害我好深嘅女仔朋友以前成日渣Honda civic車我周圍去，令到我好唔鍾意呢個牌子嘅車，所以最後我唔肯要，佢就放棄左呢件事，其實我鍾意得意嘅Mini cooper，最後佢唔明白我，我唔明白佢，我再一次覺得佢講完無做，其實我屋企都有能力，而我都唔係貪佢架車，但係如果佢講完嘅嘢真係實行，我真係會好感動，覺得自己喺佢心入邊嘅地位更加實在，所以我比較理解你同芷純喺俾嗰4000家用之前嘅分歧，如果我可以以理解你哋咁樣理解佢，勇敢咁講自己感受，可能我同初戀最後唔會不了了之，咩都冇講清楚就咁唔搵對方分手，當時飛之前我一路都等緊佢搵我，搬左返香港一年之後，我哋再次傾番計，我鼓起勇氣問佢，佢當時以為我嬲左佢，因為當我唔搵佢嘅時候，佢以為我已經離開咗美國，其實如果我可以放低身段再去同佢溝通，唔係唔解釋自己，自己喺度諗咁多內心戲，可能結果又會唔一樣，當時我真係覺得世界都崩塌，幾個月無返工無做嘢唔出街就喺度等，等佢會嚟搵返我，話我知佢愛我唔想我走，嗰陣時每晚都瞓唔着，要眼光光等天光搞亂晒生理時鐘，捱壞自己身體皮膚變差又肥咗，之後嘅我唔想影響自己喺佢心目中嘅形象，根本唔敢用唔係自己最好嘅狀態去同佢道別，就係呢啲無謂嘅堅持，就令我嘅初戀無疾而終，最後屋企人落咗最後通牒要我農曆新年之前飛返香港一家人過年，我退租執晒啲嘢返親戚屋企就飛咗返香港，直到朋友結婚又再一次俾藉口我飛返美國，最後媽咪特登飛過嚟幫我執行李搬返香港，先至終結左我青春最後一次嘅荒唐，迫我返香港面對現實。

每次睇到你哋嗌交嘅對話，話算佢幾咁不可理喻，我都會諗起自己嘅經歷，隱隱咁樣睇得出佢只係固執，你哋用錯方法溝通，誤會越積越深，到佢願意將心底說話講俾你聽嘅時候，就已經係佢放棄冇得再挽回嘅時候，就係佢要放棄前度，將本日記寄返俾你，唔再有任何留戀嘅時候，雖然芷純成日講啲說話話係對你嘅考驗，又或者將一條褲一套泳衣一盒Con都睇得對你哋嘅關係更加重要會好難理解，我會覺得佢好固執同執着再加一啲無情，不過無情都係佢嘅保護色，係佢保護自己避免受到傷害嘅方法，任何人好似你咁唔識愛自己就唔值得對方尊重同埋愛惜，雖然知道你愛情初哥又浪子回頭所以愛得好深好錯，男人太低聲下氣死狗就冇魅力，咁樣你就算你條件再好，留喺你身邊個女人都唔係真心愛你被你吸引，但係你哋最後唔可以行落去真係雙方都有責任。

愛一個上一課，真係好現實又殘酷，每一個人都係幫緊其他人訓練老公老婆，真係有緣份可以相伴一生係好睇運氣，人與人之間嘅相處，好多傷害造成左就真係返唔到轉頭，希望大家都可以從錯誤中學習，唔好白白浪費流過嘅眼淚，好好愛自己同愛伴侶，共勉之。

屌，個post冇撚咗

2023年睇到，留個名。
Rubbish錯哂咁滞，個妹差唔多冇錯。
Rubbish太控制狂，其他人有自己生活，點解要人秒回？點解唔支持囡追夢(你唔同意佢個夢，可以引導佢)？大家一齊咗，要令大家一齊變好，你係應該鼓勵佢比心機讀書，唔係成日做你竉物，佢都支持你努力返工，係你自己一pad泥咁，你係大人佢係細路女，你lead唔到佢，sad。做人唔洗知所有嘢，stalk人好恐怖，佢算忍得你，你eq咁撚低，比你知哂你會發癲。

佢最大嘅「罪名」係同你一齊仲同其他仔close，佢係可以處理得好D，應該真係冇屌閪，不過後生囡係唔定性，怕寂寞，想玩兵仔，你如果控得佢好，鍚佢又冇control freak，有D自信，我相信佢同其他仔相處完就知你最正，咪仲好。
唔好樣樣同人比，佢對其他人點唔可以咁計較，你覺得佢對你夠好就得。佢係細路女唔成熟，郁D喊分手好hurt人，但你係依個關係之中成熟D嗰個，你有責任為依段關係比stability，嗌交應該係你負責滅火先，冷靜咗再傾，奈何你eq零蛋，仲扯巴條囡，唉。

錢，你係連登咁仇女嘅地方post，D人臭雞臭雞咁鬧你以為你係受害者，錯哂。你有能力，同一個公屋學生妹一齊，你愛佢照顧下佢天經地義，你果個唔大洗，比D家用佢好正常，你應該早D主動提出，咁當然唔好叫雞咁屌完比，你咁大個人大方有誠意有尊重咁比，囡唔會怪你會感激你。
最後，讚下你都寫得幾好，我睇哂……因為，我都係幾廿歲先執咗個17歲妹妹仔，養到宜家18歲，今個月一週年