其實點解香港急症室啲醫護態度咁差

利申先: 廿幾歲人, 淨係去過3次急症

第一次: 都應該有10年前, 凌晨發燒, 喉嚨痛到吞口水都辛苦 訓唔到, 去左急症睇, 個醫生係我唯一一個係急症遇到態度好既, 態度溫柔咁問我邊到唔舒服, 仲問我最近有咩新戲好睇

第二次: 幾年前, 打波時同人撞到, 對眼見到一條裂痕, 返到屋企沖完涼都仲有, 即刻沖去睇急症, 怕對眼有咩事, 之後個醫生同啲護士幫我做左啲簡單test (非機械), 之後我覺得都ok啦 同埋去到check時 條裂痕都冇左, 咁我都好快起身 準備走啦
個醫生話: 冇事啊 冇問題
隔離啲護士話: 冇藥拎嫁 走得嫁啦
感覺好似我要r佢地拎藥咁, 但明明我已經起身走緊

第三次: 2,3個月前, 第一次中左武肺, 咁我都打左3針復必泰, 諗住屋企食下必理痛就好快冇事啦, 點知過左2日仲係唔得, 都係有燒同又係喉嚨勁痛吞口水都難, 感覺自己好難好, 又係凌晏去睇急症, 個醫生又係態度輕挑咁講: ching 行得走得 應該冇乜野啦, 我個下乜都冇回應, 等佢繼續繼續問診, 之後去藥走人

其實點解佢地態度會咁? 好似當我濫用咁, 咁我小市民, feel到身體唔舒服, 自己係屋企都恢復唔好先去睇姐

有錢就去私家喇

日日都咁full 仲想態度好

留港撚值得擁有

真急症個陣態度好好，係咁勸你入院

凌晨咁有咩計, 食藥都好唔到, 我夠想食完藥自己好

咁我第一次遇到個個 真係好難得

佢對你好個陣應該你大獲

例如中風

都係既, 好多老人家排晒等睇醫生, 人口老化問題

急診室（英語：Accident & Emergency、Emergency department、Emergency room等，縮寫為A&E或ER），是醫院的其中一個部門，但不是每間醫院都有提供急診服務。急診室主要目的是搶先救治緊急危重的患者，免去門診的排隊時間。相對於有預約的門診部，使用急診室的病人，他們的求診需要多數是突發的，例如交通事故、中風、孕婦早產等。

急診室所處理的個案應該是以病情緊急，會迅速惡化甚至危及性命的優先。有些急診室因此設有有負責「分流」的醫護人員。所有的求診者進入急診室，都首先到分流站、預檢台報到，由把關的醫護人員進行檢傷分類，以評估眾患者的病情及先後次序，例如臨危的先救，普通感冒等輕微病症的必須要排隊輪候一段較長時間。

你去小紅書申訴先有用

知道了, 以後唔敢再去

日日都做唔撚完比著你都閪

有冇試過私家醫院急症室？

我唔係天龍人

因為真係太多人去睇，逼爆急症室

搞到姑娘 醫生壓力好大，而家政府都考慮緊鼓勵更加多人買自願醫保計劃

冇啦, 窮撚 同埋都唔多病

收到, 考慮下買, 之後有咩事睇私家先

好老實講事實係咁
你站急症門口一陣其實留意到連清潔忙到狗咁
你覺得佢哋會抱咩心態服務你

壓力大 又多西人 每日都比人屌 態度自然差

私家普通都係$800左右
舒服幾個鐘睇吓你值唔值得

都係既 工作量咁大, 態度唔好都正常