THE SUPER MARIO BROS. MOVIE(討論區,4月5日開畫,劇透)

想問下適唔適合5歲小朋友睇？ 小朋友好鐘意princess peach, 但佢之前第一次入戲院睇動畫講消防員， 比d 聲和畫面嚇親

Lego 造過故事向RPG， Mario 都造過 故事向 RPG -- 即係 Mario 係可以有故事啦

「當你知道個背景，就明白老任係唔可以有太多大改，因為原本果班會睇嘅觀眾根本唔會想有任何極大改動」

你都講咗任天堂做咗咩選擇 --- 揀咗討好觀眾多過影評人，咁你 fans 睇得開心就好唔駛強求評論家都同你一樣睇法啦，幾百篇影評都唔係全部「點解個方塊浮喺半空」呢啲on9理據掛

「佢哋係“專業”嘅影評人，佢出嘅評價有機會影響到一套戲嘅收入」

影評真係有收電影公司錢

唔怪得今次佢要推石(導彈)

票房（美金）
北美 $204.6M
墨西哥 $27.4M
英國 $19.6M
德國 $14M
大陸 $12M
法國 $10.4M
西班牙 $8.6M
澳洲 $8.3M
意大利 $7.9M
巴西 $6.9M

日本韓國未上畫

好正

想買返部switch 打mario

收咩錢丫……可唔可以睇清楚人講咩？一套戲拍出黎目標觀眾係邊個就係邊個，無任何一套戲個目標客群會係“影評人”咁L on 9，真係專業影評人個責任就係講出一套戲做唔做到佢目標客群嘅需求，如果一套戲嘅目標係導演嘅自我表達而又引起到大家嘅共鳴同拍得好通常會成為一套“藝術性”高嘅電影，會易拎獎，而影評人就應該要由挖掘呢套戲嘅深度黎評價果套戲，如果一套戲目標係合家歡影評人就應該要由傝適唔適合一家大細睇黎做成唔成功出發去評。過程可以有個人喜好，但唔應該最著重個人喜好，就好似專業嘅食評家，自己唔鐘意某種食材就將道菜講到一文不值就係on 9，影評/食評人並唔係“觀眾”，佢哋理應係用“專業”嘅角度去評價果件產品，你上面睇唔明我再講一次，因為佢哋寫嘅評論係會有機會影響到套戲嘅收入！意思係佢哋on9地俾到低分如果唔係Mario咁大個IP，可能百份之90嘅觀眾會因為評價低而選擇其他戲。想用自己喜好做出發點評戲唔該用返私人acc出評論，專業嘅影評網做野就唔該對得住“專業”兩個字，唔好咩都“我唔鐘意” “個人喜好” 咁你同一個10歲嘅細路睇完沙土比亞話睇唔明所以俾2分有咩分別？

睇完英文版
忍唔住上黎分享下

由細細個玩mario 到而家咁大個
睇返成套戲真係好似走馬燈咁
無論係配樂 鏡頭 劇情
都帶你返返去細個嗰陣時打機嘅快樂時光
不停會心微笑

喺我心目中係一套非常好嘅電影

Pixar 啲戲都係俾一家大細睇，都好好影評，所以 你覺得好睇，影評人唔覺得好睇（假設佢哋有合理嘅理由），你要影評人要因為你覺得好睇人仲要考慮會對票房有負面影響所以要改口讚埋一份

「一套戲做唔做到佢目標客群嘅需求」唔駛勞煩影評，睇票房就得啦，事實係套戲長假未完已經回咗本，任記忙緊數銀紙得鬼閒理影評

細路仔同家長亦都唔會因為影評而唔入場，係嘅話Minions系列 一早完咗

你句（假設佢哋有合理嘅理由）咪講咗重點囉……我一路話佢哋係on9，咪就係覺得佢哋理由唔夠合理同根本無了解到個背景就寫囉…Pixar啲戲的確係一家大細睇丫，但人哋一套戲有一個單獨為人設黎為個劇本服務丫麻，Mario個IP存在咗幾多年丫？第一套拎出黎做動畫唔用返原設定而要改到有一個好有深度嘅故事，邊個話事改咩方向？定又要好似DC咁不停搞到原作亂晒又再亂咁重啟先得？但講到尾呢啲方向性嘅野都唔關我哋觀眾事，我話影評on9好明顯只係針對佢哋無考慮任何呢類事實，亦做夠功課去了解Mario個背景就俾低分，你繼續拎唔同戲出黎話佢哋做到好過Mario都唔會改變到影評人無做功課就俾低分係唔專業呢個事實

因為荷李活啲戲如果要做世巡, 係亞洲一定會揀日本, 其次韓國
所以為左就演出者, 日韓就會改時間
極少有世巡既地區, 例如香港, 成日都唔洗跟全球放映日

睇完 粒藍星好正

改編就係要取捨，The Dark Knight 都係將好多漫畫故事融匯貫通寫個劇本出嚟
任天堂貪心要一套戲包哂幾十年嘅內容，然後 fans 覺得影評唔合理，影評需要先知道套戲滿足咗fans之後有咁嘅質素已經要還神....ok

超人特攻隊2 北美票房最高卡通 $608.6M
Frozen 2全球 $1450M
Mario亞洲票房仆直 泰國，印度，大陸都唔收得
日本月底上畫，以人口計同墨西哥差唔多，計到盡都唔會有$100M

歐美個勢後勁不繼，睇怕冇機會打破迪迪尼

下集有yoshi 掛

我覺得故事無聊，不過fans盲目啦算

寧願佢出kirby 戲仲cute