當知道咗呢個真相好無奈

真，生活就係咁重覆同無意義

返工而樣嘢應該古代就發明咗
我個前世前前世都係打工仔
分分鐘講錯一句嘢就畀人斬頭

唔好理呢啲人喇.
人地點睇係人地既事，太在意別人既事就令到自己困擾.

佢好彩，同理心不強，好適合呢個世代.
但佢係佢，我地係我地. 每個人都係獨特的. 我信只要活著，總有一日會開心過佢地.

以前唔會覺得返工有問題
一grad咗就立即搵工 冇工返先係問題
到人大咗 竟然發現原來人人都唔想返工 包括自己
但又唔可以唔返 因為要生活
但大家明知大家都係唔開心 你知我知天知地知 但會繼續返工
我覺得好sad

自己落街睇下啦
呀婆背脊彎撚晒係為十幾廿蚊推紙皮
有人好人姐 砰一聲一世再起唔到身跳舞
有人為公義 可能要坐一世監
你同我講因為唔想返工 搞到情緒病 好慘 好辛苦
我真係屌你老母
世界上就係有咁多依啲廢人

唔好咁講～
個個人原因唔同

就好似人格障礙，唔關別人既事.
我唔係扮識，只係朋友有，我了解下其實乜黎，始終唔係一味藥可以解決所有問題

有時唔係針對 但以前父母果代 邊有咁多人話心理病 又點樣脆弱咁 咪又係死捱

每個人都係咁樣走過黎 苦中作樂已經係社畜既影子

家境幫到係好重要 幫唔到就要靠自己
最大鑊人生係path dependent 唔早啲諗通準備 過咗某個時間 成世就係咁loop死 遲早depress 越loop越大鑊

轉做順豐，外賣師有冇得諗？體力勞動冇咁大精神壓力

所以你咪唔會係呢方面成長.

每人受壓既原因唔同. 我in過一個人，佢見我時話佢之前份工壓力大，掉髮掉到半禿. 問我呢份工會會好大壓力.
我安慰佢其實人人都有，只要搵岩方法就解決到，當然我開個位好撚大壓力（所以冇請佢），但我絕對唔會話人懶囉.

睇左樓主以前啲post都係keep住講緊呢個topic
番工，人生無意義唔知想點

我覺得最大既問題係你唔知自己想點，無目標，無興趣。講生活好無奈然後無動力改變，

你最尾下個月又係會講番同一樣既野，直到死個日都係咁。

人生本來就無可能十全十美，邊有咁多個份工fit到自己興趣又搵到錢又唔悶。

咁既然你覺得而家既生活係有問題既，咁點解唔試下改變？如果係唔想放棄而家有既野（eg 份穩定收入）咁咪由而家開始搵下自己真正鍾意既目標。到你有真正既目標你就會諗到底後面既路要點完成呢樣野，就唔會覺得無意義。

如果樓主自己都唔想放棄而家有有既野，寧願繼續過而家既生活，咁其實你自己都做左選擇，呢樣野無得怨架喎。

自己話有就有 無就無
你鐘意自怨自艾咪有囉
咁容易以為自己好慘好失敗 依世人都好撚危險

我諗上一代好多都接受現實，馬死落地行，無咗再捱過
後生嘅好多都讀過書，有自己思想，有自己想法，網絡又多心靈雞湯，但有時自己諗到入掘頭路走唔返出黎就情緒有事

我唔係醫生無辦法回答你點樣治療所有有呢個病嘅人。我自己覺得呢個病除咗靠食藥鎮靜，最緊要係心態上嘅調整。講真啲藥我食完都唔知有咩用，反而係心態上嘅改變先可以令自己睇到希望。

我嗰陣不斷聽人講人哋幾慘幾慘，話我已經好好，我聽完呢啲說話只會更加想自殺。

要靠自己諗通呢一切，我嘅人生只不過係呢個世界嘅一粒塵，無需要太在意。
其他人窮盡大半生去尋找人生意義，人嘅一生咪又係得幾十年時間，訓個覺都無咗一日，我覺得喺僅餘嘅日子可以開開心心咁過已經係好有意義。
哪怕只係因為食咗粒好食嘅糖而開心。

其實全世界都有閪人 都有閪工 唔好講到得香港係咁

翻左黎望到個銀行户口就冇哂動力

我唔知應該點樣覆你，
但抑鬱症並唔係你諗話我哋懶唔想返工，
我未有呢個病之前一個月打兩三份工，
但發病嘅時候真係想做都做唔到。

到呢一刻，我仲要供樓，
我都知道我要返工，
我每朝早起身就喺度鬧自己點解咁撚廢，
但發病時我真係冇辦法，
同冇動力去做到任何嘢。
我唔係叫佢要逃避問題，
我只係鼓勵佢搵其他方式去做嘢。
我知道自己返唔到工，
所以我做freelance，
叫做仲供到樓，只係唔需要準時起身返工，
不過可能你都仲係覺得我好垃圾啦。

我用盡晒所有方法去過我嘅人生，
我試過好多嘢去令自己睇開啲，
但其實好多嘢唔單純係心理問題。

我唔會怪你有啲咁冷血嘅回應，
因為好多人都唔知乜嘢係抑鬱症，
我建議你去睇吓書，
同埋希望其他有抑鬱症嘅人，唔好俾呢啲人影響到。

唔好覺得自己有幾特別
99%人都係打份工就一世
你只係其中一粒塵

我成日見做物流啲人都好燥，又俾食環趕，又俾人抄牌.
其實返工點都有壓力. 樓主你想想，一個老闆開間公司，唔好話一定要賺. 蝕本時都有好多野要做去停止惡化落去. 用KPI去衡量, 基本上係公平既（如果老闆對事唔對人）.

換作你係老闆，其實壓力仲大，出唔到糧俾人告.
所以你自己衡量下你要搵幾多錢先生活到，其次係你想要有幾多過乜生活. 如果想有錢但又唔做野，呢啲就唔好諗喇. 你打得篇野，我都信你唔係想齋逗份糧唔做既，因為大想頭既人，只會覺得係其他人欠佢，社會不公等等

我都係依家返4日 壓力冇咁大

返到有焦慮症
決定食藥控制
知道逃避唔係辦法
最重點係要錢

咁你又話人懶？ 你識樓主，又識其他情緒病既人？
建議你都Check下，買個安心