『愛情/追女/無甜』《如果我冇讀到大學》

巴打唔好講D咁嘅野

「Sorry呀，我今朝太眼瞓先比唔到反應你炸，我記得你㗎木哥」
「好小事啫，唔駛特登say sorry喎」
「你唔好咁唔開心喇，我下次一定會比到反應你㗎」

唔開心？屌，肯定係頭先Frank同Hayley亂噏搞到佢以為我為咗呢件事唔開心喇。

「我冇唔開心喎，你咪聽Frank亂up喇」

「點都好喇，我以後見到木哥一定會主動say hi嘅！」
「睇下點，我驚我下次係成村人面前同你say hi你又好似今朝咁，我真係柒到想搵窿捐」
「一定唔會！我一定會應你！Don’t be sad chu！」

Hayley嘅一個突擊令我個人由就嚟瞓着嘅邊緣醒返，但又冇乜野做。眼見身旁嘅Frank又忙緊佢嘅野，於是我就繼續打字。

「你冇野做㗎？覆得我咁快嘅？」
「車！你味又係！」

「你條team其實做咩㗎？」我問。
「高級打雜，幫手搞下event點算下d物資，好operational嘅嘢」
「咁真係打雜嚟㗎喎」
「咁呀木哥又有咩大project跟緊咁呢？」
「冇，sorry Hayley姐，我連雜都冇得打」

我深知其實我都冇乜資格話人，我懷疑公司嘅保安都會比我忙。

我地就係咁一路傾到收工，我返工嘅生活除咗同Frank吹水同恰眼瞓之外，又多咗一樣「細藝」。

自從個次同咗呀Ray Vicky一齊食飯，之後就算Frank帶飯，佢哋都會搵埋我一齊食lunch。

「Vicky在打雜圍爐區傳送你一個新信息」

「我同呀Ray今日team lunch呀，同唔到你地食了」

Frank今日又帶飯，咁我味要去返自己一個食嘅日子？

我將螢幕上群組嘅chatroom，㩒返去本身同Hayley傾緊計嘅版面。

「佢地今日唔同我地食喎」
「我哋比人遺棄咗了」Hayley回覆。

我諗一諗，深呼吸一下。

「咁一係我地自己去食？」

Enter。

「好呀！」Hayley覆。

「Hayley姐想食乜？」
「木哥帶我食乜咪食乜囉」

12:30

「行得！」Hayley同我講。
「樓下等喇」
我冚埋個電腦，準備起身就走。

「冇人同你食，你買外賣返嚟同我食囉。」Frank見我準備岀去，用恥笑嘅語氣同我講。

「我約咗Hayley呀，你自己係到毒撚食喇。」講完之後我就好風騷咁轉身離開。

落到樓下，Hayley已經企咗係到等緊我。佢依舊係一身文青嘅風格，身穿藍白格仔長裙。

「喂。」我行埋去嗌佢。

我見佢聚精會神咁睇緊電話，就哄埋去睇下佢睇緊D乜。

「Paul lafayet 嘅cream brûlée 做半價呀，好想食呀。」Hayley對眼發哂光咁講。

「咁食完飯去買囉。」
「但佢下兩個禮拜先開始。」佢扁住嘴抬返起頭望住我講。
「咁我都幫你唔到㗎，行喇。」我對Hayley yap一yap手講。
「你到時提我呀，我驚我唔記得呀。」佢跟上我嘅步伐，係我身旁道。

「你要食你自然會記得㗎喇，你唔記得嘅話啫係你都唔係好想食啫。」
「車，唔提味算囉。」佢又扁返嘴。
「得喇得喇，幾號開始呀？」我望住佢好恨食嘅樣，最後都係屈服咗。

「3月12號！」

自此之後，我就冇再一個人食過飯了。只要Vicky Ray佢哋唔得閒，都會變哂做我同Hayley單獨食lunch嘅時間。

食完飯之後，因為今日係happy Friday，我已經進入咗holiday mood，諗住同大家同Hayley傾下計咁就可以hea到收工。

「Ray在打雜圍爐區傳送你一個新信息」

「我地今晚去Jayden屋企同佢housewarming呀，你地去唔去？」

Jayden係佢哋team一個manager級嘅同事，有時lunch佢哋都會約埋佢岀嚟，我叫做同佢食過幾次飯。

「下，佢mind唔mind㗎？佢淨係邀請你哋炸嗎？」我覆。
「係囉，佢會唔會唔係咁想有唔太熟嘅人衝上佢屋企㗎？」睇嚟Hayley都同我擔心同一樣野。

「唔會喇，佢好玩得㗎，佢叫我問你地嘅」
「咁Hayley去唔去？」我再問。
「You go I go」
「Go lor then」

18:07

「Vicky在打雜圍爐區傳送你一個新信息」

「我地走得喇」
「呀木 go？」Hayley問。
「ok 樓下等」

於是我地一行6人就去咗Jayden位於筲箕灣嘅屋企。途中去咗附近嘅商場買咗好多野，包括零食同正餐，仲有好多酒添。

雖然離咗題，但我都想有班好同事一齊聚下玩下

呢D真係可遇不可求 岀到嚟做野D同事唔乞人憎煩小陣已經要還神

新讀者Lmlm

歡迎加入！多謝巴打支持

係Jayden屋企食完野之後，Ray就開始從超級市場嘅膠袋入邊逐枝逐枝酒拎岀嚟。我見到全部都係d我未見過亦都未飲過嘅酒，竹葉青？虎鞭酒仲有蛇膽酒？

屌呀，呢班友係咪痴撚線㗎？

「好野嚟㗎呢D。」企係Ray隔離幫手嘅Frank，笑淫淫咁對住我講，好似知道我個心諗緊乜咁。

「嗱，而家教你哋玩個game，每人輪流擲兩粒骰，擲到7就可以斟酒，8就飲一半，9就飲哂，其他就pass比下家，ok？」Ray拎哂d酒岀嚟之後同我哋講。

「一開始個杯要有少少酒先嘅。」Ray邊斟啤酒邊講。
「嗱，益你，你先喇。」Frank將枱上嘅骰遞俾我。

而家杯入邊都係得少少啤酒啫，中都冇野嘅，我就好輕鬆咁擲。

「4」

到Vicky，佢擲到7，佢攞起啱啱Frank個枝啤酒加咗少少，之後Jayden好安全咁pass咗比Frank。

而家先係惡夢嘅開始，佢個樣好明顯係好想中7，好彩係10嚟。

「屌！」佢即刻好唔忿氣咁講。

正當我鬆一口氣嘅時候，「7」又岀現了。

「Yes！」Frank即刻同佢隔離嘅Ray high five。

呀Ray擰開枝竹葉青，一陣跌打酒咁嘅味充斥住成間屋，好似去咗睇中醫咁。我地睇住Ray用竹葉青溝個杯啤酒，個杯野慢慢變色，變埋味。

最後輪到Hayley。

「8」

「WooHo！」大家都好激動。

Frank即刻攞個杯倒咗半杯竹葉青溝啤酒比Hayley。佢聞一聞，飲咗一啖，成塊面扭曲哂，好彩啱啱先第一round，都唔算要飲好多嘅。

又輪到我，係「7」。

我見Frank同Ray兩個咁high，於是都加咗d虎鞭酒，希望佢地會擲到「9」，等佢哋食返自己種下嘅惡果。

呢個時候杯野已經變到一杯墨汁咁，好難聞嘅墨汁。Vicky同Jayden又一次安全咁pass到去Frank手上。

今次，Frank終於如願以償。

「7」

「咁唔爭在喇。」佢邊扭開枝蛇膽酒邊講。

我已經分唔到佢地咩味打咩味，仲知就係臭，好濃嘅中藥味，成間屋好似去咗睇跌打咁嘅味。

Frank條癲佬仲要特登倒埋粒蛇膽落去杯野到，Vicky同Hayley睇到個樣都即刻變哂。講真，我都冇食過蛇膽，我都覺得有d核凸，有d淆底。

「11」

正當我以為可以好安全咁pass咗另一個癲佬呀Ray嘅時候，佢突然擰轉身，係後邊包麥提莎到扔咗一粒落眾人中間個杯野到。

「那，食到事但一粒都放過你喇。」

我真係唔知多謝佢定屌柒佢好，個杯野本身已經溝到亂哂龍，而家仲要多埋粒麥提莎添。

呢個moment我已經祈緊禱希望唔好比我中。

Hayley將頭先輸嘅最後一啖飲埋之後，就拎起d骰仔，原來個天真係會聽我祈禱嘅。

「9」

大家即刻悲喜交集，Ray同Frank就好開心，Vicky都鬆咗口氣慶幸唔係自己，而Hayley仲係一副唔敢相信嘅表情。

「我啱啱先飲完上一杯炸喎。」Hayley好委屈咁講。

佢望住個杯睇落似坑渠水，聞落似跌打酒，飲落似火酒，入邊仲要有兩粒浮下浮下嘅波波嘅野講，當然冇人係會理佢喇。

冇人性嘅Frank直接將成杯野隊到去Hayley嘅面前。

Hayley拎起杯野飲咗一啖，面上已經掛上好似飲唔落第二啖嘅表情。今次仲係成杯滿一滿仲有蛇膽同麥提莎係入邊浪下浪下，我見到都覺得「啃」。

「幫下人喇，你係咪男人嚟㗎。」八公Frank又拖我落水。
「你夠係男人囉。」我回應。
「你有份加料落去㗎。」
「我跟你機炸，你加先㗎喎。」

Hayley聽到呢到，向我遞起一隻手。

「唔駛你幫，我自己飲。」

講完呢句之後，佢就拎起個杯「咕咕咕」咁飲，我見佢呑一啖個樣就扭曲d，飲到一半嘅時候，突然一下反胃，好似想嘔咁。

「嗝！」

「唉，攞嚟喇攞嚟喇。」我見到佢咁嘅樣唔幫又好似好衰咁。

之前中秋節係K房我以為我已經飲咗世上最難飲嘅嘢，原來我錯喇，個杯野就好似跌打酒溝廿四味再煲埋d唔知乜中藥咁，但我攞得個杯，冇理由塞返比Hayley㗎，當強身健體喇。

飲到差唔多底嘅時候，我隱約見到只係得返一粒野係個杯入邊，我就將佢倒埋入口咬咗兩下。

好彩係麥提莎嚟嘅。

「你食咗粒蛇膽呀？」我忍唔住笑咁問Hayley。

「我頭先咕咕下咕得太快一野吞咗呀，所以先反胃作嘔炸。」佢邊攞紙巾比我邊講。

「當補身喇，你潺呀。」我回應。

大家聽到都笑到仆街，而我到最後都唔知蛇膽係乜野味。

走嘅時候，因為得我一個住港島。佢哋全部都要過海就一齊夾的士岀咗旺角先。得返我自己一個返屋企嘅路上，唔知點解有d空虛嘅感覺。

明明跟住可以放兩日假我應該好開心至係㗎，可以瞓到自然醒，但唔駛返工啫係代表我都唔會見到Hayley，亦都唔會同佢傾到計。

唉，深夜兩點幾，我發現自己鬼上身。

我真係好鐘意返工呀！

唉，深夜兩點幾，我發現自己鬼上身。

我真係好鐘意返工呀！

咪咁癲啦聽到返工就驚了

當你鐘意嘅人係公司就唔係咁講

唔返工就冇得見佢冇得同佢傾計 成個weekend都好似冇哂動力咁

所以我個時對星期一可以話係又愛又恨

想佢嚟又唔想佢嚟咁 就嚟精神分裂

I know that feel bro

愛情嘅魔力 返工都可以變樂事

樓主真係好容易就鍾意人

毒撚係咁 小小野就會中個頭埋去

認同！

期待已久嘅星期一終於來臨，我一返到公司就打開電腦。

「Hayley is offline」

Hayley今日咁晏都未返工嘅，佢平時好少遲過我㗎。

我望住眼前嘅電腦mon，一直期待住Hayley個名旁邊嘅圓圈會由灰色轉去綠色。

時間一分一秒咁過去，一直到差唔多食晏嘅時候，我終於醒覺佢今日係唔會返嚟㗎喇。

呢一刻，我終於明白到我同Hayley嘅溝通唔可以再只係留於公司嘅渠道，如果唔係我地永遠都只可以係同事，最多係朋友嘅關係。

於是我打開我哋打雜圍爐區嘅WhatsApp group，搵到Hayley嘅電話，勇敢地向佢send岀第一個WhatsApp。

「今日做咩唔返工？」
「sick leave呀」
「真病定射波先？」
「我就嚟死喇，你話呢？」
「咁你見邊到唔舒服？」
「發燒 喉嚨痛 個鼻塞到痴線」
「咁睇咗醫生未呀？」
「冇呀 就咁隨手係雪櫃攞咗d藥食炸」
「咁飲多d水瞓下喇 再唔得就好去睇醫生喇」
「yes 木哥」

未認識Hayley之前，我都係一個人hea下hea下咁過每一個working day，一直都相安無事。唔知點解今日得返我自己一個，冇人陪我傾計，每一分每一秒都變得好難捱，心入邊好想Hayley快d返嚟。

我開始有d掛住有佢陪我食嘅午餐，開始有d掛住有佢陪我吹水嘅時間，開始有d掛住佢呢一個人。

開始有d鐘意Hayley？

經過孤單嘅一日之後，終於俾我等到Hayley重新上線。Lunch time未夠鐘，我已經落定樓下希望可以快d見到佢嘅真人。

「喂，呀木，咁早落到嚟嘅今日？」呀Ray道。

我掃視啱啱行岀𨋢嘅人群，但都係見唔到Hayley嘅身影。

「係呀，今日冇野做呀嗎。Hayley呢？佢冇返工咩？」我問。

「有呀，但頭先我哋行過佢個位，佢話今日唔食飯喎。唔係Hayley唔係到就唔同我哋食呀嗎？」Vicky道。

「痴線，問下啫。下次你唔係到我都會問㗎 。」
「聽住先喇，呀Ray你幫我證實。」

見唔到我滿心期待嘅Hayley，我難掩面上嘅失落之情。

12:43
3月3日
沒有新的通知

「做咩唔食飯？」
「好攰呀想瞓覺」
「仲係唔舒服？」
「好咗d喇 冇發燒但仲係鼻塞喉嚨痛」
「咁有冇食藥呀？」
「冇喇 個d藥食完會昏迷 返唔到工」
「咁做咩唔take多日sick leave啫？」
「廢時喇 d野都要做㗎 等陣我呀姐以為我係冗員」
「咁你抖下喇」

冇咗Hayley在場嘅lunch time，我已經心不在焉了。滿腦子都只係諗住有d咩我可以做到令佢唔駛咁辛苦。

於是食完飯之後，我就同呀Ray同Vicky道別，去將我頭先係心中擬定好嘅購物清單逐一買到手。

係lunchtime就嚟完結之前，我拎住手中嘅野搭𨋢上到公司嘅36樓，行到去Hayley嘅位置，但發現冇人係位。

一個男人咁樣企係到等又好似有d奇怪，佢側邊個D同事會唔會覺得我係狗公呢？

我將手上嘅物品放係Hayley嘅枱上，拎起一張memo紙同一枝筆。為咗避開旁人嘅側目，我打算留下一張字條就離開。

「Hayley姐:
買咗碗粥俾你，知你應該冇乜胃口嘅但都要食d野㗎嗎，食唔哂就拎返屋企食埋夜晚個餐喇。袋入邊仲有d喉糖同收鼻水藥，呢兩隻我平時都食開㗎，藥力冇咁勁唔會眼瞓，但食完係會舒服d㗎。仲買咗枝薄荷膏棒棒俾你，我唔知個枝野應該叫咩名，總知覺得個鼻唔舒服就隊落個鼻到索下喇，會通鼻塞的。飲多d水早d瞓，聽日就會好返㗎喇。
祝
早日康復」

寫到嚟呢到，我係到諗下款應該寫咩好呢，不如試下索性唔寫，睇下佢估唔估到係我買嘅？

好，一於咁話！

我將冇署名嘅memo紙痴係我拎上嚟嘅膠袋上，然後就離開咗36樓。

返到埋位，又係一個悠閑嘅下午。我唯一嘅工作就係check住電話等待Hayley嘅message。

14:04
3月3日
沒有新的通知

14:29
3月3日
沒有新的通知

14:56
3月3日
沒有新的通知

唔通佢忙緊？

F5 已爛

睇到以上行為，如果阿木係靚仔毒撚，小妹都會有少少心動

多謝巴打

晏少少會岀新文㗎 冷靜D先

唔怪得我成日嚇走D女 樓主係金鐘連登仔樣

15:22
3月3日
沒有新的通知

15:57
3月3日
沒有新的通知

16:21
3月3日
沒有新的通知

仆街，死傻仔，你懶乜撚野型唔寫名呀，而家冇人知道係你買㗎。搞咁多野人哋多謝都冇句，真係正傻系呀。

呀木你不如唔好叫呀木，索性就叫條on9喇。

係我忟緊自己點解要懶型嘅時候，我仲心存一絲嘅希望，諗緊會唔會只係WhatsApp壞咗炸？

我打開WhatsApp，㩒入Hayley嘅對話，發現真係冇新嘅message，開始後悔自己做乜野要懶瀟灑。

如果我而家先話係我買嘅會唔會好柒呢？好似R人講多謝咁，但唔俾佢知我驚我今晚都瞓唔着，返到屋企一撚定會揼爆個春袋。

正當我唔知應該點做嘅時候，我望住電話嘅螢光幕，隨手咁㩒咗落instagram嘅icon，見到Hayley upload咗個新嘅story。

係一張頭先我買個包喉糖嘅相。喉糖上嘅包裝寫住「sugar free」，而caption係「sugar free but little sweet，thanks」。

我知道呢個係上天俾我嘅機會，馬上忍唔住手reply咗。

「邊個買埋喉糖俾你咁好？」
「唔知呀，一返到嚟就有」
「下你唔知邊個買都食？會唔會唔係俾你㗎？」
「佢有張紙寫住Hayley姐㗎喎，呢層應該冇第二個Hayley」

點樣婉轉地令佢知係我買㗎呢？我知錯喇，下次唔會再懶有型㗎喇。

「會唔會係Vicky佢哋呀？」我再追問。

「佢坐係我後面炸喎，駛乜寫紙呀，行埋嚟講味得囉」
「我作為食物鏈嘅底層，呢間公司應該得一個人會叫我Hayley姐」佢補充。

原來佢估到，衰鬼呀。

「你估到喇？」
「叫得我Hayley姐，d字又寫到歪嚟歪秤咁睇怕都冇第二個喇」
「頭先見你唔係位，咪寫張紙囉」
「幾錢？俾返你」
「唔駛喇」
「下次請返我食飯喇」我補充。

呢個moment，我知我計劃成功。

「Vicky在打雜圍爐區傳送你一個新信息」

「今日我哋又team lunch，你哋自己搞掂喇」

11:38
3月11日
WhatsApp: Hayley已傳送你一個新訊息

「木哥，今日lunch俾我請返你好冇？」
「今日我都team lunch呀」
「不如今晚？」我蠱惑地補充。
「今晚都可以嘅」
「咁收工樓下等喇」
「OK！」

終於，經過我嘅精心策劃，加埋上天嘅眷顧，咁啱個日我又真係team lunch，我同Hayley第一次正式嘅約會展開序幕。

「Hi！」
「點呀我哋去邊呀？」Hayley道。
「我有套戲想睇呀，不如我哋行去戲院個邊順便睇下商場有咩食？」我回答。
「好呀，你想睇咩戲呀？」
「行到去你咪知囉。」

去到戲院嘅門口，我哋望住一排排嘅電影海報。

「我想睇呢套呀。」我指住其中一部戲講。
「下？鬼片嚟㗎？」Hayley有d驚訝道。
「係呀，做咩呀？你驚呀？」
「少少喇，我從來都冇睇過鬼片㗎。」

「咁算囉，唔好睇喇。」我道。
「咁又唔好，都嚟到門口囉。」
「總知我瞓唔着教呢就入你數。」Hayley續道。
「下，咁大責任，而家我驚d喎。」
「咁你睇唔睇呀？」
「睇囉，唔會驚㗎，戲嚟炸嗎，假㗎。你諗住呢樣野你就唔會驚㗎喇。」

我揀呢套戲嘅原因當然係因為第一我想睇喇，而第二個原因，我唔知大家有冇聽過吊橋理論。簡單d講，心理學家發現如果一個人處於身心高度緊張的狀態下，會認為身邊嘅人係比較有吸引力。呢種高度緊張嘅狀態可以透過一男一女一齊行吊橋而引發，所以叫吊橋理論。

同樣地，睇鬼片都可以做到同樣效果，而事實亦都證明我係冇揀錯呢套戲。

我哋食完飯之後，入到戲院坐低等開場嘅時候，Hayley就開始展示岀緊張嘅神色。

「點呀？好驚呀？一係唔好睇喇，好似我虐待你咁。」我望住有少少緊張嘅Hayley講。
「得㗎喇，冇事嘅，你唔好坐咁遠就得㗎喇。」

說畢，Hayley就將我哋中間嘅手柄拎起。

「總知我一驚呢我就會捉住你隻手臂㗎喇。」

慢慢地場內嘅燈光漸漸變暗，電影亦都開始了。

現實中有樓主 係女都會覺得warm
利申 毒撚

Sugar free but little sweet
真係識玩

毒撚就係以為D女會覺得warm
現實係D女會走光光

希望唔係玩我