『愛情/追女/無甜』《如果我冇讀到大學》

雖然俾人撚但係都汲取到經驗 當下次發生類似嘅事就會識點做
相反做咩都自己一個嘅話會令到成個u life好枯燥乏味 最尾都應該只會覺得遺憾
所以有啲歷練都應該好啲嘅

希望樓主第五個遇到嘅係好女仔

好老套咁講句 每次嘅經歷都係會學到D野嘅

但而家大多數人係揀毒撚生活

大家拭目以待第五位係happy end定sad end！

加速

聽日會岀文 多謝巴打

呢樣真係好認同

人唔仆過街真係唔識大

爭D仆死我喇

只要未死，就總會成功

「你好呀，我係呀木呀。」

「Hello，我係Kristy，我帶你行一次我哋department先喇。」
「房入邊係我地嘅department head Jim哥，個邊就係我地team head呀Joe，之後呢到就係Herman，Sam，文哥...」
「你個位就係後邊，我帶你過去呀。」
「那，呢位你一定要識喇，你intern嘅朋友仔，佢係到做咗半年㗎喇，不過佢份contract就一年嘅，所以都仲有半年時間可以陪你。」

「Hello，我係呀木。」我伸岀右手同眼前嘅呢個人握手。

係呢個時候，我仲未知我已經遇到改變咗我成個U-life，甚至係成個人生嘅人。

「Hi，我叫Frank呀。」

係呢個office入邊，我地幾個唔同team嘅intern會坐埋一齊，而Frank更加係坐我隔離，慢慢我地就變成咗好朋友。office大大小小嘅事我都會問佢，例如printer點用，寄信要點寄甚至office入邊嘅人際關係我都會請教佢。平時好悶冇野做嘅時候，都係靠同佢傾計吹水hea時間。

「你下星期三lunch得唔得閒呀？」Frank問我。
「我日日都自己一個人食，你話呢？」

Frank平時多數都會帶飯，但我哋間唔時都會約一日一齊食下lunch嘅。

「個日我介紹其他樓層嘅intern俾你識呀。」Frank道。
「點解唔同樓嘅人你都會識到嘅？」
「下星期三你咪知囉。」

於是到咗星期三當日，我同Frank就係公司大堂一齊等佢嘅朋友。慢慢就見到有一男兩女向住我哋嘅方向走嚟。我見到Frank同佢哋點一點頭，就知道佢哋將會係我今餐飯嘅飯腳。

「佢地係呀Ray，Vicky，同Hayley。佢地三個都係36樓嘅intern嚟㗎。」Frank向我介紹佢哋幾位。

「Hello，我係呀木。」

原來呀Ray係Frank嘅大學同學，之後再經佢認識佢嘅同事。係我入咗嚟之後，Frank就帶埋我去加入佢哋呢個intern群組。

Vicky係一個束黑色長髮，面形圓圓，眼仔碌碌，打扮得幾事業型嘅女仔，有少少女強人嘅感覺。Hayley就走一個截然不同嘅風格，佢剪齊陰，身型高佻，身穿中長裙，好鐘意笑，一眼就睇得出係一個行文青路線嘅女仔。要形容嘅話佢係似Angela Yuen打扮嘅Anjaylia。

我跟住佢地去到一間越南餐廳。坐底嗌完野食之後，呀Ray就開始撩我傾計。

「你入咗嚟幾耐呀？」
「上個月中先返工炸，一個月倒喇。你地呢？全部都返咗半年喇？」
「我係囉，Vicky都係，Hayley就早你一個禮拜啫。」Ray答。
「哦~咁你地都係同一條team㗎？」我再問。
「我同呀Ray係，Hayley係隔離team㗎。」Vicky答。

成餐飯都只係得Frank，Vicky同Ray佢哋三個雞啄唔斷咁好多野傾。因為我對於佢地口中嘅人名，department嘅簡稱等等都係一頭霧水，都唔知佢哋講緊邊個所以我完全搭唔到嗲。

我相信坐係我對面嘅Hayley都係，因為佢同我一樣都係毒撚咁尷尷尬尬自己靜靜地咁食野。

食完野之後，係我地返公司嘅路上，佢哋三個都冇停過嘴，而且五個人一排咁一齊行亦都太「牙炸」，塞住成條路。

慢慢，雞啄唔斷嘅佢哋三個就墮後咗，得返我同Hayley兩個冇嘢講嘅人係前面。

原本五個人一齊，我哋兩個唔講野，其實冇人會發覺，但當得返我地嘅時候，異常嘅寧靜就會變得尷尬。於是，我就求其搵d野講下，當係玩ocamp識新人個陣咁。

「Hayley呀，你讀咩㗎？」
「我讀hotel man㗎，你呢？」
「我讀BBA㗎，你讀hotel man做咩唔去酒店實習會走咗嚟呢到嘅？」
「我讀讀下先發覺自己唔想做酒店，所以就嚟咗呢度做住先囉。」
「咁你搵到自己想做咩未呀？」
「其實我想讀nursing，jupas個陣已經想揀㗎喇，而家唯有睇下有冇得轉系喇。不過以我個gpa應該都忟忟地。」Hayley腼腆地笑一笑。

呢次係我同Hayley第一次嘅單獨對話。

多謝巴打你咁正面

最後一個女主角岀場喇

希望大家繼續支持 新加入嘅巴絲可以俾個正評留個名

多謝大家！

支持支持

都無計，唔正面仲可以點？

希望Hayley係乖女

見到個heading就知個故好sad
但係點解我都會㩒咗入嚟

多謝巴打支持

希望係

就嚟對女人失去信心 要轉gay

一齊入嚟學下野 睇下d女人有幾蠱惑都好呀

Anyway多謝巴打你支持

我哋公司有一個類似MSN嘅野只係俾內部嘅同事返工時間傾野用。Frank佢地成班本身有個group，得閒無事就會係個到吹水，自從個日之後，個group就多咗我同Hayley嘅加入。

「又坐一日，收工。你仲未走得咩？」我望住右邊仲忙緊嘅Frank講。
「你話呢，師傅？」佢指住身前嘅電腦mon答。
「咁你慢慢喇，走先，bye!」

正當我準備轉身離開，Kristy就突然岀現係我嘅後邊。

「呀木，我聽日放假呀，你可唔可以幫我攞呢份野去比36樓嘅Hayley呀？佢而家應該收咗工喇。」

「咦，佢地好熟㗎，交比呀木去呀。」係我隔離嘅Frank偷聽到之後搭嗲。

「咁就好喇，我仲驚你唔識搵Hayley添。」
「下...」

就係咁，我一句聲都冇岀過就多咗份送件嘅job，多得條八公Frank。

第二朝，我就拎住Kristy比我份野去等𨋢，唔知點解有d緊張嘅感覺，我係到諗我應該同Hayley講咩呢？

我應該當完全未見過佢呀，定係扮熟呢？如果佢唔認得我，我味好柒？

我上到36樓之後，經過咗Vicky同Ray嘅位，亦都同佢哋打咗聲招呼，就見到係後兩行嘅Hayley好似好認真咁做緊野。

當我行到埋去嘅時候，原來佢只係望住個mon係到發緊吽哣，對眼就嚟dup落嚟咁滯。

「Hi！」

Hayley將佢嘅視線從電腦mon轉移到我身上，我更加睇得清楚佢恰緊眼瞓嘅樣。

「你知唔知我係邊個呀？」我接着問。

佢望住我，眨一眨眼，又再眨一眨眼，冇講到任何野。過咗幾秒令人尷尬嘅寧靜之後，我就知道自己柒咗喇。

當下，我即刻想捐返入老母個閪到。

「冇野喇，24樓marketing嘅Kristy叫我交比你㗎。」

我將份文件放係Hayley嘅枱面，就急急腳咁走咗。我唔知佢側邊嘅同事聽唔聽到我哋嘅對話，係個個moment我淨係想快d離開現場。

唉！呀木呀木，點解你咁有自信㗎？扮唔識味幾好囉，而家真係柒到震呀大佬。

「點呀？同Hayley傾咗d乜呀？」我返到埋位，呀Frank就隊個頭埋嚟問。
「傾鬼傾馬咩？佢都唔認得我。」
「唔好唔開心喇，我地約多幾次佢就會認得㗎喇。」
「痴線！」我聳一聳膊頭，fing開Frank嘅手。

Frank好快就轉反去佢前面嘅電腦到。聽到佢「tictictactac」嘅打字聲，初初仲以為佢係到忙緊d乜。於是我裝一裝佢個mon，發現原來佢係到同Hayley傾緊計。不過對話嘅內容，我就唔係睇得幾清楚喇。

食完飯之後嘅office hour係最撚易恰着，我當然唔例外喇。我望住電腦右下角嘅時間，15:42。

仆街，仲有成兩個幾鐘先收得工。

正當我係到對住個mon一路中眼瞓一路搣自己大脾等自己唔好瞓着嘅時候，眼前嘅畫面突然眨咗一下，令我醒咗一醒。好自然地我以為係有同事搵我做野。

「Hayley傳送你一個新信息」

我捽一捽眼，以為自己睇錯，佢今朝認都唔認得我，點解會冇lala搵我嘅？

成個大學有一半時間係俾人撚 個個都話我多女但係到頭來得個吉嗰種痛唔係個個都明

揀多次都係想俾人撚

至少而家有人問我大學做過乜 我仲可以寫到呢個故岀嚟

好精彩

要變成巨屌哥的形狀了

點解我feel到最尾都係sad ending