『愛情/追女/無甜』《如果我冇讀到大學》

好sweet

當你真係愛一個人 你就會將佢嘅野擺係第一位 比自己嘅野更加重視

唔得呀 我要乖乖地等Hayley㗎

其實係咪真係同呀媽去
定同囝去晚晚啪啪啪

木哥型到癲

好sweet

出多篇出多篇🤪🤪🤪

新讀者LM

G持樓豬

咁呢個應該又冇呃我嘅

佢有send過D相係佢同佢呀媽一齊俾我睇嘅

同埋同仔去唔駛咩都佢負責呀話

木哥傻到癲

歡迎加入 多謝支持

21:26
6月1日
WhatsApp: Hayley已傳送你一個新訊息

「間野都幾好食 thank you木哥救我一命！」
「日本屎都好食D㗎喇」

17:43
6月2日
WhatsApp: Hayley已傳送你一個新訊息

「你地址係咩？」
「做咩呀？想上嚟追數？」
「postcard呀 要唔要呀？」
「要！梗係要喇」

一個禮拜好快就過咗，Hayley亦都好快返到嚟香港。雖然呢7日裏邊我哋冇親身見過面，但佢每日嘅生活點滴都有同我分享，好似我真係有份陪佢去旅行咁，感覺上我哋嘅感情好似仲昇華咗一級。

「喂！」Hayley係我身後拍一拍我膊頭道。
「咦，你做咩落咗嚟呀？」我望住眼前第一日返嚟嘅Hayley問。
「派手信呀，要唔要呀？」Hayley向我遞上一盒日本零食。
「咦呢個好食喎，識野喎。」我回應。

「梗係好食先買俾你喇，買垃圾唔驚俾你鬧咩。」
「嘩，我點敢鬧你呀，你送嘅我就收㗎喇。」

「係喎，你張postcard呢？」我續道。
「等下喇，日本寄嚟唔駛時間咩。」
「會唔會寫錯我地址㗎你，唔好等我空歡喜一場呀。」

「咁佢寄失咗嘅話我冇計㗎喇。」Hayley回應。
「佢寄失咗你飛多次日本寄返俾我呀。」
「得喇，你今日返屋企有㗎喇。」Hayley講完，就向我揮一揮手離開。

「咦，呢個就係你傳說中嘅女朋友呀？」嚟頂替Frank嘅intern係Hayley走咗之後問。
「痴線，咪亂講喇，普通朋友嚟㗎炸。」
「睇你同人講野個樣笑得姣到，仲普通朋友？」
「做野喇你，咁多嗲。」我回應。

個日我收工返到屋企，就俾屋企人用奇異嘅眼光望住。

「返嚟喇？」老母道。
「邊個寫情信俾你呀？」老豆一副奸樣微笑住咁問。

我望一望鞋櫃上佢攞返嚟嘅信，見到入邊有一張明信片。

「知唔知咩叫私隱呀？做乜偷睇我D野呀。」
「你D postcard又冇信封，唔睇下點知係俾邊個㗎啫。」

我馬上拎起信堆中嘅postcard，然後衝咗入房閂埋門。

望住明信片上嘅東京鐵塔，我幻想住有一日我可以以Hayley男朋友嘅身份，帶住佢真真正正咁去一次旅行。沉溺咗係幻想入邊幾秒之後，我擰向postcard嘅背面。

給木哥：

Hello，我嚟到日本喇。趁住媽媽瞓緊覺，偷偷地寫呢張postcard俾你。

呢個trip由plan行程開始，你已經不斷咁幫我，好多謝你成個旅程途中一路都做我嘅樹窿聽我呻幫我解決問題同搵路。雖然我哋分隔好遠，但感覺就好似你真係喺我身邊陪住我一齊去咁，成件事好神奇。希望有一日我哋真係可以一齊咁去一次旅行喇，你負責帶，我負責跟住你！

雖然個時我吽下吽下俾唔到反應你，但到而家回想返起你當日行去我個位問我知唔知你係邊個嘅畫面，唔知點解成個感覺好青澀，仲有小小心跳嘅感覺添。木哥個下傻得嚟又有D型仔，搞到我心肝仔卜卜跳。

我好快返嚟陪你食飯吹水㗎喇，唔好太掛住我呀。仲有唔夠一個月嘅時間，最後無論我嘅決定係點，我哋嘅結局係點，識到你係我返呢次intern最大嘅得著，多謝你令我呢個intern增添咗唔少色彩。

最後我都係覺得我哋慢慢咁認識，慢慢咁成為朋友，慢慢咁嚟到而家呢個地步，回想返成個過程都覺得好神奇，真係好多謝好多謝你。

慢慢喜歡你，慢慢的親密，慢慢聊自己，慢慢和你走在一起，慢慢我想配合你，慢慢把我給你。慢慢喜歡你，慢慢的回憶，慢慢的陪你慢慢的老去，因為慢慢是個最好的原因。

有少少掛住呀木的Hayley上

咁是咪有機了？

大家點睇 希望係

啊木

咁快啲出多篇開估啦

hayley告白告得咁隱晦

巴打乖 應承大家聽朝會岀！

咁樣岀落去我個故兩日就會岀哂

D女人係要玩到咁難捉摸先安樂嘅

咪臭系
好似男人咁簡單唔好咩？

慢慢喜歡你，慢慢的親密，慢慢聊自己，慢慢和你走在一起，慢慢我想配合你，慢慢把我給你。慢慢喜歡你，慢慢的回憶，慢慢的陪你慢慢的老去，因為慢慢是個最好的原因。

[size=6]俾我呀

唔好搞事呀巴打

我等呢句說話等咗幾個月㗎喇

goal完都要check VAR
再等球證示意

未去返中圈開波都唔敢yeah住

未同條女一齊都唔敢開心住