『愛情/追女/無甜』《如果我冇讀到大學》

阿木見到Hayley擘大眼有冇嚇到瀨

仆街
偷偷地做嘢果然會俾人發現

本來都想say tes嫁啦，見條友咁無恥強吻自己，即刻bye啦

當你鐘意嘅人就係你隔離 好難忍㗎

即場瀨咗喇

突然之間變咗變態佬

唔好呀 又係連登仔話表白呢D野係小朋友先做嘅

真男人應該一野嘴落去呀嗎

仆街喇，呀木哥，你做緊D乜撚野呀？你做咗咁多野扮哂正人君子，要Hayley留下好感，而家一鋪清袋喇。而家仲衰過食檸檬，唔單止朋友都冇得做，分分鐘俾人當變態佬添呀。

人哋都話會俾個答覆你喇，點解你一陣都忍唔到呀，你一時嘅衝動就搞彎哂所有野喇！

Hayley從我嘅膊頭上坐起身，雙眼睜大咁望實我，我亦都馬上將個人坐直，拉返開我哋之間嘅距離。

「Sorry呀…我…我一時之間…」

我唔知點解釋好，唔通同人講我獸性大發忍唔住嘴咗落去咩。

「你唔可以咁㗎，我哋都未正式一齊。」
「係嘅係嘅。」我連忙點幾下頭道歉。

Hayley講完呢句，又重新捱返落我個膊頭到繼續瞓覺。

冇事？咁都冇事？Thanks god！雖然唔能夠話Hayley係接受咗我嘅吻，但都唔算有太大嘅抗拒呀。如果佢連我錫佢都唔太介意，咁我嘅機會係咪越嚟越大呢？

呀木，你嚟緊真係要生生性性做人，唔好再行差踏錯喇。乖乖地等人哋應承做你女朋友先喇，再亂嚟真係耶穌都留你唔住呀。

12:37
5月28日
沒有新的通知

係一個普通嘅工作天，我同Hayley如常咁相約一齊食lunch，唯一唔尋常嘅就係聽日Hayley就會起程去日本。雖然一個禮拜唔多，但對於呢個階段嘅我哋，見少一日我都覺得好痛苦。

「係喎，你聽日就飛喇喎，執好哂野未呀？」我問。

「未呀，等陣收工返去仲要執呀，唉！」
「做咩呀，你唔會死㗎，去玩開心D喇。」
「好驚我媽咪會唔滿意D行程又或者我唔識路帶佢行錯路呀。我未試過一個人揹哂成個trip上身㗎。」

「總之你記住你Google map咗個地點，去到個月台睇清楚係個架車先好上。日本唔同香港呀，人哋一個月台有好多條線一齊共用㗎。睇啱方向仲要睇清楚，因為佢哋有分普通，急，特急個D。就算同一條線同一個方向嘅車都有D特快嘅班次會飛站㗎。你睇清楚Google map叫你搭邊架先好上，唔會死嘅。」
「Google map會寫埋你架車幾點埋站，日本D車多數都好準時嘅，你唔好見車嚟就亂上就得㗎喇。」我續道。

「嗯，知道。」Hayley仍然係一副好擔心嘅樣回應。

「你有咩搵我喇，我會即刻覆你㗎喇，唔駛驚，實返到嚟香港㗎。」我搭一搭Hayley膊頭安慰佢道。

「唉，如果可以帶埋你去就好喇，我淨係負責跟住你行。」
「痴線，你同你呀媽去旅行帶埋我去做乜野呀？」
「我知，啫係咁講啫。」

「得喇，唔好擔心喇，有咩搵我喇。」當我哋食完lunch行到返去公司樓下準備分開嘅時候我講。

由於我哋要去唔同樓層要搭唔同嘅𨋢，所以我就準備同Hayley道別，要同佢一個禮拜後再見，然後轉身離開。

「呀木呀。」Hayley輕輕咁呼喚我。
「嗯？」

被Hayley呼叫嘅我馬上擰返轉頭面向佢，發現佢用一個好凝重嘅眼神望住我。

「做咩呀？去玩係求開心㗎嗎，你咁擔心做咩啫？」我以為佢仲係因為聽日嘅旅行而擔心所以講。

「唔係呀，我有D野想同你講。」

聽到呢一句，我內心突然變得異常嘅緊張。

邊有香港人五點幾就放得工㗎

不過有人追文啫係有人睇 好事嚟嘅！

我咁孝順唔會俾大家打搞伯母㗎

樓主不如出多一篇！？

嗰頭講完 呢頭就俾人屌老母

岀多少少喇 岀埋Hayley同我講咗D乜

岀太多聽日冇文岀 聽日又俾人屌老母㗎喇

「做咩呀？」我回應。

「我應承你我會係我last day之前俾個答覆你，好冇？」

「下？咁突然嘅？你唔係話要做一年朋友㗎咩？」我對Hayley呢番說話感到有D驚訝。

「我唔想嘥你嘅時間呀。」

「我都唔急嘅，好似而家咁都幾好呀，等你真心覺得鐘意咗我囉，先再答我喇。」

雖然內心嘅我係好焦急，但我仍然想Hayley係真心鐘意我先同我一齊，唔想佢因為心急而做錯決定，唔想結局好似同佢個ex一樣。

「仲有成個月呀嗎，我應承你呢一個月，我會決定到㗎喇，你信我，好冇？」
「好喇好喇，你到時決定唔到或者有其他諗法再同我講喇，我真係唔急㗎。」

就係咁，我原本以為會係長期嘅作戰，突然之間縮短到變成得返一個月嘅期限。或者咁都唔係壞事嚟嘅，可能Hayley真係開始對我有感覺呢？如果冇，都可以令我早D死心呀嗎。

只要Hayley講，我就會信，所以佢話佢可以決定到，我知道佢會做一個正確嘅決定㗎。

好sweet
木哥加油呀

慘囉慘囉
個勢吾多掂
我們的呀木啊

呀木要加油呀！

到底呀木今年最後岀唔岀到pool 就睇最後嘅呢一個月喇！

多謝巴打

我寫文都係想有人睇得開心 所以盡我能力滿足大家喇

原來樓主3年前都打過呢篇故？

冇3年前 上年啫 咁都俾你發現到

嗰時打得好差 又講咗好多唔關事嘅野 所以冇乜人睇就冇打到落去 不過今次一定會完到唔會爛尾嘅放心！

09:00
5月29日
沒有新的通知

今日開始就係冇咗Hayley係身邊嘅第一日，嚟緊嘅呢一個禮拜我要習慣做任何事都係得返自己一個。冇人陪我傾計hea時間，冇人陪我食lunch，冇人陪我行街睇戲。

12:18
5月29日
WhatsApp: Hayley已傳送你三個新訊息

「Hi！」
「arrived Japan」
「而家搵路去酒店 希望唔好蕩失路 hehe」

「睇清楚先好上車呀」我回覆。

雖然我哋冇得親身見面，但反而好似咁樣我哋嘅交流仲緊密咗。因為Hayley會同我分享佢每日嘅行程，例如去咗邊，食咗咩，買咗D咩等等。

呢幾日，雖然冇得見，但我就好似一個男仔等個女朋友陪屋企人去旅行咁等佢，等佢搵我，等佢同我share佢做咗D乜，等佢返嚟。

22:41
5月29日
WhatsApp: Hayley已傳送你一個新訊息

「今日好攰呀，行咗超多街！」

13:21
5月30日
WhatsApp: Hayley已傳送你一個新訊息

「買呢個俾打雜嘅朋友做手信好冇？」
「咁我呢？」
「睇下見唔見到野啱你喇」
「痴線 我喎？唔啱都要買喇」

20:03
5月30日
WhatsApp: Hayley已傳送你一個新訊息

「大癲 呢個刺身超好食！」
「屌你 我係香港食緊垃圾 你send D咁嘅野嚟」
「返嚟陪你食好西喇 唔好嬲」

17:52
5月30日
WhatsApp: Hayley已傳送你一個新訊息

「買藍色定啡色好？」
「藍色好似襯你D」
「已經買咗啡色 hehe」
「咁你又問？==」
「初初我都想揀藍色 但試咗上身好似都係啡色靚D」

15:26
5月31日
WhatsApp: Hayley已傳送你一個新訊息

「今晚我搵咗兩間餐廳，食天婦羅定燒肉好？」
「天婦羅係我send俾你個間？」
「Yes！」
「咁天婦羅喇，個間野幾好食㗎，值得一試」
「好！木哥推介實去試！」

11:28
6月1日
WhatsApp: Hayley已傳送你一個新訊息

「今日去Disney 開心仔！」

19:36
6月1日
WhatsApp: Hayley已傳送你一個新訊息

「攰到傻又餓到傻 而家岀返市區食飯」

20:53
6月1日
WhatsApp: Hayley已傳送你三個新訊息

「死喇木哥」
「我原本搵好嗰間餐廳冇哂位」
「我呀媽就嚟發脾氣喇 點算好？」

「你而家係邊呀？」我回覆。
「東京…」
「你share你個live location俾我喇」
「Ok」

「而家FaceTime你得唔得？」我問。
「ok」

嘟嘟嘟嘟嘟嘟嘟…嘟嘟嘟嘟嘟嘟嘟…

「喂」
「做咩呀？」
「你呀媽好忟呀？」我見Hayley帶咗headphone於是問。

「又攰又餓 佢應該就嚟爆發。」
「我搵到間食炸豬扒嘅距離你而家個位置行4分鐘。」我一邊望住Google map嘅搜尋結果一邊講。

「呀唔係喎，你哋琴日先食完天婦羅，唔好又食炸野喇。呢間喇，食拉麵，行3分鐘啫。」我續道。

說畢，我就將間餐廳嘅資料send咗俾Hayley。

「嘩，點睇呀，市中心D路複雜到。」Hayley收到我嘅message之後講。
「你影下你附近有D咩俾我睇喇。」

Hayley揸住電話，將佢附近嘅環境360度咁影咗一次俾我睇。

「見唔見到松屋個到呀？向住個邊行，之後過咗個紅綠燈就轉左喇。」
「收到木哥。」Hayley開始帶住佢媽咪起行。

「之後一直行到去family mart轉右，前邊幾個鋪位就係㗎喇。」

我將Google map上間餐廳門面嘅相send俾Hayley。

「間野咁樣㗎。」

「呀，我見到喇！」
「好喇，快D帶你呀媽入去安撫下佢喇，唔好講喇。」
「知道，多謝木哥救我一命！」

雖然我冇份去，但咁樣幫Hayley去搵餐廳搵路，感覺我就好似係佢身邊陪住佢咁。

點解冇份去都可以咁上心
傻佬木我已經有少少鍾意你