『愛情/追女/無甜』《如果我冇讀到大學》

我嘅腦袋經歷咗一場混戰之後，已經心力交瘁。見到Yannes已經醒咗仲同Derek傾緊計，我只係想一個人坐低冷靜下，但AK見到孤獨嘅我又冇俾到喘息嘅空間我，將我拉返入人群之中繼續玩。或者，用酒精麻醉下自己，等個腦唔好再諗野就係最有效嘅休息方法。

不消十分鐘，Charlotte亦都係門外入返嚟，逐步咁行到嚟我哋呢枱，坐咗係我隔離。不過好彩今次成枱都係人，佢都只係正正常常咁玩下game飲下酒。

Charlotte越玩就飲得越多，明明懲罰係飲一啖佢就成杯成杯咁清。可能佢唔係嚟捉黃腳雞，只係嚟呃酒飲啫。我見佢坐係到個人都開始wing wing地fing 下fing下咁，就係佢耳邊講：「唔好飲喇，飲死你呀。」

Charlotte 好似冇乜反應咁，我都唔知佢係聽到定聽唔到，但下一秒佢已經成個人攤咗係梳化。

「走喇走喇，我哋過隔離枱呀，俾人瞓下喇。」AK見狀，拉住大隊離開。

大家散開咗之後，我見到Yannes自己一個坐係到㩒緊電話，Derek已經唔係佢嘅隔離。於是，我塞個cushion比Charlotte當枕頭，就行咗過去搵Yannes。

「點呀，瞓醒喇？」
佢點一點頭。
「你知唔知你頭先瞓咗係廁所門口呀？」我指住廁所個邊笑笑口咁講。
「我淨係記得我想去廁所，之後下一秒嘅記憶已經返咗嚟呢到喇。」佢邊拍自己個頭邊講。
「你抱我返嚟㗎？」Yannes問。

「唔通你瞓低咗仲識自己行返嚟咩。」我諗返起佢醉咗個樣就忍唔住笑咗出嚟。
「咁點解我瞓醒個陣隔離會係Derek嘅？」
「之後我行開咗一陣，味攞個cushion墊住你個頭囉，返到嚟已經見到你捱住佢瞓喇。」
「妖！叫咗你咪dum低我㗎嗎。」佢皺住眉都幾大力咁打咗我一下。
「喂，大佬，我都有膀胱㗎，你唔係想我係全世界面前賴尿呀。」
Yannes聽到之後，只好一臉無奈。

突然之間我醒起有個問題想問佢好耐。

「點解你個日咁耐都唔岀嚟認你係紅心5嘅？」
「你話房game個日？」
「嗯。」我望住佢點一點頭。
「咁我一開頭唔知邊個係梅花4呀嗎，等陣係Alex佢地咪大鍋？」
「咁之後你又岀嚟？」
「我見係你炸，心諗好彩，第二個我都唔岀㗎喇。」

我得到我心入面想要嘅答案，忍唔住抬頭笑咗岀嚟。

「咁你隻牌點呀？食咗佢呀？」
「唔知呀，求其塞比第二條友或者dum埋一邊囉。」

佢嘅笑容話比我知佢真係諗住咁做。

「拿，老老實實有冇興趣上dram soc嘅莊先？」見到我哋坐埋一邊嘅AK走過嚟問。

佢望住我地，我同Yannes又互相望住大家。

「佢上我上囉。」Yannes指住我講。
「下？你上我味上囉。」我將個波拋返比佢。
「咁fit喇，你兩個一齊上味得囉，當你地應承咗㗎喇。」
「唔好坐係到喇，去個邊認識下你哋未來嘅莊員喇。」AK指向圍住鏢機嘅人群道。

「你得唔得呀？」我問。
「嗯！」Yannes點一點頭示意。

行到埋去被人包圍嘅擲鏢area，Yannes因為身高嘅問題睇唔到前面做緊乜嘅關係，佢就不停咁穿插係人群之中。佢捐下攝下咁就離開咗我嘅視線範圍，就係我搵緊佢嘅時候，身邊突然又岀現返另一個熟悉嘅身影。

新文到！

睇到嚟呢到嘅朋友仔記住俾個正評同留個言支持下

多謝大家！

又有新女

幫樓主推下

希望可以加速

個年嘅桃花係有d旺 所以先想紀錄低

不過係運係劫就睇到尾至知

多謝巴打支持

會盡力每日都岀文俾大家睇！

Pushbtw可唔可以分啲桃花運俾我

巴打追到尾可以話我知想要邊個

「點呀，你無野呀嗎？」
「有野㗎，但你都唔理我囉，咁問嚟做乜啫？」Charlotte一臉不忿咁講。

「下？我邊有唔理你呀，我叫咗你唔好飲咁多㗎喎。」
「你淨係理Yannes炸嗎。」佢睥住我，然後向我做咗個鬼臉。

身旁嘅幾個人突然加入我哋嘅對話，雖然我唔識佢哋，但有幾個都有D熟口面，應該都係個camp嘅OC嚟。

「喂，人地飲醉咗，你唔係唔送人返屋企呀。」「係囉，你幫我地照顧佢喇，我地送唔到佢返去呀。」

我估就係呢一班人嗌咗Charlotte嚟。一時之間群情洶湧令到我都好難拒絕。Charlotte見到咁嘅情況就望住我，雙眼發哂光好似等我應承咁，但我一心疊埋心水係諗住送Yannes返去㗎嗎，如果比Yannes見到我送第個女仔返去唔知佢會點諗呢？我啱啱先的起心肝要認真咁追Yannes，唔可以又比其他野影響到㗎！

我個腦又一次陷入混戰，係一個咁難堪嘅局面，我一時之間諗唔到點拆。

「我轉頭的士返去，佢跟我車㗎。」係附近嘅肥仔見我搞唔掂，就走過嚟幫拖。

肥仔雖然住係杏花邨，但次次玩夜咗嘅話佢都一定會搭的士兜埋我返柴灣。

呢刻嘅肥仔有d型，要知道作為朋友帶你去溝女已經難得，要係適當嘅時候岀現幫你解圍幫你say no就難上加難，我到而家都係好多謝佢。

多謝你，肥仔。

「拿，你唔係咁樣阻住人好事呀。」
「你係咪想俾人燒春袋呀？」

肥仔岀嚟幫我做咗擋箭牌，令佢都難堪埋一份。我知道自己嘅野應該自己處理返嘅，唔應該難為肥仔。

「你抖多陣先喇，可能你一陣間就冇事自己返到去呢。」

天色漸漸光，酒吧亦都到咗休息時間。我哋一群人開始慢慢由門口離開。我哋係門口逼下逼下嘅時候，企係我前面嘅Charlotte突然之間kick一腳，成個人跌咗落地下。

「喂點呀，你得唔得呀？」我上前扶起佢問。

咁我冇理由睇住佢仆係到都唔理㗎。

「唔得㗎，但你又唔送我反去，咁有乜計啫。」佢楚楚可憐咁望住我講。

大佬，你句句有骨都冇用㗎，啫係如果Yannes唔係到嘅話我係肯定會送你返去，但我好清楚自己係想要一個認真嘅女朋友而唔係玩玩下就算呀嗎，唔好再逼我喇，好嗎？

「唉，你起身先喇，睇住呀。」我已經冇氣力同佢拗，只係扶咗佢起身就算。

岀咗𨋢之後，大家係街上道別一番。其實真係玩到通頂嘅人都唔多，好多中途都已經走咗。

「點呀？我送你返去先喇？」我同身邊嘅Yannes講。
「你攰就唔駛送喇，我而家都冇醉囉。」
「你去廁所個陣舊話你ok喇，結果味成個累咗係到。」
「等陣你有咩入我數咪大鍋。」我續道。

Yannes冇講任何野，只係笑笑口咁望住我。

「好喇，byebye。」我向眾人道別。

「你真係唔送我返去呀？」身旁嘅Charlotte突然問。

喂大佬，Yannes就企正係我隔離呀，你想我點答你啫。好彩我突然靈機一觸醒起去緊bar嘅時候，Yannes話有套戲想睇。

「我地買咗飛去睇早場呀，你自己返去喇，小心d呀。」
旁邊嘅Yannes聽到都點一點頭幫我講埋個大話。

「OK，fine。睇得開心D喇。」Charlotte一臉不爽咁講。
「咁你搭咩返去呀？」我追問。
「行，我仲要返學呀，我八半有堂。」Charlotte指住佢學校嘅方向講。
「下？今日星期六喎？仲要返學？」

屌呀，我真係R撚爆個頭，頭先成晚你明明一直叫我送你返屋企㗎喎。

「係呀，要補堂呀嗎。」
「咁好喇，ByeBye。」
「Bye。」

道別之後，Charlotte就向住佢學校嘅方向離開，而Michael 話佢都係行個邊就同咗Charlotte一齊離開。

「死喇，唔知係咪頭先瞓得太多，而家好精神添。」係我哋等緊返粉嶺嘅巴士，Yannes同我講。

「下？通咗成晚頂你仲精神？」

望住Yannes 「yee」起排牙咁笑，我就知佢又有蠱惑喇。

「咁你想點呀？」我繼續問佢。

「不如我地真係去睇個套戲囉。」佢用期待嘅目光望住我。
「睇囉咁。」

雖然呢一刻嘅我都已經好攰，但我仍然想同Yannes有多d嘅時間相處。

「粉嶺九點半有早場喎。」我指住個電話show比佢睇。
「咁去粉嶺睇囉。」
「你落車再講喇，可能你搭搭下車就眼瞓呢。」

果然不出我所料，上咗車之後，Yannes果然係恰著咗。於是我就將佢左搖右擺嘅頭捱落去我個膊頭到等佢瞓得舒服D 。唔知佢係咪咁樣而俾我整醒咗，定一話佢根本一路都未瞓著，佢突然彈起身。

「我習慣咗要攬住D野先瞓得著㗎。」

唔夠喉好想繼續睇

多謝巴打咁捧場

俾少少時間我岀埋今日淨低個part 希望夠你頂住癮先

「哦。」

我哦都未哦完，Yannes就用雙手繞住我隻手然後捱住我嘅膊頭咁瞓，同一般巴士上嘅情侶根本上冇乜分別。個下我真係爽到成個人醒咗一下，覺得自己冇精蟲上腦送Charlotte返去係明智嘅決定。

果然，佢咁樣又真係好快就瞓著咗。我望住佢熟睡嘅面孔，幫佢撥咗一下頭髮，之後就哄咗個頭埋去，捱住一齊瞓咗一程車。

個程車可能係我現時為止最爽嘅一程。

「點呀？我都話咗你一上車就攰㗎喇，係咪返屋企瞓喇？」落咗車之後我問Yannes。

「唔係呀，我好精神呀，你頂唔頂得住呀？」
「我老虎都打死幾隻喇。」

呢d時候就嚟暴斃都要死頂喇。

「咁去買飛囉。」Yannes好雀躍咁講，D精力好似真係用唔盡咁。

最後我地就真係睇埋套戲11點幾先送佢返去，由琴日起身開始，已經差唔多三十個鐘冇瞓過覺。

「嘩！真係好撚攰呀，點解我地仲會睇戲咁癲嘅？」Yannes係佢屋企樓下問。

「呀姐，係你話要睇㗎喎，係咪搞事呀？」

Yannes聽到之後自己忍唔住笑咗出嚟。

「好喇，快D上去沖涼之後即刻瞓喇。」我道。
「下，唔好喇，要你自己一個咁遠返去好慘喎，我等埋你反到先瞓喇。」
「你頂得順唔瞓再講喇，你返到去拿拿聲沖咗涼先喇。」
「好喇，ByeBye」

自從酒吧個一晚之後，我同Yannes係一對嘅形象係Dram soc個班人入邊就更加根深蒂固，而Shirley亦都越嚟越少岀現係dram soc嘅活動之中，就算我或者Yannes，Samuel叫佢一齊上莊一齊玩，佢都好少岀席。

除咗係群體活動入邊搵唔到Shirley嘅蹤影，連我地私底下平時傾計，約食飯都變得越嚟越少。我唔知呢個轉變同我同Yannes之間嘅事有冇關係，可能佢只係覺得大家唔係咁啱玩，而佢可能一直都只係當我係普通朋友。

不過佢間唔中都仲會reply下我story，問下我最近點。有時可能做d野要去到我屋企附近又會同我講，但當我話岀去搵佢嘅時候，佢又會拒絕。慢慢我地就變成咗一對真正嘅普通朋友，達成咗我當初嘅目的。

22:13
9月19日
Instagram: Charcharcharlotte已傳送你兩個新訊息

「叻仔喎睇早場」3 hours ago
「唉而家d人唔覆喇！」1hour ago

「冇呀 我啱啱先起身炸，佢話想睇我味陪佢睇囉」我起身後回覆。

「我都好攰 對眼紅曬」
「不如whatsapp傾呀 我成日收唔到」佢繼續講。

雖然我唔知instagram收唔到嘅話，whatsapp點解會收到，不過呢一刻我已經冇理咁多。因為我突然之間覺得，對比起Yannes，我同多一個女仔傾下計了解下都唔係好過份啫，睇下佢會唔會呷醋都好呀。而且，其實同Charlotte慢慢咁認識我係ok嘅，只係琴晚一切都發展得太快太突然啫。

於是，我嘅contact list係Dora同Shirley慢慢沉底之際，又彈返個Charlotte岀嚟。

Charlotte嘅生活好多姿多彩，佢識好多遍佈不同U嘅人，成日都要參加好多其他Ocamp，人地danso練舞又關佢事，dram so排戲又關佢事，佢亦都會去好多我地U嘅活動，佢係我學校岀現嘅頻率分分鐘仲多過我。

18:43
9月22日
WhatsApp: Charlotte已傳送你一個新訊息

「喂 你係唔係學校呀？」

樓主

係到 啱啱岀咗新文！

好多謝樓上嘅巴絲一路嘅支持

希望可以有多d新人加入 俾個正評一齊留言傾下計 討論下劇情嘅走向

樓主同Yannes好sweet呀

樓豬

push

但要招架住Charlotte嘅重重攻勢唔係咁易

真係不能抗拒！

多謝樓上巴絲

覺得好睇嘅可以分享俾朋友等多d人可以入嚟一齊推post！

聽朝會再岀新文俾大家睇

要睇男主角造化

樓豬都係男人

18:43
9月22日
WhatsApp: Charlotte已傳送你一個新訊息

「喂 你係唔係學校呀？」
「上緊堂，做咩？」
「幾點落堂？」
「7點」
「今晚陪我食飯得唔得呀？」
「都得嘅」
「咁你落堂係你學校嘅liba等喇」
「ok 」

19:08
9月22日
沒有新的通知

「我到咗喇」

就係我啱啱㩒完send嘅一剎，Charlotte就係我身後跳岀嚟，嚇咗我一跳。

「喂！」
「嘩！你匿埋捕我㗎？」
「你同Yannes點呀？」Charlotte一副試探嘅口吻問。
「下？咩點啫，咪又係咁。」
呢條問題我都應該答咗不下三十次。

「你唔係鐘意人咩？」
「都話普通朋友囉。」

係，我係呀，滿意未呀。

「你同Michael呢，你地個日都玩得好開心㗎。」我反問。
「你呷醋呀？咁我同佢玩少d囉。」Charlotte一副得意洋洋嘅樣講。
「痴線，我好奇問下啫。」
「唉，我都知你唔會呷我醋㗎喇。不過我地都係普通朋友嚟㗎炸！」

「你當我傻㗎咩，佢點會真係咁啱行你個邊返屋企呀。」
「係呀，佢係陪我去上堂呀。」
「咁仲普通朋友？」
「咁你夠陪Yannes去睇戲喇，你哋又唔係普通朋友喇喎？」

講到呢到，我駁唔刀。

我嘅直覺話比我知佢兩個都係有d野㗎喇。不過佢又唔係我女朋友，而且我都好清楚我自己嘅target係Yannes，咁佢做咩我都冇理由亦都冇權去干涉呀。

「食完飯之後你可唔可以陪我睇呢套戲呀？」「下？咁突然嘅？」

「哦！Yannes想睇戲你就陪佢睇，我想睇戲你就唔陪我睇喇？大細超呀你！」Charlotte扁起個嘴講。

「咁Michael夠陪你上堂囉，你下次係咪陪我上堂呀？」
「好呀！」
見佢答得咁爽快直接，我知我大佢唔到。

「睇囉，我由頭到尾都冇話唔陪你睇，問下你做咩咁突然啫，唔駛下下jer住哂嘅。」

「咁我搵場喇！」

其實我由始至終都冇唔想陪佢睇嘅，Yannes都成日同唔同嘅男仔岀街喇，咁我同人睇下戲都冇乜問題啫。

食完飯之後，我就同Charlotte去到戲院攞佢已經係網上面買好咗嘅戲飛。

「F10 F11，呢到呀入去喇。」
我向後行一步，讓一手揸住爆谷一手揸住汽水嘅Charlotte慢慢咁行入去座位到。

「擺嚟中間呀，我都想食呀。」坐低之後，我指一指Charlotte放係右手邊嘅爆谷，再指住我哋之間嘅手柄講。

「我成日都覺得呢舊野好阻住。」

話口未完，Charlotte就將我哋之間個個手柄連裝爆谷嘅兜成個撥起咗，令我哋之間唯一嘅隔膜都冇埋。

「咁我點食呀？」我一臉無奈咁問。
「咁味食到囉！」
只見佢擰轉身將一粒爆谷拎上手，然後擺到去我嘅嘴邊。

見到佢呢個舉動，我嬲又唔係，笑又唔係。只係識望一望佢表示我嘅無奈，真係冇佢咁好氣。

Charlotte見到我無奈得嚟但又受佢呢一套，擺岀一副招積嘅模樣仲要伸一伸脷，好似係到講緊「你唔夠我玩㗎喇」。

「咁等陣開場你就成場不停咁餵我？」我問。
「咁擺去你個邊你餵我囉。」

我真係唔知點解我永遠都唔會夠佢講。

「唉，攞嚟喇，我揸住喇。」

我雙手接過Charlotte遞俾我嘅爆谷後，佢就好順勢咁用雙手繞住我隻手，然後捱落我個膊頭到。好似場內嘅其他情侶咁，亦都好似Yannes當日係巴士上咁。

我望一望眼前嘅Charlotte，只見佢都望住我，擘大個口「呀」一聲，示意要我餵佢食爆谷。心裏邊感到奇怪嘅係，我同眼前呢個女仔只係識咗幾日嘅進展已經比我好認真落力追嘅Yannes行得快，我係咪應該要對Yannes再落力d？定係其實Charlotte先至係適合我嘅對象呢？

今朝見到 live左
個故寫得好真
好好睇

多謝巴打支持！