『愛情/追女/無甜』《如果我冇讀到大學》

呢個世界就係冇咁多如果

唔知

廢時佢覺得我仲掛住以前嘅人 你知D女人 創作力量同幻想會嚇你一跳

多謝巴打支持

咁又唔好 正如我之前講 我唔係想數臭或者傷害任何人嘅

唔喇 將自己同另一半扑野嘅事寫上連登好似怪怪地

多謝絲打一路嘅支持

希望有機會再見

幾驚樓主唔記得我
有緣自然會再見

每朝返工冇嘢睇了

一定記得！難得呢個post有真絲

大家都可以專心返工 包括我

半場時間岀埋我篇感受先！

十二萬幾字，仲記得以前中學作文叫我寫八百字我都想死，估唔到今日我可以寫哂成個故岀嚟，全部都係靠你哋呢到每一位嘅支持，每一個正評，留言話覺得好睇俾我嘅動力，令我堅持住完成呢十二萬字。

仲記得初初嘅時候，岀咗好幾日文都係冇乜人又冇乜正評。係我諗緊其實係咪冇人想睇我個故，冇人想知發生咩事，或者我D文筆太差吸引唔到人，一度想放棄嘅時候，就開始有D巴絲嘅岀現，開始有人留意同支持，令我覺得只要仲有一個人睇緊，一個人等緊我岀文，我都會完成埋佢。

我知道我嘅文筆唔好，可能會令大家睇得好辛苦，所以我都盡量每篇文岀之前睇多幾次，希望盡量改得佢通順，等大家睇得舒服D。

到之後慢慢開始多人，多D正皮，我真係好開心。我可以話俾大家聽，我每日一起身就係打開個連登睇下有冇人留言，D正皮有冇多到。我甚至有時半夜扎醒都會拎起個電話check一check，開始去到走火入魔嘅狀態。

寫咗呢個故之後，我終於感受到原來每一個人嘅支持對於一個創作人嚟講係有幾大嘅影響。對於自己好辛苦整岀嚟嘅成品有人認同，嗰份開心並唔係用文字可以形容得到。所以將來大家無論係睇連登故，聽歌或者睇戲，如果覺得好睇嘅話，都不彷真係俾個正評，話俾嗰個人聽仲有人支持佢。如果係睇戲嘅話，可以嘅都盡量入場睇，唔好睇翻版喇。（奶共中資戲例外）

最尾我寫咗原本個故名係叫女人真係好恐怖，呢個係當我有呢個構思要寫呢個故嘅時候，第一個諗到嘅名，但我又唔想一開始就劇透咗，講到最尾就係sad end咁。我想每位巴絲都可以經歷呀木嘅成個心路歷程，係佢sad嘅時候覺得sad，sweet嘅時候覺得sweet，緊張嘅時候覺得緊張。最後都見到大家係呀木同Hayley一齊嗰段時間覺得好閃好想有happy ending，雖然呀木冇用，俾唔到大家一個圍爐bbq嘅結局，但我都知道自己做得啱，所以留返最尾先揭曉呢個原本嘅故名。

係我原本寫呢個故嘅時候，我嘅目標係有50個正評，而家可以超額完成，我真係覺得好開心。真係真係好多謝呢到嘅每一位。長氣D咁再講多一次，多謝晒有俾過正評，留過言嘅所有人，冇你哋，就冇呢個故，因為我根本唔會堅持到完成落去。用文字真係表達唔到我嗰份喜悅，亦都表達唔到我對大家嘅感激。真係好多謝你哋仲係呢到，睇到嚟呢到嘅每一位，我愛大家！

最後同大家講下之前有講過呢緊寫下朋友經歷嘅事喇，雖然係有呢個構思，但暫時都係十劃未有一撇。始終幫人哋寫又唔同D嘅，我要聆聽佢哋嘅故事，又冇得用我自己第一身嘅感受，我自己真係唔係一個文筆好嘅人，所以都擔心唔可以寫得好好睇睇俾大家。但我都會盡力希望呢D咁好睇嘅故事可以面世嘅！不過我暫時都保證唔到佢哋會唔會岀現或者幾時會岀現喇，希望如果有一日真係岀到，會可以再係新post見到大家喇！

個幾月咁快就過咗，我都好唔捨得呢到嘅每一位，唔捨得每日打開連登睇下有冇人留言，睇下正評有冇多到，同大家傾下計，打文岀文嘅日子。Anyway，thank you！真心說話用外語講，真心好多呀嗎！希望後會有期喇咁多位！

最尾我寫咗原本個故名係叫女人真係好恐怖

真係好恐怖

如果畀另一半發現嘅話就大鑊

期待再睇到樓主出文！

有真絲睇嚟好出奇

牙木撐邊隊

咁篇故同依家個名都扣到題吖唔錯喎
不過我好唔捨得你同篇故
依家世界盃又完你篇故又完 瞬間覺得人生好冇意義

同埋都無理由冇喇喇擺自己性生活上嚟

多謝你嘅祝福 覺得好睇就好了

籌備緊！希望成到事！

阿根廷喇 麥總已經好大袋 俾佢衛冕到 就嚟馬克龍見到佢都要下跪

俾美欺完夢喇

證明我最尾先揭曉呢個故名係啱嘅

有緣再打故俾你睇喇兇狠巴