『愛情/追女/無甜』《如果我冇讀到大學》

點會唔記得 幫我推咗咁多post

多謝哂

呀木好嘢！

咁好睇嘅故要俾多啲人睇

一齊咗又係另一個階段嘅開始

點樣維繫大家嘅關係又係另一門學問

真！不過懷疑我標題寫住無甜已經嚇走咗一班人

蠢咗

快鐘意人唔係一件好事你估香港地咁多Hayley 咩

14:13
6月22日
WhatsApp: 呀標已傳送你一個新訊息

「啱啱落機！今晚食飯打機？」

呀標一如以往咁係暑假返到嚟香港，一如以往咁約我食飯打機。

「ok 收工搵你」我回覆。

18:12
6月22日
WhatsApp: 呀標已傳送你一個新訊息

「收工未？」
「收喇 我送我條女去搭個車先 轉頭過嚟」
「你條女會唔會嬲㗎？」

呀標之所以會咁講，係因為我之前嘅女朋友好唔鐘意我同佢打機，會覺得佢霸住咗我，令到我冇時間拍拖。

我將呀標嘅message俾咗係我隔離嘅Hayley睇，佢伸手拎咗我個電話，㩒咗落voice message嘅錄音圖像上。

「拍拖唔係淨係得兩個人嘅，佢都有佢嘅生活佢嘅朋友㗎嗎，你唔係帶佢去學壞味得囉，我好識做㗎。」

「等埋車嚟」我用文字補充。

「你終於識到個好女仔 唔好再叫我同你去㩒鐘仔喇」呀標回覆。

望住身邊嘅Hayley，我都好認同呀標嘅說話。又靚又善解人意又溫柔嘅女朋友去邊到搵呀？我呢幾個月嘅付出係冇白費到㗎！雖然我哋冇真係識咗成年先一齊，但都有一段唔短嘅時間，足夠深入嘅理解。可能真係咁樣先至可以搵到自己嘅perfect match？

「佢話搵日同我哋食餐飯喎。」我搖一搖手上嘅電話示意係呀標提出。

「好呀！」

Hayley帶咗我去認識佢嘅朋友，我都想帶返佢去認識下我嘅朋友我嘅圈子。始終長遠行落去，呢D都係必需要做下嘅。

距離Hayley last day嘅時間越嚟越近，亦都代表住佢好快就會離開香港。雖然只係兩個禮拜嘅時間，但對於只係一齊咗同樣咁短嘅時間嘅我哋嚟講，已經慘過longD，至少對我嚟講係喇。所以我都把握每個可以同Hayley相處嘅時間，珍惜每個可以陪佢嘅時光。

14:42
6月27日
Between: Hayley已傳送你一個新訊息

「返到學校喇。」

今日Hayley take咗佢最後嘅半日annual leave，因為佢要返學校為咗嗰個summer sem嘅義工trip，岀席一個preparation session。

「good！我收工嚟接你？」
「好！see you later」
「miss you」
「hehe miss you too」

未夠六點，我已經執好哂野，準備一夠鐘就馬上離開去接我嘅女朋友。

見到Hayley之後，我如常咁伸岀手，Hayley亦都將佢嘅手拖上。呢個看似好普通嘅情侶舉動，我早一個禮拜前點都冇諗過可以係我同Hayley之間發展到咁純熟。

「Hello！」
「點呀，你今日做咗d咩呀咁？」我問。
「好似briefing咁囉。我哋去到要照顧一班小朋友，教佢哋讀書，plan d活動帶佢哋去玩下，返到嚟之後就要寫下感想咁囉。」

Hayley另一隻手邊㩒電話邊講，我大約睄到佢係搞緊WhatsApp group add人D野。

「咁你哋成班有幾多人呀？」我追問。
「我哋呢組就十個囉，嗱！」Hayley將佢嘅電話隊俾我睇，係佢哋一組人嘅大合照。

「嘩，得一條仔嘅？」我望住相中左上角唯一一個男仔道。
「做咩呀，你想多D咩？」Hayley回應。
「唔係，最好好似韓國咁添喇，有D女子大學俾你讀就最好呀。」

「車，你對我冇信任㗎？」
「講下笑啫，鬼叫我女朋友咁靚咩。」我將右手搭住Hayley嘅膊頭，左手食指係佢嘅下巴撩幾下道。

「賣口乖你就叻。」
「氹你我叻D，行喇去食野喇。」

我一路拖住Hayley去到地鐵站，打算坐車去到旺角食飯。放工時間嘅地鐵上，上到車都已經好好喇，唔好話想搵位坐添呀。我同Hayley就好似一般情侶咁攬住，企係車廂嘅人群之中。

「屌你老母個臭系，你係咪嬲打呀仆街。」

就係我哋仲有兩個站到嘅時候，車廂嘅遠處傳嚟爭執嘅聲音。我向左右兩邊望咗兩望，但你可以想像夜晚7點鐘嘅地鐵，入邊嘅人群係唔會令你可以睇到D咩。我見附近嘅人都冇乜特別大嘅反應，相信都係小小嘅爭執啫。

列車嚟到旺角前嘅最後一個站，上落完客人之後已經停頓咗一段時間，大家都開始察覺到異常，等得有D不耐煩。

「本班列車暫停服務，請所有乘客離開車廂，多謝合作。」

「做乜尻呀，垃圾狗鐵又壞呀。」身旁嘅人開始變得鼓燥。

遠處嘅爭執對罵聲其實一直都冇停過，仲好似越嚟越激烈添，但突然被一把群眾嘅尖叫聲蓋過咗。眼見離遠兩卡車嘅人一擁而上咁爭住跑岀車門，大家開始知道係發生咗D野㗎。

不過我相信我哋呢卡嘅人都仍然係未清楚詳情，但恐懼就好似病毒咁蔓延。慢慢成架車嘅人都開始癲哂咁亂咁跑亂咁嗌，爭住衝岀車廂。

我馬上將右手搭上Hayley嘅膊頭，以免佢被其他人撞低，然後同佢慢慢咁行岀月台。

望到月台上嚇人嘅景象，我以為屍殺列車係香港發生。

得巴打你明白太容易鍾意人嘅痛苦

忽然之間變到好似個D恐怖懸疑故咁

不過呢件事係真實發生係我同Hayley身上 所以都想同大家分享下

係咪831

好青春

而家追咗1/4，幾好睇

如果個時已經有831 應該唔會驚呢D小事

每個人都青春過

歡迎巴打加入 多謝支持！

追到live了，木哥啲經歷好有共鳴
尤其是啲毒L FF諗法
希望同hayley姐有個好尾

一晚追晒

多謝大家令我知道原來唔係得我一個咁痴線

毒撚思維都係咁上下

多謝巴打支持！

好開心呢幾日見到有新人一口氣追哂

我相信其實大部分人都唔知發生咗咩事，但基於羊群心理，只要有一個人掉頭走，就會有成班人一齊跟住走。你唔走好似仲會蝕底咗咁添，就係咁，站內嘅人都好似變到痴哂線咁。

月台上嘅人一窩峰咁擁去最近嘅電梯，大家你推我撞，雖然我唔知車廂入邊發生咗乜事，但我相信眼前大家只顧自己，亂推亂撞亂咁逼嘅場景會比入邊更加危險。

我又聽唔到D咩槍聲爆炸聲或者火光咁樣，打下交啫下話，唔駛咁驚呀香港人？

當刻，我係咁諗。

咁車又冇得搭，D人又痴哂線咁，我都只好一直護住Hayley慢慢咁行去電梯，打算岀咗閘再睇下點算喇。橫掂我哋都係爭一個站啫。

突然，我哋前面嘅一個OL成個人跌咗落地，我唔知佢係太痛太驚定係點樣，佢好似成個人好絕望咁攤坐係地上，郁都唔郁，但身邊竟然冇一個人願意伸岀援手。

突然一個四五十歲嘅呀叔係我哋嘅身邊跑過，雙腳就係呢位跌倒嘅女士頭部極近嘅距離內高速咁郁動。係嗰一刻，我真係驚佢會一腳就踢死地下嘅個位OL。

「喂，你睇…」我啱啱想開口屌柒個呀叔，已經見佢跑到電梯上係咁左推右推。

我右手仍然係搭住Hayley嘅肩膊，擔心佢會成為第二個被冷血嘅人推跌嘅對象，伸出左手扶起眼前嘅呢個OL。

「小姐，你冇事呀嗎？」我望住佢擦傷咗帶點紅腫嘅額頭問。

「冇，唔該哂。」佢擰一擰頭望住地下回答，仍然係驚魂未定嘅樣。

「你唔好企係到喇，D人痴線㗎，等陣真係撞死你踩死你呀。」我續道。

就係我仲同呢一位小姐講緊野嘅時候，忽然feel到我嘅右手俾人猛烈嘅撞擊。

「呀！」身旁嘅Hayley向前跌到一下尖叫。

「做咩呀？冇事呀嗎。」我馬上捉實佢嘅膊頭，望住又一個跑過嘅身影問。

Hayley只係擰一擰頭回應。

「行喇行喇，D人癲哂呀，都唔知做乜。」我推一推Hayley道。

最後，我哋逼下逼下都叫做上到地面。之後我上網睇返先知成件事就係有兩個呀叔鬧交，其中一個拎咗手上嘅長遮打落去，另一個就唔知係邊到抆咗把刀岀嚟亂咁揮，就令場面完全失控。

係呢到我想講，大家見到呢D事真係要冷靜D。確保自己嘅人身安全係重要，但不必要嘅恐慌可能會造成比原本個件事更大嘅傷亡。幾多意外呀，人踩人呀，都係咁樣先會發生㗎炸。

我哋最需要恐懼嘅，就係恐懼本身。

我哋上到地面之後，企係地鐵站嘅岀口外邊。Hayley成個人呆哂，只係識擘大雙眼望住我。

「做咩呀？整親呀？」我打量一下Hayley全身，睇下有冇咩傷痕我係錯過咗。

佢仍然係粒聲唔出，只係張開咗雙臂將我攬得好實。

「做咩呀？好驚呀？」我都將懷中嘅Hayley緊緊抱住，希望令佢安心返一D。

「冇事喇，冇事喇傻瓜，唔駛驚喇，無論發生咩事我都會係你身邊㗎。」我摸一摸Hayley嘅頭道。。

今日，我又見識多咗Hayley鮮為人知嘅一面。見到眼前變得懦弱嘅佢，我就有一份好想令佢安心，好想保護佢嘅衝動。我應承自己，無論如何都要盡力係我能力範圍之內俾最大嘅幸福佢。

23:26
6月27日
WhatsApp: Hayley已傳送你一個新訊息

「Raymond又搵我」
係我送完Hayley返屋企之後佢WhatsApp我。

「佢又講咩呀？」

Raymond

Hahahahaaa拍完拖喇？

食飯姐

未知你哋status點呀嗎haha
Look sweet
哈哈哈哈

O

Lol O
所以你哋開始咗喇？

Yes ah

遲咗一步添😂😂
Congrats la

==？

Lol
之前問你又唔講

狗公我見得多，咁死纏爛打嘅都係第一次。hahahaha ha你老味咩，以為自己好撚好笑呀？遲咗一步喎，係遲咗恭喜呀定係遲咗咗我一步去溝Hayley炸？好彩我女朋友乖會咩都自動同我講啫，等你男人之家係到搞咁多小動作。

不過而家都好，俾條死狗公知道我哋已經一齊咗，就自己摺埋彈開喇。想同我爭？你咩料呀？攞塊鏡照下先喇。

09:00
6月30日
沒有新的通知

「Last day有咩感覺？」
「開心但又有D唔捨得 好掛住以前打雜圍爐區日日食lunch吹水同happy Friday呀」Hayley回覆。
「唔掛住我？」

「你last day咗之後都有得見㗎嗎 點同」
「但你聽日就飛喇喎 剩下孤獨的我」
「乖喇 我好快返嚟㗎喇 乖乖地係香港等我」
「Yes madam！」

「係喎 你今日係咪同我食lunch？」 Hayley問。
「下 你lastday d同事都唔同你farewell？」
「呢到冇人理我的…」
「咁我同你食囉」
「ok see you later <3」
「love you 💕」

搭正12點半嘅lunch time，我就岀發去陪Hayley食最後的午餐。

Sweet couples

似係sad ending

sweet到

點解會咁覺得

「喂，行喇。」Hayley岀𨋢後走過嚟同我講。
「嘩，你睇下你個樣，春風滿面到呀。唔駛再返工係開心D嘅。」我指住Hayley笑哂口嘅樣講。

「但都再冇糧岀喇喎，你係咪養我呀？」
「痴線，係乞兒兜到𢲡飯食咁好咩？我幫你同HR講 extend囉，到時同我一齊last day。」
「咪玩喇，到時我唔夠cre grad你係咪真係養我先？」

「咁又唔好，你快d去幫d山區兒童喇，記住兩個禮拜之後返嚟湊返我呢個市區兒童就得㗎喇。」
「傻仔。」

「你今日噴咗第二隻香水呀？」我索一索Hayley身上嘅味道講。
「咁你都聞到嘅？呢枝香水之前去韓國旅行買㗎，而家搵唔返喇。我平時都唔捨得用，係今日last day先拎岀嚟用下炸。」

「咩香水咁巴閉呀？」
「呢枝囉。」Hayley俾咗佢之前幫個枝香水影嘅相我睇。
「咩牌子嚟㗎？聽都未聽過嘅。」
「就係咁先難搵呀，但我好鐘意呢隻味。」

「係喎，最後一日你想食咩呀？」我問。
「木哥帶我食咩味食咩囉。」Hayley用返當日我哋第一次相約食飯嘅答案回應。

於是，我又帶返佢去我哋第一次食lunch嘅餐廳，幫佢六個月嘅intern做個完結。

「係喎，個日Raymond味撞到我哋之後搵我嘅。」我地係餐廳坐低之後Hayley講。

「嗯，你味同我講咗囉。」我回應。
「跟住佢仲同我講咗D野。」
「又講咩呀佢？」我已經feel到唔會有好野。

「佢話呢…佢話唔介意做我暗嗰個喎。」
「咩呀？！」聽到呢句嘅我，忍唔住係餐廳大叫咗岀嚟。

「冷靜D先。」Hayley見我咁大反應於是講。
「Sorry。」
「但咩叫暗嗰個呢？」我追問。

「佢話佢可以接受你嘅存在，只會係我需要嘅時候岀現陪我。我同佢唔需要公開，佢可以做我暗地𥚃嘅男朋友。」

「乜野呀？條友真係痴撚線㗎喎。」

聽到呢到，我已經失去理性，想打尻條死狗公。正常嘅一個男人都會喇下話？條友係咪睇得太多葉念琛呀，玩後備情人呀？

「咁你點答佢呀？」雖然我知唔關Hayley事，但都難掩怒火咁問。
「我味同佢講話我唔駛咩暗嗰個囉，我要一個男朋友夠㗎喇。」

望住Hayley呢刻面上甜美嘅笑容，加埋呢個答案，我所有嘅怒火一下子熄滅，仲聽到好冧添。

大佬，仲點嬲得落呀。

「幾好，呢個答案100分！」我都笑到含哂春咁回應。

事後我有同Ray Vicky佢哋講返呢件事，想話俾佢哋知到底佢哋帶咗個咩人嚟。

「都正常呀，符合佢嘅人物性格。」Vicky回應。
「下？」我驚嘆。

「你知唔知點解佢要轉工呀？」Ray問。
我擰一擰頭回應。

「佢之前係公司溝咗人哋個未婚妻，之後俾人哋老公知道咗，搞到好大單，先至逼住轉工炸。」

我以為我已經見識好多狗公，原來真正嘅狗公係真係冇自制能力，搞到自己工都冇埋。

「唔係咁撚癲呀嗎？溝女炸喎？條友係咪成個腦都係精蟲嚟㗎？唔識自己自制一下㗎？」我道。

「你下次問下佢囉。」Vicky插嘴。
「屌咪搞，唔好再俾我見到佢添呀，再見到佢我真係驚我忍唔住打柒佢呀。」

呢次經驗，令我對狗公嘅認知又去咗一個新境界。原來真係有人為咗溝女癲到咁嘅地步，諗諗吓其實我都算係一個君子呀。

Hayley嘅last day亦都代表住係佢離開香港前嘅最後一日，所以當日夜晚我地都把握住最後嘅機會，做最後嘅約會。

「點算呀，個個都走哂，以後返工都冇人陪我食飯吹水，我冇動力再返工喇。」我扁住嘴咁同Hayley講。

「遲D又嚟新一批intern㗎喇，可能到時有靚女呢。」
「係就好呀，而家成棚麻甩佬咁。」
「到時你又同人哋朝夕相對喇，又傾計又食lunch ，好快唔記得我係邊個㗎喇。」

「痴線，我女朋友世一㗎嗎，其他都係一般貨色！」

今晚，就算我送到Hayley返到佢屋企樓下，我都唔肯走。因為我好唔捨得嚟緊嘅呢兩個禮拜，會冇咗呢個女朋友係我身邊。

唔知Hayley有冇同樣嘅感覺呢？唔知佢係我身上搵到佢想要嘅感覺未呢？