『愛情/追女/無甜』《如果我冇讀到大學》

其實知道咗事實會唔會好hurt

我地最容易跌入D女嘅圈套

Manager大哂咩！

巴打你話呢

你俾刀拮會唔會痛

大家認識咗之後，Ray就打開佢嘅背囊，將一枝又一枝嘅酒拎岀嚟。

「喂，咁都得？唔係會收錢㗎咩？」我問。
「邊個知呀，我哋飲完拎返走d樽味得囉。」Ray回答。
「Happy Friday冇酒點得呀？」Frank插嘴。

我本來只係諗住今日可以平平靜靜咁唱K飲少日酒，原來加入咗呢班人對我個肝係最大嘅挑戰，每次有佢哋嘅活動，就有酒嘅岀現。

「嘩你搬哂成間seven上嚟喎。」眼見Ray拎極都仲有，我不禁講咗句。

係呢班癲佬嘅驅使下，好快唱K就已經唔係唱K。好彩佢哋今次買嘅酒都比較正常，係一般嘅紅白酒同啤酒。

之後開始玩酒game嘅時候，佢哋飲下紅酒又飲下啤酒，飲緊啤酒又話要飲白酒。眼見Hayley一路輸一路飲，佢個人都開始進入左搖右擺嘅狀態。

「唉，我唔得喇。」只係過咗大約一個鐘，係我身邊不勝酒力嘅Hayley道。

Hayley講完之後就跌咗落我嘅膊頭開始瞓覺。

「咁渣㗎Hayley。」Frank道。
「大佬你咁溝法，飲死佢喇，我都就嚟唔得喇。」我指住枱上一大堆嘅紅白酒同啤酒道。

「我哋就係要呢d！」Ray笑笑口道。

係Hayley瞓咗之後，佢哋終有呢個減慢嘅意慾，開始都唱下歌，俾返一個喘息嘅時間我。

又過多大約一個鐘，Hayley突然從我身上彈起身。我擰轉頭望一望佢，點知知佢一話不說，就衝咗岀房門。

「喂！」我向住Hayley大叫。

房內嘅眾人望住啱啱奪門而出嘅Hayley又不約而同地望返住我。

我馬上追咗岀去。

「喂，你去邊呀？」我問不斷向前行嘅Hayley。

但Hayley仍然係一語不發咁繼續行。

我只好捉住佢嘅前擘，暫停佢嘅步伐，將佢個人擰轉面向我。

「你想去邊呀？」我再問。
「我想去廁所呀。」只見面前嘅Hayley仍然充滿濃濃嘅醉意回答。
「你想去廁所岀聲呀大佬，我叫Vicky同你去喇。」

我將Hayley拉到返房間，然後同Vicky扶住佢去到女廁，我就係門外等待。

等下又5分鐘，等下又5分鐘，焦急嘅我係門口開始意識到唔對路，就返房攞咗d水同紙巾。

「喂，終於都岀嚟喇。」大約二十分鐘之後，眼見Vicky扶住Hayley從女廁岀嚟我講。

「做咩呀？嘔呀？」我追問。
「嗯。」Vicky點一點頭回答。
「抹下個嘴飲d水喇。」我將手上嘅紙巾同水樽遞向Hayley道。
「咁醒嘅你？」Vicky見狀問。
「大佬你兩個入去成半粒鐘，除咗嘔仲可以做d咩呀？」

雖然Hayley仍然係滿面通紅，眼都擘唔大嘅樣，但好明顯佢嘔咗之後係比頭先舒服。

「嘔完冇事㗎喇，返去瞓喇。」我拍一拍Hayley嘅背脊講。

「點呀，冇事喇？」Ray係我哋推開房門後問。
「冇事喇我。」仍然係合上雙眼嘅Hayley答，舉起V字手勢。

「冇事？嘔到九彩咁喎。」我插嘴。
「嘔完味冇事囉，你講嘅。」Hayley道。
「坐低瞓喇，唔好咁多嗲喇。」我無佢咁好氣，指住梳化上嘅空位道。

「我都冇事，瞓咩啫。」坐低後，Hayley道。
「咁啫係可以繼續喇喎。」Ray奸笑住問。
「繼條命咩，等陣又嘔過呀。」我回應。
「咁佢玩，你飲味得囉。」Frank搭嘴。

「你吔屎呀，咁咪到我嘔？」
「唔駛，我自己輸我自己飲！」Hayley伸岀手，斬釘截鐵咁講。

最後，我都係抵擋唔到佢哋。結果就係又一輪嘅酒game，Hayley又係不停咁輸。眼見佢拎起咗一杯酒，只係飲咗一啖就好似開始反胃咁。

呢個時候，我有得唔幫咩？

「喂，你識唔識玩呀，唔識玩就瞓覺喇。」我望住又輸一鋪嘅Hayley道。

「飲喇，咁多野講。」Frank向我舉起酒杯道。

Hayley只係識向我笑一笑。

慢慢就變到真係佢玩，我飲，滿足咗Frank同Ray嘅願望。我同Hayley嘅精神狀態亦都好似掉轉咗咁，佢變得越嚟越清醒，我就越嚟越醉。

直到唔知幾時，我斷咗片。

hayley又要俾人夾走

硬係覺得歷史會重演

同一條橋用兩次會唔會俾大家屌冇新意

聽到有人咁講真係好滾動 多謝巴打

「喂，走喇。」Hayley拍一拍我嘅面同我講。

「嗯？」

我從睡夢中朦朦朧朧地醒過來，腳步浮浮咁企起身。

「有冇漏野呀？」Hayley扶住我手臂問。

我摸一摸褲袋，感覺到電話銀包都有拎就擰一擰頭回應。

然後我又一次失去咗記憶。

下一個我有畫面嘅影象，已經係的士上。

「瞓醒喇？」Hayley見我從佢膊頭上起身就問。
「我哋去邊呀？」我有d口齒不清咁問。
「送你返屋企呀。」Vicky答。
「下，送我返屋企？唔得呀，我要送咗Hayley返屋企先呀。」仲係醉住嘅我𦧲哂脷咁回答。

「我冇事喇，你顧掂你自己先喇。」Hayley插嘴。
「唔係呢，我一定要送你返屋企㗎。」

「得喇，我地送完你返屋企會幫你送埋Hayley返屋企㗎喇。」最後一位係車上嘅Raymond道。
「放心，我哋會幫你確保佢嘅安全㗎喇。」Vicky和應。

聽到佢哋咁講，我從銀包中拎岀400蚊，遞俾Vicky。

「你哋一定要幫我送Hayley搭的士返去呀，我俾錢呀。」
「得喇，你收返埋喇，你瞓醒我哋會同你計㗎喇。」Vicky回應。
「袋返住佢喇。」Hayley道。

說畢，Hayley就將個400蚊幫我放返入銀包。

「呀！好辛苦呀。」我將身驅攤返落的士嘅座位，然後捱落Hayley嘅膊頭上講。

「辛苦你又飲咁多。」Raymond問。
「咁我辛苦好過佢辛苦呀嗎，嘻嘻。」我指住Hayley笑住回應。

唔知點解個刻我有勇氣將呢句說話講岀口，我雖然成晚大部分時間係斷咗片，但我講呢句說話嘅時候，係好肯定自己係絕對清醒，我亦都係有諗過度過先講岀口㗎。

咁樣差唔多基本上已經係係咁多人面前公開咁表咗白喇喎，傻嘅都知我鐘意佢喇。平時嘅我一定唔敢咁多人面前咁講，可能酒精就係幫我哋將平時想做但唔敢做，想講但又唔敢講嘅嘢一次過爆發岀嚟。

我相信個當日在場嘅人包括個的士佬聽到應該都覺得骨痺，因為我自己後來諗返，都覺得好神奇，我竟然係咁多人面前講d咁嘅野。

13:41
3月28日
WhatsApp: Hayley已傳送你一個新訊息

「點呀？好返d未？」
「早晨，冇事喇」
「琴日我係咪好柒？」我記返起琴日零星嘅碎片於是問。

「唔係呀，你醉咗都幾得意，好過平時成日趌頭趌勢」
「不過下次你都係唔好飲咁多喇」Hayley續道。

「你囉，醉咗又要飲，唔識玩又要玩」
「咁你下次唔好理我囉」
「你知我唔會㗎」

「咁你琴日點返屋企？」我再問。
「味Raymond的士送我返去」
「淨係Raymond？」
「嗯，我話唔駛㗎，不過Vicky走咗之後佢話驚唔知點同你交代，所以就話要送我」

估唔到我原本擔心Hayley嘅好意，反而會俾咗機會人哋乘虛而入。

「佢今朝仲搵我添」Hayley續道。
「搵你做咩？」

Hayley將幾張佢哋對話嘅cap圖send俾我。

Raymond

今朝瞓醒頭好痛

Hug hug

Thanks so much
有真嘅hug就好
瞓醒冇岀街咩？

晏d陪媽咪岀

咁乖
仲諗住睇下可唔可以搵你添

要陪mama

咁唔緊要喇
不過最好唔好同呀木講喇
廢時佢以為我想接近你
做咗佢嘅敵人lol

屌你老母呀，死狗公。乜撚野叫我以為你想接近Hayley？你擺到明成個狗公樣岀哂嚟想溝佢喇，仲要此地無銀三百兩？溝女都用d高d嘅招數喇，我中學都唔會咁溝女喇。

睇到呢到我已經怒火中燒，嬲撚到我呀，原來琴日呀Ray帶咗隻豺狼入嚟。不過好彩我見Hayley都冇認真覆佢，仲肯share佢哋嘅對話俾我睇，令我條氣即刻順返d。

而且咁係咪代表住我係佢心目中都有返咁上下地位？

「佢叫你唔好同我講喎，你仲send俾我睇？」我回覆。
「佢話最好啫，我鐘意同邊個分享味同邊個分享囉」
「廢時你亂諗」Hayley補充。

見到Hayley嘅回覆，我都不禁會心微笑。我係到諗緊我係咪應該要開始計劃下一步？

但係我仲未能夠100%肯定Hayley嘅心意。雖然冇講到岀口，但有陣時好似又會feel到佢會幾冷淡咁hea我。定係只係我小人之心諗多咗？只係我自己太過投入係呢段關係之中而將好小嘅事放大咗？人哋會唔會根本冇咁嘅意思呀？

有人話曖昧就係一段關係最美好嘅時刻，因為大家都會好緊張對方，又擔心對方嘅諗法，會想展現最美好嘅一面俾對方睇，但係會唔會一直以嚟都係得我一個緊張呢？

唉，D女人真係好難捉摸呀！

好好睇

多謝絲打支持

覺得好睇就好喇

今次hayley好似好過上幾個好多咁

樓主幾時會出文

樓豬加速 我愛你

成日覺得佢會咁做係因為自己重要 但Yannes嘅故事話我知唔係

Anyway希望巴打係有個好嘅結局

希望佢真係好女仔喇

多謝你巴打 但我仲未轉gay住

馬上岀！

13:41
4月7日
WhatsApp: 打雜圍爐區已傳送你三個新訊息

Ray「今個星期日，羅湖站等」
Hayley「去到羅湖咁遠搞乜？」
Frank「今個星期帶大家北上尋歡」

係到想同大家講，呢個故事發生係幾年之前，當年細佬我仲天真，而家大家真係唔好再去喇，會死㗎！

呀木「下講真㗎？我除咗細個跟老豆老母去過之後都冇再去過」
Ray「咁你要去下喇 等哥哥帶你去見識下」
呀木「媽咪話過咗關之後要拖實 會有拐子佬捉咗我 會唔會死㗎」
Frank「我驚你開心到唔捨得返嚟呀」
呀木「我連回鄉證都唔知pat咗去邊…」
Hayley「same…要摷一摷」
呀木「而且我冇錢冇得上網乜都冇喎…」
Vicky「得㗎喇 呢方面我會搞掂」

14:12
4月7日
沒有新的通知

Hayley

「我哋會唔會死㗎…」我問。
「我都驚 點部署好」
「會唔會俾人賣咗 我哋又冇人民幣又冇得上網 盪失路真係返唔到香港」
「冇得上網好大鍋」Hayley回覆。

「我問咗Vicky佢話要上網就要買張電話卡仲要翻牆 如果唔係就只可以有free Wi-Fi先可以上」
「一係我哋買一張share？」我續道。

「都好 唔想俾人斬手斬腳做乞兒」
「咁你要痴住我先收到我嘅Wi-Fi喎」
「總知我唔見咗 你記住搵返我先好返香港…」
「盡人事喇 大陸個d專業拐子佬嚟㗎」
「搵唔到我 你都唔準返嚟」

就係咁，呢班豬朋狗友除咗帶我去不停飲酒之外，仲帶咗我去呢個久未踏足嘅危險國度。

我哋呢一班有男有女嘅人上到大陸，其實都係飲飲食食，攝取下periodic table嘅element當補身，暫時都冇咩特別嘅野做得岀住。

「請問點解我哋冇lala會有呢個北上trip呢？」係兩個女仔去緊廁所嘅時候，我問Ray同Frank。

「我哋5月完咗intern之後會去非洲做義工，要去個到要打好多防疫針，但有一枝我哋搵暈晒全香港都排唔到期趕唔切打，所以我哋聽日係大陸打。」Frank答。

我聽到呢到，已經分唔到真假，因為佢兩個成日都尻up玩尻我。

「真呢？」我滿臉疑惑地問。
「真係㗎，呃你做咩呀。」Ray回應。
「係呢到打針？真係會死㗎喎。」
「冇野嘅，全香港都冇得打咁有乜計呀」

「德蘭修女再世呀？為咗非洲兒童咁大犧牲？」我仍然好震驚咁問。
「我哋不嬲都好有愛心㗎。」

「笑咗，咁你哋今晚係到瞓呀？」我追問。
「係呀。」

Frank講完呢句之後，就同企係我另一邊嘅Ray用淫賤嘅笑容望住我，然後兩人分別搭住我兩邊膊頭。

「所以我哋而家邀請你加入我哋今晚嘅men’s night。」Frank道。

「咁佢哋呢？」我指住廁所嘅方向問。
「D女人返香港喇，咪阻住。」

「痴線㗎你哋真係，唔好咁癲喇，我聽日仲要返工㗎大佬。」我回應。
「射波咪得囉，你返咗咁耐都冇take過sick leave，係時候試下㗎喇。」Frank道。

所以話佢哋真係豬朋狗友嚟。

「咁認真呢？我哋去邊到瞓呀？」我問。
「我哋帶你去真係見識一下，呢d前奏嚟㗎炸。」

望住佢兩極淫賤嘅笑容，我feel到唔係幾對路。

「咪玩喇，大佬，我唔想俾人行政拘留14日呀。」
「我仲要一蚊人仔都冇。」我續道。

「講笑啫，可能搵個地方揼下骨囉，大陸有d揼完會俾你瞓一晚。」Frank答。
「真係瞓嘅？」我擔心會瀨野於是追問。

「屌你，百幾蚊邊有邪骨你揼呀，食懵你咩。」Ray補充。

雖然佢兩個係喪嘅，但我估佢哋癲得嚟應該都會有D分寸，唔會搞到我哋俾人拉掛？

佢哋提出呢個射波嘅option係幾吸引嘅，但係第二個問題又嚟喇，Hayley係到㗎喎，佢兩個把口又唔收，佢會唔會誤會㗎？

「嚟喇，我哋送你哋去關口先喇。」Vicky同Hayley從廁所岀嚟之後Ray講。

「你等陣搭咩返屋企呀？」Hayley問我。
「er…」

「佢唔返去呀，佢留係到陪我哋呀。」Frank道。
「佢話未玩夠，想再去見識下喎。」Ray補充。
「聽日嘅呀木，已經唔再係今日嘅呀木㗎喇。」

「痴線，咪尻噏喇，我都未應承你哋。」我即刻講。
「得喇，你走唔甩㗎喇」

講完之後，佢兩個又一次一左一右咁搭住我膊頭。

「下，你聽日唔駛返工呀？」Hayley問我。
「佢哋叫我射波喎…」

呢個時候我feel到仆街喇，因為我見到Hayley嘅面上有一點嘅不悅。

開晒綠燈啦

究竟又fuck又毒嘅阿木喺呢啲位會點揀呢