『愛情/追女/無甜』《如果我冇讀到大學》

我幾時先可以好似樓豬咁

睇下大家對甜嘅定義係咩喇

加油呀巴打實得㗎

我都經過七七四十九劫先有今日㗎炸

Gchi

多謝巴打支持！

18:42
7月21日
沒有新的通知

「我到咗喇 你係邊到？」
「你係便利店個到等等我喇 我好快岀嚟」Hayley回覆。
「Ok」

過多大約五分鐘，我就見住Hayley同幾個同學係大樓之中行岀嚟。相信呢幾個就係佢哋做義工嘅時候同一組嘅人，其中仲包括嗰個佢哋組唯一嘅男仔。

Hayley同佢哋道別之後，就向住我嘅方向走過嚟。

「Hello！」Hayley手上揸住個電話，笑住咁向我講。
「Hi！」

「係喎，Frank同Ray佢哋返咗嚟，話要約食飯，幫我哋慶祝下喎。」我道。
「哦，好呀。」

Hayley同我打完招呼之後，就一直都耷低頭，望住佢手中嘅電話。

「佢哋話近排忙D，問我八月中得唔得喎。八月你邊日得呀？」我問Hayley。

身旁嘅Hayley仍然係集中係佢嘅電話上，冇俾到任何回應我。

「喂。」我揮一揮手嘗試吸引Hayley嘅注意。
「咩呀？」佢好快擰轉頭咁望一望我，然後又望返住手上嘅電話。

「佢哋問你八月中邊日得閒呀？」我重複一次。
「你揀喇，你揀完話我知得㗎喇。」
「咁我同佢哋講十七號㗎喇，你ok呀嗎？」
「嗯。」Hayley嘅目光仍然係冇離開過電話嘅螢光幕。

「做咩呀你？好忙咩？」我中個頭埋去，嘗試睇下Hayley到底係到搞緊咩。
「冇，頭先同佢哋有D野未傾完，傾埋先啫。」Hayley終於肯收埋個電話，望住我講。

「咁你未傾完就傾埋先走呀嗎，我可以等多一陣㗎。」
「咁我想快D見到你呀嗎，得唔得呀？」
「得！我就係等你講呢句炸嗎！」
「行喇，我哋去食野喇，好肚餓呀。」

講完之後，Hayley就用雙手翹住我嘅手，拖住我向前行。

由我地啱啱一齊開始，我擔心Hayley仲未係完全鍾意我。我知道我要好好把握呢個機會，好好咁錫Hayley，好好咁對佢照顧佢，希望佢可以係我身上搵到愛一個人嘅感覺。到之後佢帶我去見佢嘅朋友，認定咗我嘅位置，又主動同我講有邊D男仔搵佢，仲俾我睇佢哋嘅對話。見到Hayley對佢哋嘅決絕，令我更加有安全感，對呢段關係更加有信心同信任，亦都逐步確信Hayley對我嘅愛，對我嘅認真。

係Hayley離開香港前一晚，我哋道別咗之後佢打俾我同我講話佢好掛住我，想唔去今次嘅義工之旅，係我第一次係佢嘅口中得知，確定到佢真係係我身上搵到好掛住一個人，好想痴住我嘅感覺。雖然我哋都知佢唔去呢個選項係唔可能發生，但嗰一刻，我真係好開心，覺得自己得到全世界咁，覺得自己咁耐以嚟嘅付出都冇白費到。

雖然中間Hayley唔係香港嗰兩個禮拜我哋都少咗交流少咗聯絡。中間仲發生咗D小事令我又開始對Hayley嘅投入產生咗一點嘅質疑，但我仍然堅信住小別勝新婚嘅信念，結果亦都證明我係無錯。

因為初時係我仲未確定到Hayley嘅心意嘅時候，我仲未敢完全投入係我哋嘅關係之中，擔心得自己單方面嘅付出，會令自己最後好傷，好痛。

但就係我最冇期待Hayley會有準備，會記得我哋拍拖一個月嘅一剎，Hayley嘅一封信終於肯定咗佢真係越嚟越鍾意我。我亦都唔駛再估下估下，可以對我嘅女朋友，對我哋嘅關係開始有D長期嘅計劃。

我開始會諗將來佢生日，我哋週年紀念應該要準備D咩俾佢？雖然我對樂器一竅不通，但我知道Hayley鍾意彈結他，我有諗過去學，係佢生日嘅時候彈一首歌送俾佢。我亦都開始諗係咪應該要帶佢見下我嘅屋企人？等佢哋認識下到底我嘅另一半係一個點嘅人？等佢哋可以為我有個咁好嘅女朋友而開心。咁我又應該點同佢屋企人相處呢？

未來嘅路太長，會發生嘅事太多，我唯有慢慢計劃，慢慢實行。只要Hayley係我身邊，我知道我哋條路一定會係一條幸福美滿嘅路。

當晚我哋食完飯之後，我如常咁送Hayley返屋企。唯一同平時唔同嘅係，係巴士之上嘅Hayley冇捱住我瞓教，好似比平時精神好多咁坐係到㩒電話。

「咁你而家工又唔駛返，學又唔駛返，成個幾月流流長有咩搞呀？」我問Hayley。
「放暑假囉，正常大學生係應該有暑假㗎嗎。」
「真，得我on99咁應承個hr返到8月啫。」
「你有糧岀㗎喎。」
「得個雞碎咁多，暑假放埋呢幾年冇㗎喇。工仲有幾廿年要返呀。」

Hayley雖然一邊係同緊我傾計，但係佢從來都冇向我呢邊望過一眼，因為佢嘅雙眼只係能夠顧及佢手上嘅電話。我明白要俾空間對方呢個道理，但睇住Hayley玩咗成晚電話，我終於再按捺不住我嘅好奇心，中咗個頭埋去睇下到底佢做緊乜野。

原來玩緊tinder？

Sad end既話樓主等收刀片

唔係咁猖狂呀

如果真係sad end 我先係受害者喎

仲要收刀片

Feel到瀨嘢希望係我估錯

同我嗰時嘅心情一樣

Feel到瀨野 同時希望自己估錯

我見到Hayley嘅電話mon上係一個WhatsApp對話嘅介面。螢光幕嘅左上方，細細個嘅圓形icon中嘅男仔有幾分面善，profile picture嘅右邊寫住Louis。

「做咩呀？」Hayley見我隊咗個頭埋去，終於擰轉頭望向我講。

「冇，見你㩒咗成晚，睇下你搞咩咁忙啫。」
「你記唔記得我嗰group嘅唯一一個男仔呀？佢味Louis囉。」
「嗯～」我意味深長咁點頭。

「咁好傾嘅？」我續道。
「咁我哋group有D野要交㗎嗎，味傾下點做囉。」
「PM嚟㗎喎，你哋唔係有group㗎咩？」
「我哋普通朋友嚟㗎炸，純粹傾下D仔女嘅野，講下佢哋而家點炸嗎。」

雖然Louis嘅岀現令我感到一點嘅不安，但同時我醒起Raymond同Hayley嘅ex。以往有D咩男仔同Hayley講D踩界嘅野，佢都會主動同我講，俾我睇佢哋嘅對話。

一段關係最緊要就係信任，我知道Hayley為咗令我有更大嘅安全感，令我個心感到實在一D已經盡咗好大嘅努力。所以我都好似之前嘅每一次咁，選擇相信Hayley。相信佢知道有咩係可以做，有咩係唔可以做。有咩係應該做，有咩係唔應該做。

Hayley見我開始有少少詐型，終於收起電話，全心全意咁陪我傾下計。

直到我哋落車之後，我哋如常咁由巴士站慢慢咁行到Hayley嘅屋企。以往我一路都好享受陪Hayley行嘅呢一段路。因為深夜嘅街上，多數都冇乜人，我好鍾意呢種靜靜地俾我哋拖住手傾下計嘅感覺。可以感受下對方嘅存在，感受下有對方陪伴嘅感覺。

偏偏今日幽暗寧靜嘅環境被螢光幕上嘅燈光一次又一次咁打斷。

雖然Hayley收埋個電話之後都真係冇再拎過佢岀嚟。只不過佢手腕上嘅Apple watch一次又一次嘅震動，令佢亦都一次又一次咁拎起隻手去睇下智能手錶上嘅通知。

「係喎，呀標之前味話約我哋食飯嘅，你下個禮拜得唔得呀。」我握一握一直拖住嘅Hayley右手道，而佢嘅目光仍然係停留係佢嘅手錶之上。

Hayley係俾任何反應我之前突然鬆開咗我嘅手，將原本拖住我嘅右手放到去Apple Watch之上，隨手咁係螢光幕上篤咗幾下，又撩咗幾下咁。

「哦，好呀，你揀好邊日再話我知囉。」Hayley透過Apple Watch覆完message之後，放返低隻手先回應我。

我再一次伸岀手去拖實佢，心中期盼住頭先只係罕有嘅例外。

當然，現實永遠都係同幻想相反。每當Hayley將手放低之後，我一次又一次咁嘗試拖返住佢。換嚟嘅，只係Hayley一次又一次咁縮手去要Apple Watch上嘅message。係我哋短短十分鐘嘅路程，我已經數唔到我哋重複咗呢一套動作幾多次喇。

直到有一刻，佢終於唔再甩開我嘅手。因為直到有一刻，我終於意識到我每一次我拖返住佢，都係阻礙緊佢覆每一個message。我哋就係咁，冇拖手，甚至冇乜交流咁行到去Hayley嘅屋企樓下。

點解會咁嘅？明明上個禮拜我哋先慶祝完一個月，佢先寫完情信俾我，話越嚟越鍾意我㗎。呢個禮拜都好地地㗎，我哋仲一日比一日sweet㗎喎。係咪我做錯咗D咩呀？

信任呀，呀木。一段關係最緊要係信任，你知道Hayley有D咩都會同你講同你報告㗎嗎。你味問咗佢囉，佢都答咗你㗎，佢哋係普通朋友呀嗎，佢哋只係傾緊個course要做嘅野炸嗎。Hayley唔會呃你㗎，佢哋做完就冇野㗎喇。你諗下Hayley咁多野做仲陪你岀街食飯，點會唔愛你啫？

如果你對Hayley失去咗信任，你哋就再行唔到落去㗎喇。俾多少少時間佢，佢哋傾完做完要交嘅野，我女朋友就會返嚟㗎喇。

佢會㗎呵？

到底有帽事

就算唔係帽都好唔尊重啦大佬

突然劇情sad咗咁多嘅

因為嗰時仲以為係喺熱戀之中
所以有諗係咪自己諗得太多
又驚講咗岀嚟會嘈交
所以只有自己係心入邊囉囉攣

可能就係因為有帽所以連基本尊重都唔記得喇

現實就係咁殘酷
你以為所有野向好個方面發展
個天就會玩尻你

嗰時我都諗唔明
明明上個禮拜話好鍾意我
今日禮拜變咗第二個人

但真係帽事？！

如果返工或者返學嘅話都仲話正常啲，但暑假究竟有咩要咁急覆

要等聽日樓主出文先知

睇埋落去就知 唔劇透了

佢咪就係話去完個義工trip 每group要交assignment 所以要成日傾野囉

但真係傾咩邊個知