動畫黨 (遊戲仲淨係玩緊extra各路線, 未有時間玩unlimited, alternative
)
明白動畫嘅觀賞體驗同遊戲體驗係有落差
但係已經播到呢個集數仲拎動畫人物同原作遊戲人物嘅畫風、色調比較就對畫動畫嘅人有啲唔公平
始終一開頭製作動畫就會為各人物畫美術圖,從而決定點樣畫個人物(所謂畫風), 同埋個用色
之後作畫同上色嘅人員都係跟住美術圖作參考而臨摹出我地睇動畫時見到嘅人物
可以去動畫官網睇人物介紹, 果到放出嚟人物相可能就係上面所講用作參考嘅"美術圖"
睇完人物美術圖就可以得知一開始就決定好動畫畫法係同遊戲入面人物有差異
如果唔理解個動畫製作流程, 之後睇落去繼續用遊戲畫面做對比就好大機會繼續失望落去
對我嚟講畫得唔好係指連對住動畫美術圖做臨摹都做得唔好
咁嘅標準下其實今集畫得唔算差 (感覺上有機戰嘅集數人物都會畫得唔錯)
對比之下, 前幾集冇打戲嘅集數人物就真係經常明顯畫崩
有時會見到有啲集數作畫係成堆韓國人名, 我諗有啲集數慳皮外包出去作畫就好易崩
製作組應該對打戲有好大期望, 將預算集中曬喺有打戲嘅集數......
小弟對動畫製作流程嘅理解唔算好深入, 如果有錯煩請指正