其實真本身個人設就唔討好、唔合理
說服唔到觀眾理解/同情佢
基本上佢屋企人死係地球軍造成嘅意外
諗唔明點解佢會憎奧布
完全甩開咗本身個世界嘅設定
怪奧布無戰力都唔投降累到佢屋企人死?
但明明攻緊入黎嘅係想滅咗新人類嘅地球軍
佢覺得奧布投降佢一家會幸福快樂?
冚家剷後你話佢討厭自然人參軍想殺晒自然人
所以同基拉一派有衝突都仲合理
但無啦啦對住上集主角卡嘉連就屌人全家只係識講漂亮說話
仲要奧布明明唔係只講漂亮說話,佢哋真係停咗上一場大戰
到頭來佢所有恨都係來自國家保護唔到自己,只係一種自私嘅情感,唔係唔可以,但唔值得睇咁耐囉
唔反醒都可以成魔,角色一定要有推進
睇咗十幾集真都仲係怨婦咁,又唔黑化又唔成長
而其他人口中嘅基魔,佢第一季頭十集經歷過啲咩?
對比兩個主角人格發展真係高下立見
Seed中期基拉對仇恨嘅迷失只係經歷咗幾集
相反睇住真斬艦無意中殺死救過自己嘅奧布軍觀眾又有咩感受
Seed d睇到中期,真都仲係因為條女無視成個戰場所有人嘅安危
佢嘅唔成熟同自私有無必要睇咁耐
真呢個人物本身係條好橋
但你咁呈現佢,點可能唔係人氣低迷
最後成個故仔根本變咗兩個邪惡軸心陣營鬥快滅世
然後基拉一班人就好似super hero咁簡簡單單就打贏兩軍救世界
一字咁淺嘅道理,咪就係要阻止癲佬滅世所以要打鳩佢哋
係都要懶高深講道理講到連自己都唔明自己講緊咩
Seed d 根本係一套垃圾