見後面有人都從一啲微細畫面推論出角色之間邊時邊刻有咩心理狀態, 先不論呢啲係咪類似eva式嘅"幫製作方諗埋", 我都覺得實屬難得
咁我都想借啲意分享下對其中一幕唔知道製作方係有意定無意嘅睇法, 就係飛鳥同亞斯蘭去見議長時, 命運同傳說兩部機首次亮相, 議長對飛鳥講"我地都知道衝擊已經跟唔上你嘅反應, 而命運就唔會再出現類似情況, 命運呢架野就交比你", 另一邊廂對應該要接收傳說嘅亞斯蘭議長就表現冷淡; 其實議長同現實堆腦細一樣, 唔會唔知道員工想要咩唔想要咩、擅長啲咩不善於咩, 另外腦細專登係其他員工面前表揚、嘉許自己特別鐘意或成績好嘅員工以達到警惕、奚落甚至逼退其他員工嘅效果其實唔係成日發生緊咩? 如果我係亞斯蘭嘅話,應該都只可以炒腦細魷魚另找東家
而唔知道咁啱定咁點, 下一集亞斯蘭真係即時叛變