其中四個牌子保養維修服務排名(由迪路BB提供,stepmic巴打評分1000分
)
(最好)SONY>Panasonic>>>Samsung>>>>>>LG(最賤)
我諗冇巴打絲打會異議
SONY客服反應快,第二日已經安排到師傅上門,屋企有人嘅話最快可以安排到即日,而師傅同時係工程人員,上門時除咗檢查外,會帶備基本工具同零件即時維修,平日師傅工作時間去到六點。會儘量安排裝機時嘅同一個師傅跟進維修。香港有維修部門市,有咩事都起碼有個地方畀你上門跟進。另外好多人知不過我唔係好care嘅就係佢保養期內冇零件會換同級同尺寸新機。
Panasonic同SONY一樣香港有公司,不過只係個名唔同,係長期代理商「信興」負責,所以經驗豐富,優點同樣係有咩事都起碼有個地方畀你上門跟進。大缺點係個客服預約系統,如果電話三次接駁客戶服務經理失敗會自動cut綫(非常煩厭),上網預約或app預約日期選擇比電話預約少同遲。客戶服務部同維修工程部分開運作:平日師傅放工時間係六點不過就只會工作至五點,師傅會主動打畀你同你夾時間,而時間同已經預約嘅時間會唔同,如果配合唔到會需要重新致電客戶服務經理/上網預約。
Samsung同上面兩間一樣都係有維修中心,不過就只係授權公司,而客戶服務主任會傾向篩選案件,無論係線上支援、打電話都會有呢個情況,所以建議準備所有顯示產品故障情況嘅相片、影片,直接預約或walk-in維修中心。而佢比較衰嘅係之後要真係透過佢再約維修上門,所以步驟比較繁瑣。
LG臭名遠播,基本唔會回覆客戶,可以參考電腦mon嘅post。水貨維修保養可能更好,因爲你只需要搵一間信譽良好嘅水貨舖頭就可以。買LG行貨如果產品冇事,係一件值得恭喜嘅事,因爲唔需要經過佢客戶服務嘅洗禮。