970 Like
6 Dislike
墨說
2022-07-21 03:10:26
隨著台上最後的表演結束,晚會都踏入下個程序。
「各位!睇得、食得開唔開心?接下落嚟將會係董事嘅致詞,請各位就座。」一位男司儀手握小張講稿從後台行出。
機構上下員工識時務地回去位子坐下,我隨便找了個沒人出席的空座而坐。
前排座位多是股東和高層,後排則是中低層員工。
魯筆韋依舊戴著表皮青色的大眼頭套,有點滑稽又有點神秘。
「好感謝各位一年嚟嘅努力,我可以自豪地講機構係個大家庭,大家部門唔同、職位唔同、能力唔同,但就各施其職,一齊創立出呢個帝國。依幾年嚟,我哋除咗病者關懷收容服務,仲向住娛樂、文化、教育、食品、醫藥方面發展,務求接觸社會唔同層面,擴大機構嘅影響力,可以將呢種關愛思想傳播俾其他人,一直以嚟我哋都好受爭議,唔少人覺得收容病者,係對死者嘅唔尊重,但客戶數量每年持續嘅上升,證明我哋係無錯,未來我想將版圖擴展到其他地區。」
魯筆韋接下來三十分鐘,都訴說著機構的願境,有些員工明顯聽得累了,在座椅上直接睡著。
說完長篇大論後,魯筆韋把時間交回司儀。
「非常多謝魯生嘅分享,都希望機構可以蒸蒸日上!之後大家要落足耳力喇,因為輪到咗每年都有嘅抽獎環節!名額總共五個。」男司儀偷看一眼講稿。
一說到大抽獎,員工們都精神起來。
「想知自己有冇中獎好簡單,即刻檢查下你哋張櫈底,會摸到張卡寫住個數字,然後我哋會讀出中獎號碼,數字中嘅就好上台拎獎啦。」男司儀開始朗讀中獎號碼:「20!03!01!64!分別係呢四個號碼嘅中獎者,請上台領獎。」
我摸出椅子下卡片上面寫著「14」,獎品什麼的果然跟我無緣。
現場開始出現振臂高呼的中獎者,他的同桌的員工歡呼祝賀。
三男一女的中獎者都走到台上,但大家都好奇地討論著,司儀好像尚欠一個數字未讀出。
「相信大家都好困惑最後一個號碼未讀出呢?咁係因為最後一個號碼係終極大獎,我哋邀請咗位神秘嘉賓幫手抽出,但我哋頒完呢四位幸運兒嘅獎品先啊,有請魯生。」男司儀讓個位給他們。
第一個領獎的女員工含蓄地微微躬身,並跟魯生握手。
墨說
2022-07-21 03:10:38
「第一份獎品非常豐富啊,入住陽明山莊嘅病者收容所七日!」男司儀讀出獎品內容後,尷尬一笑:「非常好啊,相信會係個好好嘅體驗啦。」
女員工聽到獎品後內容後,本來的笑容失去了光澤。
「好,下位獎品係三罐午餐肉,超級實惠。」
「再下位,半打新鮮雞蛋!真係非常好嘅獎品!補充下蛋白質,又可以做煎蛋、炒蛋、水煮蛋,蛋真係同機構一樣多元化啊。」男司儀好像沒事找東西說。
「最後一位!係合共六罐青檸梳打,可以同家人朋友分享下。」
「萬眾期待嘅終極大獎嚟喇!各位準備好未?」男司儀撥弄一下氣氛。
台下員工舉著自己的號碼卡高呼。
「準備好的話,就有請特別嘉賓,港島合眾國總統──王達尼先生!」男司儀高喊。
不知何時成為嘉賓的王達尼行出,揮手面向台下員工。
「各位好,可以出席到機構嘅週年晚會我好開心,有班咁有活力嘅員工,係件非常鼓舞嘅事,之後聽講我要揀個號碼?不如俾我睇下你哋嘅號碼係咩,哈哈哈。」王達尼對台下員工招手。
「叫我呀!二百零六號!」
「九十二號呀!」
「叫三個位嘅數字!」
員工們都舉著號碼牌,爭相想要得到總統的注意。
不積極的我都試著舉舉卡牌,看看王達尼會否留意到,沒想到他真的瞧見,然後喊出那個號碼……
「就十四號喇!」
我怔住,在場的目光逐一投向我。
「十四號邊位啊?」王達尼假裝不知中獎者的我在哪裡,視線四處探望。
「呢到呀!呢到呀!」旁邊的人拉我起身,替我揮手。
「好!超級幸運兒請上台領獎。」男司儀說。
我本想一走了之,但當場走掉的話恐怕更加可疑,唯有硬著頭皮上去領獎。
雖然經過機構高層的位置時有些人抱著疑惑,許監事更是得知我的真正身份,但其餘大部份人基本上都不認識我。
我默默行到台上,跟王達尼對視。
「恭喜你!」王達尼伸手向我,想要握手。
「多謝多謝……」我裝作謙卑地點頭、握手,然後低聲詢問:「點解你喺到,嗰邊晚會唔係完咗咩……」
「佢哋出咗錢俾我,邀請我嚟做特別嘉賓,我見都順便咪做埋,你點解喺到就真……」王達尼低語回應。
「我見啱先個晚會無咩料到,咪入嚟呢到睇下。」
墨說
2022-07-21 03:10:48
「都係……」
「呃哈哈……兩位握完手可以接受獎品。」男司儀見我們握手有點久。
「獎品係咩?」王達尼和我不約而同地問。
「獎品就係《病者人道主義機構》會實現你一個願望!」男司儀大聲地喊,配合誇張的手勢和表情說明:「只要係唔犯法,合理,你都可以提出!」
「恭喜你,提出你嘅願望?」一旁站著的魯筆韋前來對我祝賀。
「唔……」我思考當中。
我未想到要什麼,台下歡眾已經急著替我答:
「車喇!要車喇,法拉利呀!」
「即場加薪啦!唔洗諗啦!」
「要樓實無死!!!」
想了好一會,我說出個讓人們鴉靜的答案。
「我想睇下魯生你真樣,即場除低個頭套。」
魯筆韋像呆住,沒有任何反應。
「呃……哈……噫……」男司儀都驚訝得說不出什麼來。
「呯──」
突然!會場的大門給推開。
大家都被大力的開門聲吸引,轉頭望向會場門口。
是位大家都熟識的高層占妙如女士,她臉上全是溶掉的妝,眼影和嘴唇過度深黑與鮮紅,穿著米色的風衣,攜著個名牌小皮包行入。
「占女士,你已經唔係機構嘅員工……」門外的接待生勸阻她。
「哈哈哈……我只係嚟……只係嚟恭喜下,新上任嘅理事長啫,年年我都同大家祝酒嫁啦。」占妙如女士神智癲癲瘋瘋,腳步虛虛浮浮的穿越會場中間的通道:「邊位係新上任嘅理事長啊?吓?邊位啊嗄……等我嚟望下你……恭喜下你……」
墨說
2022-07-21 03:10:58
儘管她孤身一個小女人出現,卻不知為何有種莫名的緊張感。
大家都你眼望我眼,看著半笑半哭的占妙如。
「喂喂喂……原本我都應該坐喺呢枱。」占妙如走到高層所坐的那一桌,敲敲那張墊著白布的圓枱:「原來係嫁……仲有何學民……」
「占女士你飲咗酒?」許監事裝作有風度地搭著膊,想送她遠離會場:「出去再講好無?」
「嘿哈哈哈哈,你隻老狐狸喺到扮哂嘢。」占妙如伸手進小皮包內,竟拿出把手槍:「如果唔係我做理事長嘅話,哈哈哈,咁機構嘅存在仲有意義?如果機構無存在意義……你哋都無存在嘅價值……」
「噫嗄。」看見手槍的許監事呆住了。
「呯!」占妙如近距離一槍打穿許監事肚皮。
「嘩呀呀!!」許監事立即倒下。
「嘻嘿嘿嘿嘿!你哋都係股東大會投要罷免我,記唔記得啊?」占妙如瞪大著眼,直視同枱的幾位高層。
「嗚呀!!!」樂小姐第一個尖叫離座。
「呯!」
占妙如一槍射向她,讓她倒地不起。
面露懼色的歡小姐高舉雙手表示投降,但還是給占妙如往胸膛開出一槍。
「呯!」
「哇呀──」連人帶椅射翻地上。
「呯!」
伏在桌子上的喜小姐不能幸免,頭頂直接給打穿個洞。
事情僅僅發生在三秒間,會場的人們方被恐懼擴散,各種的尖叫和亂跑,爭先恐後地跑向大門。
「嘿呀哈哈哈!!!」占妙如將手槍指向台上,對著魯筆韋董事:「到你!!!」
「呯!呯!呯!呯!呯!」占妙如朝台上連開五槍。
男司儀英勇地擋在董事面前,替他承受數下槍擊。
我都撲倒了王達尼,保護他的安全。
占妙如都不管是否射中了,將槍口指向機構其他股東:「仲有你哋!」她的目標非常明確,是股東大會上罷免她的人。
「呯!呯!呯!呯!呯!」槍聲不斷。
數名股東中槍倒地,射到彈匣都空了,占妙如直接掉棄手槍,從皮包轉拿刀子刺向仍未斷氣的許監事。
占妙如怒罵著:「死賤種!死賤種!當日你最想我死!我要插死你!殺埋你個女!」白刃入,紅刃出。
許美祿拉住占妙如手臂:「爸呀!」可惜卻被反砍一刀,割開脖子鮮血直流。
「哇!突然搞成咁,仲精彩過睇戲……」都不知王達尼是驚是喜。
「睇鬼睇馬咩……你班保鑣喺邊……」我問。
「應該喺門口……」王達尼看著門口,感覺動靜異常:「但點解好似無哂保安咁……」
不一會,原本衝向門口的員工們,都驚慌地退回至會場內,像有什麼洪水猛獸擋路。
見現場應該再無危險變數,我快速從台上跳落,跑向占妙如朝她飛撲!把她壓住的當下,我二話不說扭斷其腕,防止她再拾武攻擊。
「噹啷」刀子應聲掉下。
被壓著的占妙如對著會場大門嘶叫:「陀蘭──!」
文青坑渠
2022-07-21 03:19:24
真係陀蘭
Mysterion
2022-07-21 03:28:11
陀蘭
無法避免
2022-07-21 03:43:13
陀b
邊度有咁筍
2022-07-21 03:48:27
表皮青色的大眼頭套
馬神彈出彈入
2022-07-21 04:21:49
終於等到陀蘭上水
面具男
2022-07-21 04:22:58
許美祿
面具男
2022-07-21 04:28:26
啱啱返去重溫咗陀蘭殺貓嘅劇情
病港二 第三個post 第659樓
凡人的智慧
2022-07-21 07:56:52
啲人係咪準備變病者
隨機單身
2022-07-21 08:26:27
咁就死晒
弱水叁千只取一瓢
2022-07-21 09:39:51
m係咪又要準備比人撳住嚟砌
椒鹽蝦米
2022-07-21 09:41:28
推
湘B(生死未卜)
2022-07-21 09:50:44
劫の眼
2022-07-21 11:31:07
1v1
西野小春
2022-07-21 11:33:38
係唔係無證據殺喵,只係無武器周街走
愛。
2022-07-21 11:38:09
仲諗住要搞一大輪先可以收歸國(王達尼)有,依家話得事的差不多死q哂,直接變國企,由病獵協會管保安
關唔關我事啊
2022-07-21 12:01:12
機構d高層突然唏唏噓噓咁死哂
糖舍
2022-07-21 13:25:42
陀蘭
迷迷糊糊
2022-07-21 13:31:27
未必 依家應該係有史以黎最強嘅人類狀態
又極限體能 又不破經 白鯨之力又好似返咗黎
弟壹圓恥
2022-07-21 13:41:15
真係 以往都話靠下武器
而家上晒buff應該夠做
萬言
2022-07-21 13:55:29
陀蘭終於出