【金糞王朝】《病港ＩＩ》（５４）

如果係M直接搵佢嘅話就唔同講法
依家始終都隔咗浸

一路睇金糞王朝一路食榴槤，即刻變4D小說

第三個dimension去咗邊度
定係榴連就是金？

其實博海德同朝偉達尼bb講一個字就夠

「今次黎搵我係咩事？」

「M。」

push

Chance!

push

紙言讀者黎留名

當我見到果然是富林比比果度
響地鐵度笑左出聲

推呀推

推

失敗了吧

「咁呢個話題就結束。」王達尼起身送行。

博海德和詹天鷟兩人重回大樓走廊上，一樣朝著離開的梯口前去，沒有總統在旁的情況下，總算能真正地暢所欲言。

「前設係唔死人，咁我哋大把嘢可以搞、可以玩。」詹天鷟像自言自語，故意說給博海德聽見。

「你都小心自己間事務所。」博海德冷冷暗笑。

詹天鷟神情一變，眉額間抱著疑惑。

待兩人分道而行，沉默的劉吉才張口問：「你喺佢事務所做咗手腳？」

「純粹嚇下佢。」博海德聳肩輕笑。

「有冇諗到對策？」

「有，都可能要靠你。」博海德搭著劉吉肩膀，低聲地說明：「我想你喺全個病獵協會放置防守性陷阱，佢哋一定會用各種方法硬闖，我哋長期一半以上病獵喺外面執行任務，亦無理由叫駐紮病獵營嘅正規軍參與呢啲無謂事，我哋協會唔會夠人守，都唔可能臨急傳召病獵返嚟，要自己諗計。」

「明……」劉吉腦海已是各種可佈置陷阱地方的畫面。

兩人回到病獵協會，博海德翻開排班便查看可用人員，然後召集大病獵們至會議室相討事情。

會議中。

「開會終於多個人！無咁冷清。」蒙柯亞欣喜地坐到劉吉身邊。

看見大病獵們逐一進入，博海德開始事情如實告之，給大病獵們做好心理準備，隨時被西裝怪客入侵。

「嗰個咩咩教授好重要？點解我哋要保護佢。」陳一劍嘟著嘴，感到不解與困惑。

「我都唔知佢有咩咁重要，但係二代會長好辛苦咁救出嚟，咁一定有佢原因。」博海德是唯一站著的人。

薛墊仁翹起二郎腿，緩緩地道出：「我哋要全天候入防禦狀態？」

「唔洗，你、一劍同富馬士都係病獵協會營作嘅鐵膽，唔好耽誤學習進度，你哋繼續日常俾學徒嘅訓練。」博海德伸手遞向劉吉：「我搵咗新加入嘅劉大哥，喺全幢病獵協會佈置陷阱。」

「要幫手？」陷阱之術都是薛墊仁涉獵的範疇。

「無問題。」劉吉答。

「賤仁，你專心教書就得，劉大哥喺我哋未做大病獵嗰陣，已經係大病獵嚟，唔計佢突然退休嘅話，年資最老就係佢。」

「呢啲係咪叫「薑越老越辣」？」陳一劍哈哈大笑。

「……」富馬士目光擔憂地移向陳一劍。

「我仲諗到下一句「越夜越狡猾」！」陳一劍續說。

「會議結束。」博海德宣佈。

被託付重任的劉吉，一邊朝地下倉庫落去，一邊環望大樓內各個地方，並在武器庫借了個大鐵鎚。

劉吉把大鐵鎚置於肩上，平淡地走落倉庫，停步在中央的位置，猛地提鎚砸下！

「呯」

「呯」

「呯」

沉實敲砸聲，撼動著混凝土做的地面。

好快地面轉為冒出裂紋，小塊的細石炸開，當埋藏底下的寶藏漸漸露出全貌，劉吉砸地目的都得到揭示。

原來有個大箱子多年來安放著倉庫地底下，不被外人所知道。

劉吉彎身打開大箱子，入面存放著大大個行李袋，貼著感嘆號的危險告示貼紙，像個爆炸物一樣。

沒有警戒的劉吉直接拿上，好似老早得知裡面存放什麼。

一拉開行李袋，裡面全是各色各樣的陷阱道具物。

劉吉逐件點算倉庫存放的材料，開始利用倉庫下的木工台和材料，人手製作各種陷阱道具。

如果西裝客沒有虛言，那麼劉吉會有五日時間準備。

西裝客確無虛言，這五天裡圍堵病獵協會外頭的西裝客漸多，僅用眼神投射不同出入的人，但這一點都讓協會足夠苦惱，要是客人看到這場面，入病獵協會如要走入木人巷般，都馬上調頭走了。

五天後，銀領的游先生重新進入病獵協會大堂：「相信呢幾日你哋好煎熬，日日俾百幾個人望住，但有個人可以改變呢件事。」

游先生走到接待處前，卻見早幾日放上檯面的手提箱，擺放位置依然原封不動。

「游生，你終於返嚟拎走個手提箱。」霍洛圖說。

游先生愣了會，笑了會：「真係……」

「你哋都唔好再似個流浪漢咁，喺人哋門口打躉。」

「你知唔知，你哋面對緊邊個？」

「收皮啦游生。」忽然，扶手電梯上傳來博海德的聲音。

游先生抬頭望過去，看見一級級下來的博海德。

「你哋日日企喺出面，時間成本都蝕唔少，不如早啲帶隊返歸？」

游先生假裝微笑：「呢層你唔洗擔心，我哋做到你哋一單生意就夠。」

「你哋唔係以為自己會恐怖得過病者？」博海德把身子湊前到與游先生不到半米距離。

「咁又你知唔知，你哋要面對嘅事務所話事人佢有幾恐怖？」游先生反問。

「打金領帶嗰個光頭星？嗰日喺政府總部一早見過，戴住隻寶石戒指，皮光肉滑，成個死基佬咁款。」

游先生低頭抿嘴一笑：「嗰位係話事人嘅仔，一向幫佢父親做開打交道接生意嘅事情，我只可以講真正嗰一位係比病者更恐怖嘅人。」

「職業病又發作，喺到嚇鬼？」

「咁我哋拭目以待。」游先生取走手提箱，步出病獵協會門口。

「係咪準備要開戰？」霍洛圖問。

「嗯，劉吉佢佈置好哂？」

「係。」霍洛圖點頭。

為了更好的觀察大局，博海德獨自一人行出大門。

其時，一輛白色加長型禮車由西面禮頓道駛至，外頭罰站的西裝客們分開左右兩面，迎接車中主人。

在末世中駕駛車輛，不單是浪費資源的行為，更是奢華狂妄的表現。

那一口行駛數分鐘的燃油，都是價值不菲。

禮車停至病獵協會外面，游先生對著車門下跪，車門推開後詹天鷟伸腳踏出。

「點？」詹天鷟整理下西裝，詢問眼前跪著的下屬。

「佢哋唔肯接受條件……」游先生如實相告。

詹天鷟不留情臉地，直接往他臉上摑了巴掌。

「啪」清脆的響聲在場每個西裝客都聽見。

「你話你係咪廢？少少事都做唔到。」詹天鷟抽著游先生的耳朵，兩目直瞪。

有文！！！

幾時加更 係咪淨係加到400正評

收皮啦游學修

墨B城大grad?

明天

no

用咗十鬆d日，終於一口氣追到live
一次過睇曬1，再一0睇埋2

點解無人記起當日m收埋咗個合成藥既地方？
姐係一個度整咗4粒精神科藥既呢～

咁韓湘阿媽係咪唔使死？