【金糞王朝】《病港ＩＩ》（５４）

1001 回覆

970 Like 6 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

墨說 2022-07-01 01:20:49

由於本系列第一季字數超過一百萬字，強烈建議想要追看的讀者，先在Penana閱讀《病港》故事：

https://www.penana.com/story/73992/%E7%97%85%E6%B8%AF/

——————————————————————————————————————

第一季《病港》一至八冊和第二季《病港》全數在三中商務印書局上架，如無法買到個別冊數，可到HKTVmall、豐林文化Facebook專頁進行網上購買。

希望有睇嘅讀者，都不忘買病港第二季實體書支持一下

加上題材內容一啲情節有少少敏感，可能要絕版了，第三冊可能有望書展出版

——————————————————————————————————————

１：《大貓寺小王子》實體書已經製作完成，書中附有插畫，大約五萬字為一冊，預計書展出版

２：《我被寄宿到糖果女孩的家中》及《我被陽光照耀的日子》將會以新封面再印刷出版，預計書展有售

３：《病港》第三冊將於書展發售

４：書展有機會推出一篇我未公開載過的十萬字科幻故，能否出版要取決我能否趕上印刷，故事講述某個神秘的起源

——————————————————————————————————————

有興趣留意我最新消息同動向，歡迎Follow同讚好：

ＩＧ：maksyut20030164
ＦＢ：墨說

Penana：https://www.penana.com/user/93168/%E5%A2%A8%E8%AA%AA/stream?fromsearch=%E5%A2%A8%E8%AA%AA

——————————————————————————————————————

【《病港日報》資訊區】：

——————————————————————————————————————

【會長】

——————————————————————————————————————

【顧問】

【松木村「大師匠」認可神器】：

１：鯨牙大劍
２：金鷹頭拐杖
３：夜行傘
４：黃金貝果
５：「七傘系列」
６：腦電波情緒控制器
７：巨商之戒

——————————————————————————————————————

如果想支持我創作，或者想睇《病港ＩＩ》快少少嘅話，可以到本人以下付費網站購買通行證：

https://maksyut.com/

連登每有２００正評，付費網站和連登都會加一更，約３０００字

墨說 2022-07-01 01:21:57

「識脫皮嘅病爪？男病爪……」我腦裡冒出解答。

「咩男病爪。」

「我遇過隻特殊病爪，能力正正係脫皮重生。」

莫非男病爪的事，都跟湯婆相關？

「停。」劉吉發現了什麼。

落到五樓我們駭然發現走廊狹窄的長方形天窗，居然給人打開，更重要是有條繩子綁住窗框，透過天窗伸延下去。

「嗰隻虔誠者拎我條繩，係要嚟游落去地面……」現場的證據我一眼看得明明白白。

「落去睇下。」我和劉吉快奔下去。

回到地面大堂，我們查看繩子降落地點，那隻特殊病者果然是游繩離開了。

「走甩咗。」我握住繩子，抬頭望上去：「通知機構圍封成個山莊？」

劉吉深思一會，艱難地說：「唔好，咁會引起恐慌。」

「有隻特殊病者走甩咗，你仲在意呢個機構嘅聲譽？」

「如果呢件事揚咗，即係監管不力，許監事會落馬。」

「我覺得你更似虔誠者。」

「我家人都住喺收容單位，依差唔多十年嚟如果唔係許監事幫忙，我無呢種免費優惠。」劉吉說出忠心耿耿的原因，全都是為了變成病孕的老婆。

我有想過劉吉老婆可能正被收容中，沒想到真的猜對了。

「咁你想點做，當無事發生？」我不想爭論事情的正確性，只想解決當下的問題。

「虔誠者威脅唔大，可以淨係通知監事，再逐個地方搵。」

我都想不出再好的辦法，唯有點頭同意他的方案。

我係黎睇故 2022-07-01 01:21:59

我愛墨巴！我愛墨巴！

墨說 2022-07-01 01:22:07

我倆一起前去陽明山莊的辦公室，期間劉吉順便指示人員，去將摔死的宇宙之子屍體清理和焚燒殆盡。

跟在劉吉背後，能夠任意出入山莊受看管的範圍，並暢通無阻地來到監事面前。

「監事。」劉吉拍門。

「入嚟，搵我有事？」許監事問。

即使陽明山莊身陷水深火熱中，許監事仍休閒地喝著燉湯。

「香唔香？係洋銘大廚慢燉嘅湯，好補好滋味。」許監事輕吹一口，細喝一口：「點啊劉吉，已經回收哂血爵？十四座收容大廈嘅問題搞掂未。」

「大廈問題初步搞掂，可以陸續派人去維修，血爵都淨低一隻未搵到，只係又多咗件麻煩事。」劉吉如實回報。

許監事本來放到嘴邊的湯匙像給凝固住，懊惱地吐出句：「又係咩事……」

「有隻特殊病者走甩，叫虔誠者，但危險程度唔高。」

許監事沉思一陣：「唔係最頂層嗰隻就得，你講嗰隻嘢危唔危險？」

「佢一日未搵到同伴都唔危險。」

「咁慢慢搵佢出嚟，搵個藉口話臨時維修，暫時拒絕訪客先，記住隱藏好件事，你都知姓占嗰個老女人，收買咗幾多二五仔收風。」

「嗯。」劉吉如實執行。

許監事的目光好快轉向我：「你都未介紹身後嗰位。」

「主要幫我處理十四座收容大廈問題嘅幫手。」劉吉說。

「你帶得入嚟，即係信得過？」許監事了當地問。

劉吉正要替我回答之際，我搶先說出：「信唔過。」

「嗯？」許監事對我的回答感意外。

我行前拉開客人座椅，一個坐下來：「認唔認得我？」

許監事凝視著我的鳥嘴面具，腦內不停反覆思索，表情漸漸震驚，嘴角帶些抽搐地微笑：「關先生？」

「答啱。」

「你嚟做咩，你唔係應該同緊美祿搞將軍澳嘅分部計劃……」

反對聲音 2022-07-01 01:22:10

墨說 2022-07-01 01:22:17

「你係咪個有恩必報嘅人？」

「……」許監事一時回答不上，只是計算著我為何在此。

「十四座收容大廈嘅問題我已經幫你解決咗，所以我都有啲小事要你幫忙……如果你唔想有人知呢到發生嘅事故。」

「劉吉，佢係咩事？」許監事彷如頭笑面虎，笑裡藏刀。

「我純粹搵咗佢幫手處理大廈嘅事，佢依家同你講嘅嘢都與我無關。」劉吉分得很開。

「咁你係咩事……關生……」許監事繼續問我。

「好簡單，你權限應該可以入到機構十樓以上？」

許監事良久才答：「……可以。」

「咁你知何學民教授位置？」

「知。」

「我就唔怕同你講，佢俾人軟禁咁。」

許監事這次是發自內心的笑：「呢層我都當然知。」

「你都知？」

「何學民、我同姓占嘅喺機構都同等地位，係唯一影響到占妙如更上一層樓嘅人，我山高皇帝遠唔怕佢，但都唔可以俾佢捉到把柄，教授佢就可憐少少……純粹係掌管機構學術範疇，底下都只係堆學生，無權無勢，我聽佢宣稱要閉關研究病者語嗰陣，就估到占妙如做咗啲事。」許監事對病者收容的事做得一塌糊塗，職場政治倒是十分熟識。

「我要救返何學民出嚟。」我說。

「哈，先唔講一路上去有幾多保安，囚住佢書房嗰道係鋼製門，佢俾人當係文物咁保護監視住，你唔會有機會救到。」

「所以我先要你幫手做件事。」

「……」

「你無拒絕嘅條件。」

「劉吉。」許監事語氣稍帶命令，暗示劉吉立即對付我。

劉吉無動於衷，當作沒聽見。

「劉吉！」許監事更大聲點，半威脅地說：「你應該仲記得自己家人住緊喺收容所……」

劉吉眼神稍為動搖，瞧了向我。

「老實講，其實佢更加需要你，無咗你呢個前大病獵，相信成個收容所幾個月內玩完。」我說服劉吉反客為主。

劉吉的選擇顯然而見，他用淡漠的目光回應許監事的要求。

「你哋真係唔怕嫁喎？成個山莊都係我嘅人。」許監事繼續威逼。

「而你，就喺我面前。」

許監事冒出冷汗，皮笑肉不笑：「你想我點幫。」

「我再知會你。」我攜帶說話權離座離開。

到行出辦公室，劉吉才開腔：「你真係唔怕。」

「唔怕？」

「居然當面威脅一個機構嘅監事，仲先斬後奏唔同我講定聲，迫我即場做選擇。」

我笑一笑：「我仲做過多事，你係估唔到。」

忌廉燴飯 2022-07-01 01:23:24

久違留名

施承恩 2022-07-01 01:25:11